Yandisa inani Lababuki Ndwendwe onxibelelana nabo
Xa usaziwa kakhulu ekuhlaleni, uza kuphucula ukukwazi kwakho ukufumana Ababuki Zindwendwe abadinga ukuncedwa nguwe. Ukuxuba indlela ozithengisa ngayo ngokusebenzisa i-intanethi nokuzithengisa ubuqu kunceda Ababuki Zindwendwe bafunde ngeentsuku ofumaneka ngazo baze bachazele abanye ngeenkonzo zakho zokuncedisa ekubukeni iindwendwe.
Ukufumana Ababuki Zindwendwe abafuna ukuncedwa
Nangona Ababuki Zindwendwe besoloko benokukufumana kwiphepha lokuqala Lababuki Zindwendwe Abancedisayo abanamava, kuhle ukuqhakamshelana Nababuki Zindwendwe abasekuhlaleni. Abanye Ababuki Zindwendwe Abancedisayo abaphumeleleyo baqalise iphepha likaLinkedIn, likaInstagram okanye likaFacebook leenkonzo zabo zokuncedisa ekubukeni iindwendwe.
Zama ukufumana amathuba okuya kumatheko okudibana nabanye abantu ubuqu, apho usenokudibana Nababuki Zindwendwe abakhangela Ababuki Zindwendwe Abancedisayo kwingingqi yakho.
UJimmy, Umbuki Zindwendwe Oncedisayo onamava ePalm Springs, eKhalifoniya, uthi ufumene Ababuki Zindwendwe “ngokuyintloko ngokuthetha nabanye abantu kwingingqi yam.” Usenokufumana Umbuki Zindwendwe ungayilindelanga loo nto: kutshanje uJimmy ufumene izindlu ezimbini ezintsha kumntu ococa ipuli yakhe.
UDominic, Umbuki Zindwendwe Oncedisayo onamava eCornwall, eNgilani, uye wanamava afanayo. Uthi, “Kukusebenzisa nje abantu obaziyo. Loo nto ndiyenza ngesantya endikwaziyo ukusilawula.”
Wakuba uqalisile, ungafumana iindlela zokuzahlula. Le nto inokuquka ukwenza izinto ezifana nezi:
Iphepha leendaba okanye iblog ukuze Ababuki Zindwendwe bahlale benolwazi
Ikiti yokwamkela iindwendwe
Iinkonzo Zababuki Zindwendwe okanye zeendwendwe ezenzelwe wena
Isikhokelo sezaphulelo zasekuhlaleni
Ukuthumela izimemo
Ukuba ufumana Umbuki Zindwendwe ongekho kwiwebhusayithi yeenkonzo Zababuki Zindwendwe Abancedisayo abanamava, unokucinga ngokummema ukuba asebenzisane nawe ngokumthumelela ilinki yokumema uyithatha kwideshibhodi yakho yewebhusayithi Yababuki Zindwendwe Abancedisayo abanamava. Nangona unganyanzelekanga ukuba ufake Umbuki Zindwendwe omtsha kwithebhu yezicelo zakho, le inokuba yindlela efanelekileyo yokuhlala ulungelelene.
Inkcazelo ekweli nqaku isenokuba itshintshile emva kokuba lipapashiwe.