Sebenzisa izixhobo zakwa-Airbnb zokuncedisa ekubukeni iindwendwe
Into ebalulekileyo ekubeni Ngumbuki Zindwendwe Oncedisayo onamava ophumelelayo kukwenza isigqibo ngendlela wena Nombuki Zindwendwe eniza kwawahlula ngayo umsebenzi wokulawula indlu.
Ngaba wena Nombuki Zindwendwe niza kuthumelela iindwendwe imiyalezo, okanye ngomnye wenu oza kwenza loo nto? Ngaba nguwe oza kulawula yonke indlu uze uqhakamshelane Nombuki Zindwendwe kuphela xa kukho iingxaki ezithile, njengezicelo zokubuyiselwa imali? Nokuba ugqiba entwenini, uAirbnb unezixhobo zokunceda ekwenzeni ukubuka iindwendwe kube lula.
Ukuseta iimvume Zombuki Zindwendwe Oncedisayo
Xa Umbuki Zindwendwe ekumema ukuba uncedise ekubukeni iindwendwe kwindlu yakhe, uza kucelwa ukuba akhethe izinto onokuzisebenzisa. Izinto onokuzikhetha ziquka:
- Zonke iimvume
- Ukungena kwikhalenda nakwimiyalezo
- Ukungena kwikhalenda kuphela
Xa unemvume epheleleyo, ungenza ezi zinto:
- Ungenza indawo entsha
- Ungathumela imiyalezo kwiindwendwe uze ufumane imiyalezo
- Ungalungisa ikhalenda
- Ungahlola ingxelo yemali engenileyo nephumileyo
- Ungalawula indlu, kuquka amaxabiso nezinye iinkcukacha
- Ungalawula ukubhukisha, kuquka ukwamkela nokungazamkeli izicelo zohambo, ukurhoxisa nezicelo Zeziko Lezemali
- Ungafaka isicelo sokubuyiselwa imali
- Ungafaka okanye ususe abanye Ababuki Zindwendwe Abancedisayo, ulungise iimvume, uze uzibeke wena okanye omnye Umbuki Zindwendwe Oncedisayo njengoyena Mbuki Zindwendwe wendlu
Nceda uqaphele ukuba nokuba unemvume epheleleyo, awunakukwazi:
Ukuseta okanye ukulungisa imali emele ibhatalwe abanye Ababuki Zindwendwe Abancedisayo
Ukulawula izicelo zokubuyiselwa imali xa sele zifakiwe
Ukuhlola okanye ukutshintsha indlela yokubhatalwa yomnikazi wendlu okanye indlela yokubhatalwa yabanye Ababuki Zindwendwe Abancedisayo okanye inkcazelo yomrhafi
Ukunxibelelana ngokufanelekileyo
Licebo elihle ukuceba Nababuki Zindwendwe ukuze wazi ukuba ngubani oza kuba nomsebenzi wokuphendula iindwendwe nokuhoya olunye uqhakamshelwano. Ababuki zindwendwe basenokufuna ukuba uyihoye yonke loo nto, okanye bakhethe ukuwahlula umsebenzi.
Izinto ezingonxibelelwano ekufuneka ucinge ngazo ziquka:
Ukuthumela imiyalezo usuku nosuku, ukuphendula imibuzo, nokulungisa naziphi na iingxaki ezivelayo
Ukuphendula izicelo zokubhukisha xa indlu ingamsebenzisi Uvel' Ubhukishe
Ukuthumela izicelo zokubuyiselwa imali (nangona ingabanikazi bezindlu kuphela abanokuzilawula xa zifakiwe)
Ukuqhakamshelana Neqela Elinceda Intsapho ukuze uncedwe
Ukulawula abanye Ababuki Zindwendwe Abancedisayo
USabrina, Umbuki Zindwendwe Oncedisayo onamava eDenver, eColorado, ukufumanisa ukuba nomntu omnye onxibelelana neendwendwe, uthi, “ukuze zisoloko zisetyenziswa ngendlela efanayo iipolisi ezifana nezezaphulelo, nezokubuyiselwa imali nezeengxaki zeendwendwe.”
Kunokuvela iingxaki xa kungekho cebo licacileyo. UDominic, Umbuki Zindwendwe Oncedisayo onamava eCornwall, eNgilani uthi, “Xa kukho abantu ababini abohlulelane ngolu hlobo lomsebenzi, kusenokubhidana izitya. Zivela xa kulapho ke iingxaki, abantu abacocayo abangalungelelaniswanga, izinto nje ezifana nezo.”
Ukuqonda indlela ukubhatalwa okusebenza ngayo
Ababuki zindwendwe bangakhetha ukusebenzisa izixhobo zokubhatala ababuki zindwendwe abancedisayo ukuze bahlulelane nawe ngepesenti okanye ngemali eqingqiweyo ngokubhukisha ngakunye kuAirbnb. Bangakhetha enye yeendlela zokubhatala ezine:
Yahlulelana ngemali yokucoca
Yahlulelana ngemali yokucoca nangepesenti yemali yokubhukisha
Yahlulelana ngepesenti ethile yemali nganye oyibhatalwayo
Yahlulelana ngemali eqingqiweyo yemali nganye oyibhatalwayo
Ngabanikazi bezindlu kuphela abanokuseta ukubhatalwa. Kusenokubakho imiqathango ngokusekelwe kwindawo akuyo Umbuki Zindwendwe Oncedisayo.
Xa Umbuki Zindwendwe eseta imali ebhatalwa umbuki zindwendwe oncedisayo, uneentsuku eziyi-14 zokuyamkela okanye zokungayamkeli. Ngokuqhelekileyo umele uthethe uze uvumelane ngemali ebhatalwayo nendlela ebhatalwa ngayo Nombuki Zindwendwe ngaphambi kokuba akuthumelele isicelo sakhe, kodwa ukuba awusamkeli isicelo sokubhatalwa, kuza kufuneka Umbuki Zindwendwe athumele iinkcukacha ezintsha zemali athi mawuyibhatalwe.
Emva kokuba uyiqinisekisile imali eza kubhatalwa, uza kuqalisa ukubhatalwa ngokubhukisha malunga neeyure eziyi-24 emva kokuba kubhalisiwe xa kufikwa. Xa umnikazi wendlu eyitshintsha imali emele ibhatelwe, loo nto iza kusebenza kuphela ekubhukisheni okuqala emva kokuba uyamkele loo nto itshintshiweyo.
Inkcazelo ekweli nqaku isenokuba itshintshile emva kokuba lipapashiwe.