Izinto ezilungisiweyo ngo-2024
Ukulwa ucalulo nokwenza uhambo lulungele wonke umntu
IProject Lighthouse
IProject Lighthouse, eqaliswe ngo-2020, sisixhobo esisisebenzisayo eMerika esinceda ekufumaneni nasekulungiseni ukungafani kwendlela abantu ababonwa njengabeentlanga ezahlukileyo abanokumonwabela ngayo uAirbnb. Senze iProject Lighthouse sikhokelwa yimibutho ephambili yokulwela amalungelo abantu nawezinto eziyimfihlo. Funda okungakumbi
Kusetyenziswa inkcazelo yokwenyani
Sihlola indlela iindwendwe Nababuki Zindwendwe abayisebenzisa ngayo iwebhusayithi yethu. Uhlalutyo lweenkcukacha-manani lusinceda sifumane amathuba okwenza uAirbnb avulekele kumntu wonke.
Ukukhusela izinto eziyimfihlo
Sihlola zonke izinto ezenzekayo ibe asiyidibanisi inkcazelo yokucingelwa kobuhlanga nabantu okanye neeakhawunti ezithile.
Kuhlala kuphuculwa
Iqela lethu liyaqhubeka likhangela iindlela ezintsha zokwenza uAirbnb afikeleleke aze onwatyelwe ngabantu bonke ngokulinganayo.
Izinto esizenza ngokuqhubekayo
Ukwenza uVel' Ubhukishe afikeleleke ebantwini abangakumbi
Uvel' Ubhukishe—into evumela iindwendwe ukuba zibhukishe indlu ngaphandle kokuba kufuneke ababuki zindwendwe bamkele isicelo sokubhukisha ngokwabo—sisixhobo esibalulekileyo esinokunceda ekunciphiseni ucalulo olunokubakho kwinkqubo yokubhukisha ngokuxhasa ukubhukisha ngaphandle kokucalulwa kwabantu. Izinto ezitshintshiweyo kutshanje ezivumela ingcaciso epheleleyo yengxelo entle kwa-Airbnb incede ekwandiseni inani leendwendwe ezibhukisha ngokuphumelelayo ngokuVel' Ubhukishe.
Ukunceda ababuki zindwendwe baphendule izicelo zokubhukisha
Amanyathelo amatsha anceda ababuki zindwendwe baphendule izicelo zokubhukisha ngexesha elifanelekileyo nawo anyuse izinga lokubhukishwa ngokuphumelelayo. Ezi zinto zitshintshiweyo ziquka ukwenza izicelo zokubhukisha ezisalindileyo zibonakale ngakumbi kubabuki zindwendwe. Le nto inciphise inani lezicelo zokubhukisha ebezingaphendulwanga ngaphambili, nto leyo eyandise inani leendwendwe ezibhukisha indawo yokuhlala ngokuphumelelayo.
Ukunceda iindwendwe zenze igama elihle kwa-Airbnb
Iindwendwe ezinezimvo zinezinga eliphezulwana lokubhukishwa ngokuphumelelayo. Ngoku sikwenze kwalula ukuba iindwendwe zifake abantu abahamba nabo abaneeakhawunti zika-Airbnb ekubhukisheni kwazo, nto leyo eyenza aba bantu bahamba nabo bakwazi ukufumana uluvo nokuba khange babhukishe indawo yokuhlala.
Ukunceda ababuki zindwendwe neendwendwe ebudeni balo lonke ixesha abalihleliyo
Siye sazisa ngento entsha evumela ababuki zindwendwe neendwendwe ukuba baveze amagama abawathandayo kwiiprofayile zabo, emva kokuqinisekisa amagama abo asemthethweni. Siyayiphucula nenkqubo yababuki zindwendwe okanye yeendwendwe ezixela ukuba zibizwa ngezibizo ezingachananga kuluvo. Ukuba umbuki zindwendwe okanye undwendwe luchaza into elingayithandiyo, siyatshintshwa isibizo kuze kusetyenziswe igama elithandwa nguloo mntu ulisebenzisayo.
Ukomeleza iipolisi neenkqubo zethu
Siyilungisile inkqubo yababuki zindwendwe yokwala isicelo sokubhukisha ukuze sikwazi ukubachazela izizathu ezamkelekileyo nezingamkelekanga zokungavumi isicelo sokubhukisha. Siyilungisile nePolisi yethu Yokungacaluli ukuze siyenze isebenze kakuhle ngakumbi saza safake izinto ezintsha zokukhusela ukucalulwa okugqith' emngceni kwabantu. Okokugqibela, sitshintsha izinto ezininzi ukuze sikwazi ukuphucula ubulungisa xa umbuki zindwendwe erhoxisa ukubhukisha okusele kukhona.
Ukunikezela ngenkcazelo engakumbi ngamathuba okuxhotyiswa ngokwezoqoqosho afumaneka kwa-Airbnb
Siyayandisa iAirbnb Entrepreneurship Academy, eyenza abantu abavela kwiintsapho ezahlukahlukeneyo neziphuma kwiindawo ezinabantu abambalwa ukuba babuke iindwendwe kwiwebhusayithi yethu sisebenzisana nemibutho equka iHispanic Wealth Project, iBrotherhood Crusade, neUnited Spinal Association. Siyaqhubeka nokuthatha inxaxheba kwiphulo leOperation Hope's 1 Million Black Businesses (1MBB), elinceda oosomashishini abaNtsundu baqalise, bakhulise okanye bandise amashishini abo.
Ukuqhubeka nokuzibophelela kwethu kwiindwendwe ezinengxaki yokuzihambela
Izihluzi zethu zokukhangela izinto ezinceda ilungele wonke umntu zenza kube lula ukuba iindwendwe zifumane zize zibhukishe iindawo ezizidingayo. Siye sizihlole zonke izinto ezinceda ilungele wonke umntu ezifakwe ngabubuki zindwendwe ukuze siqinisekise ukuba zichanile.
Ukuzibophelela kwethu ekulweni ucalulo
Lo msebenzi uze emva kwembali yokulwa ucalulo kuquka Ukuhlalutywa Kwamalungelo Oluntu ngo-2016, ukongezelelwa kulungiswa izinto ezithile ngo-2019, ukubhengezwa kweProject Lighthouse ngo-2020, nokukhutshwa kwenkcazelo yethu yeProject Lighthouse ngo-2022. Ezi zinto zilungisiweyo ziquka amaphulo nemizamo emininzi etshintsha-tshintshayo yokuxhasa wonke umntu ukuba aphumelele kwa-Airbnb.
Ukuzibophelela Kwentsapho ka-Airbnb
Ukususela ngo-2016, siye sacela bonke abantu abasebenzisa uAirbnb ukuba bazibophelele ekuphatheni abanye abantu ngembeko bangabagwebi okanye babakhethe ngokuthi bavumelane Nokuzibophelela Kwentsapho ka-Airbnb. Nabani na ongavumiyo akavunyelwa ukuba angene kwiwebhusayithi yethu okanye uyasuswa kuyo.
Ndiza kuphatha wonke umntu kule ntsapho—kungakhathaliseki uhlanga lwakhe, inkolo, imvelaphi yesizwe, umbala wolusu, isiphene, isini, uzichaza ngokuthi ungowesiphi isini, uthanda abantu besiphi isini, okanye iminyaka yakhe—ngembeko, nangaphandle kokugweba okanye umkhethe.
Funda ingxelo ka-2024
Izinto ezilungisiweyo kwiThe 2024 Project Lighthouse ziquka iziphumo eziphambili zeProject Lighthouse nenkcazelo yethu epheleleyo nenkqubela esiyenzileyo ukususela ngo-2016.
Dibana nemibutho esisebenzisana nayo
Sifuna amacebiso size sisebenzisane namaqela aphambili amalungelo abantu nemibutho yezinto eziyimfihlo, kuquka le mibutho esisebenzisane nayo yaza yasicebisa kwiProject Lighthouse.
