Indlela u-Patrick no-Evelyne ababuka ngayo iindwendwe
U-Patrick no-Evelyne bangababuki zindwendwe e-Paris ukuze kuhlale kumnandi endlwini yabo
Yintoni eyakwenza wafuna ukwamkela iindwendwe?
Emva kokuba abantwana bethu bemkile, kwatsho kwathi nkcwe endlwini yaye kulusizi. Besifuna ukuyigcwalisa kwakhona ngoxa sifuna nokuyenza ifumaneke xa usapho luyidinga. Ukwamkela iindwendwe kukwasinika ithuba lokuba siyigcine ikwimeko entle kwaye siyenze ibe tofotofo ngakumbi.
Ngaba ikhona into obunexhala layo ngaphambi kokuba uqalise ukwamkela iindwendwe?
Besele sinamava okwamkela iindwendwe ekhayeni lethu kwaye besaneliseke kakhulu, ngaphandle nje kokuba bekunzima kakhulu ukucwangcisa kunokuba kunjalo nge-Airbnb.
Ulungiselela njani ukuze uqiniseke ukuba yonke into ihamba kakuhle xa iindwendwe zifika?
Sihlola indlu, ilinen, izinto ezidingekayo (iti, ikofu, iziqholo, iphepha lasethoyilethi), kwaye sithumela umyalezo kwiindwendwe ukuqinisekisa ixesha lazo lokufika kunye nohambo lwazo.
Yeyiphi eyona nto imangalisayo oyifumanisileyo njengombuki zindwendwe we-Airbnb?
Intsapho yaseMerika enentombi yayo ehlala e-Paris yabuza ukuba ingeza na endlwini yethu ukuzojonga ukuba ioveni yethu yayinkulu ngokwaneleyo na ukuba ingapheka ikalkuni yombulelo. Ioveni yayinkulu ngokwaneleyo—kwaye sayitya sonke loo kalkuni. Ngoku babuya minyaka yonke!
Ngaba ukwamkela iindwendwe kuyitshintshile indlela ophila ngayo?
Ewe. Kuthatha ixesha elininzi ekuqaleni, kodwa ude uqhele ude ufumane nethuba lokukhenketha ngakumbi.
Yeyiphi eyona nto yakhe yakuvuyisa kakhulu njengombuki zindwendwe?
Xa iindwendwe zethu zisibulela ngokuzamkela kwethu ngobubele kwaye zisixelele indlela elihle ngayo ikhaya lethu.