Hlola ideshibhodi yakho Yombuki Zindwendwe Oncedisayo

Emva kokuba ujoyine iwebhusayithi yeenkonzo Zababuki Zindwendwe Abancedisayo abanamava uze wenze iprofayile yakho, lixesha lokusebenzisana Nababuki Zindwendwe abadinga uncedo lwakho. Ababuki zindwendwe abakufutshane banokukufumana ngokufaka idilesi yendlu yabo kwiphepha lokuqala Lababuki Zindwendwe Abancedisayo abanamava. Emva kokuba bakuthumelele isicelo, baza kuvela kwideshibhodi yakho.

Ideshibhodi yakho ineethebhu ezimbini:

• Ithebhu yeesetingi, apho ulungisa khona iprofayile yakho

• Ithebhu yezicelo, apho ulandelela abantu abanokuba Ngababuki Zindwendwe abanokuba nomdla wokusebenzisana nawe

Kwithebhu yezicelo, unokulandelela nabantu obameme simahla, Abangababuki Zindwendwe ongadibananga nabo kwewebhusayithi yeenkonzo Zababuki Zindwendwe Abancedisayo abanamava. Wakuba ufake olu hlobo Lombuki Zindwendwe kwiprofayile yakho, uza kukwazi ukulandelela inkqubela yakhe kwideshibhodi yakho.

Into ebalulekileyo ekwamkeleni iindwendwe ngendlela eyenza ufumane iinkwenkwezi ezintlanu kuAirbnb kukuziphendula iindwendwe. Njengombuki Zindwendwe Oncedisayo onamava, kusebenza into efanayo kwindlela ozihoya ngayo izicelo Zababuki Zindwendwe. Ukuphendula ngokukhawuleza kunokubonisa ukuba ungumntu ekusetyenzwa naye okhawuleza aphendule.

Xa ufumana isicelo, uza kufumana igama lomntu onokuba Ngumbuki Zindwendwe, idilesi, inombolo yefowuni, idilesi yeimeyile, umhla wesicelo, nemeko yaso kwithebhu yezicelo zakho. Izinto ezingemeko onokukhetha kuzo ziquka:

• Ezintsha: Umbuki Zindwendwe ubuze ukuba uyafuna ukusebenza naye na

• Eziqhubekayo: Uncokola Nombuki Zindwendwe ngokusebenzisana naye

• Ezikuphosileyo: Umbuki Zindwendwe ukhethe ukungasebenzi nawe

• Ezingavunywanga: Ukhethe ukungasebenzi Nombuki Zindwendwe

• Oziphumeleleyo: Wena Nombuki Zindwendwe nivumelene ukusebenzisana

Xa Umbuki Zindwendwe ekuthumelela isimemo sokuba ube Ngumbuki Zindwendwe Oncedisayo, uza kusifumana kwimiyalezo yakho ka-Airbnb. Uza kukwazi ukukhetha ukwamkela okanye ukungasamkeli isimemo sakhe. Ukuba uyasamkela, imeko yakho kwideshibhodi iza kulungiswa ngokuzenzekelayo ithi Samkelwe. Ukuba awusamkeli, iza kulungiswa ithi Asamkelwanga.

Wakuba nje uqhakamshelene Nombuki Zindwendwe, ungathetha ngendlela eninokusebenzisana ngayo uze umchazele ukuba kutheni unokuyifanelekela indawo yakhe.

UClarysse noArthur, Ababuki Zindwendwe Abancedisayo abanamava eParis bathi, “Sithetha ngamagqabantshintshi endlela ekusetyenzwa ngayo—ukucoca, ukubuka iindwendwe, ukulungisa izinto—ebantwini abanokuba Ngababuki Zindwendwe. Sibonisa ngendlu esiyilawulayo kwiwebhusayithi ka-Airbnb, ukuze Umbuki Zindwendwe awuqonde umsebenzi wethu aze akhangele phambili ekusebenzisaneni nathi kwixesha elizayo.”

Ukuba sele uncedisa abanye Ababuki Zindwendwe ekubukeni iindwendwe, usenokucinga ngokubacela ukuba bakuncomele. USandra noJimmy, Ababuki Zindwendwe Abancedisayo abanamava eCombs-la-Ville, eFransi, badla ngokusebenzisa le ndlela.

UJimmy uthi, “Ukucacisa iinkonzo zethu ngokweenkcukacha nokubonisa izindlu esizilawulayo kwanele, kodwa akukho nto eyogqitha ukuqinisekiswa ngomnye wabathengi bethu esinabo. Le nto yandisa amathuba ethu okubhukishwa.”

USabrina, Umbuki Zindwendwe Oncedisayo onamava eDenver, eColorado, uthi kubalulekile ukuqinisekisa ukuba iinkonzo zakhe “zimlungele Umbuki Zindwendwe.” Xa edibana Nombuki Zindwendwe omtsha, uthi, “Ndiye ndiziqhelanise nendlu yakhe, ixesha akulungele ngalo ukuzibophelela ekwamkeleni iindwendwe, nemali alindele ukuyenza, okanye ndimncede aqonde izinto anokuzenza.”

UJimmy, Umbuki Zindwendwe Oncedisayo onamava ePalm Springs, eKhalifoniya, uyavuma. Uthi, “Ndiye ndikhethe ngobulumko kuba umgama nomgangatho ubaluleke kakhulu kum. Kwaye ulwalamano nabanikazi bendawo lubalulekile.”

Inkcazelo ekweli nqaku isenokuba itshintshile emva kokuba lipapashiwe.