Indlela u-Dorothee azibuka ngayo iindwendwe
UDorothee ungumbuki zindwendwe e-London ukuze abelane nabanye ngekhaya lakhe
Yintoni eyakwenza wafuna ukwamkela iindwendwe?
Oko sathenga indlu yethu malunga neminyaka eyi-11 eyadlulayo, besisoloko sineendwendwe. Le nto sele iyinxalenye yendlela esiphila ngayo, ingakumbi njengoko sinegumbi lokulala esingafane silisebenzise. Okwangoku sibe namava amnandi kakhulu. Kufana ngathi sizisa ihlabathi endlwini yethu. Kwakhona ikwayindlela entle yokuyisebenzisa ngokupheleleyo loo nto sinayo—indlu yethu.
Wena uzamkela njani iindwendwe ekhayeni lakho?
Ukuba ndiyasebenza xa iindwendwe zifika, ngokuqhelekileyo zamkelwa yintombi yam. Iyayithanda loo nto kwaye iyithatha ngathi iyaphangela. Neendwendwe ziyayithanda, kuba izenza ziqonde ngokupheleleyo ukuba likhaya losapho.
Ngaba nabakho abantwana bayancokola neendwendwe?
Abantwana bathi “Umele uye kula venkile yokutyela. Umele uye kula venkile yekofu. Umele nakanjani uyizame la burger.” Uninzi lweendwendwe luyixabisa kakhulu loo nto. Luziva lwamkelekile, kwaye luziva ngathi lungcamla ubomi baseMzantsi London.
Ukuba ngumbuki zindwendwe kuyitshintshe njani indlela ophatha ngayo umzi wakho?
Ndiyaqinisekisa ukuba ikhitshi lethu licocekile (akukho lula xa unabantwana ababini!) kwaye ndiyaqinisekisa ukuba igadi engaphambili icocekile kwaye iyabukeka.
Yintoni okwazileyo ukuyenza ngemali engakumbi oyifumene ngokwamkela iindwendwe?
Sithenga ekuhlaleni, sithenga kwiimarike zamafama, kwaye sitya ukutya okunesondlo, okufreshi nokungafakwanga michiza, ebesingenakukwazi ukukufikelela ukuba besingengabo ababuki zindwendwe bakwa-Airbnb.
Ngaba inkululeko oyinikwa nguAirbnb ibalulekile kuwe, into yokuba imithetho ebekiweyo iyeyakho?
Kubaluleke kakhulu ukuba nabantwana ababini, njengoko ubunokulindela ukuba kube njalo. Sinezinto esifuna ukuzenza, sixakekile, kwaye ngamanye amaxesha sifuna ukuba sodwa. Kuhle ukuba sibe nenkululeko yokukhetha ukuba sifuna ukuzamkela nini iindwendwe.
Omnye wemithetho yakho kukuba iindwendwe ziyinxalenye yosapho ngexesha lokuhlala kwazo. Ngaba ungakhe unabe?
Amaxesha amaninzi iindwendwe ziyayiqonda kwaye ziyayixabisa loo nto—xa zibhukisha, kuyachazwa ukuba le yindawo yosapho. Yaye ukuba azinangxaki nokubakho kwabantwana, kungcono nangakumbi. Ngokuqhelekileyo oko kuthetha ukuba ngamanye amaxesha siphunga kunye iti ekhitshini. Sithetha ngezinto ezenzekileyo ngaloo mini, emva koko wonke umntu uqhubeka naloo nto ebeyenza. Iba lixesha elichukumisayo elo.