Indlela u-Lym azibuka ngayo iindwendwe
ULym ungumbuki zindwendwe e-Puerto Rico ukuze enze imali engakumbi.
Yintoni eyakwenza wafuna ukwamkela iindwendwe?
Ndingumama ongatshatanga. Bendisebenzela urhulumente njengegqwetha kwaye andikhange ndenze imali eninzi njengoko bendifuna. Bendinommelwane owayekwi-Airbnb kwaye wayeqeshisa ngegumbi labucala ngaphakathi ekhayeni lakhe. Wandibalisela amava akhe kwaye ndacinga, “Yazi yintoni, ndicinga ukuba nam ndingayenza loo nto kweyam indlu.”
Ulungiselela njani ukuze uqiniseke ukuba yonke into ihamba kakuhle xa iindwendwe zifika?
Ewe, ndicoca kakhulu. Ndiyicoca ngokwam indlu yam kuba ngamanye amaxesha ndibhatala abantu ukuba bacoce kodwa abenzi njengam. Ifriji ihlala inendawo ukuze bakwazi ukugcina ukutya kwabo xa befuna. Ngamanye amaxesha ndibafakela ibhiya yasekuhlaleni efrijini ndize ndibeke umyalezo kuyo wokubazisa ukuba yeyabo.
Kutheni uqhubeka usamkela iindwendwe?
Sakha ubuhlobo. Yaye ikwayindlela yam yokwenza imali eyongezelelekileyo ngokwenza izinto endizithandayo.
Ngaba ikhona into ongamcebisa ngayo umntu ocinga ngokuba ngumbuki zindwendwe?
Ndicinga ukuba bamele bajonge kwiwebhsayithi ye-Airbnb ukuze babone ukuba kusebenza njani. Ungajonga iindlela onokuyikhusela ngazo indlu yakho, njengeentlobo zokungena endlwini yakho onokuzikhetha. I-Airbnb ineentlobo ezininzi zokhuseleko zababuki zindwendwe abahlukahlukeneyo.
Ngaba zikhona izihlandlo ezikhethekileyo ozikhumbulayo zokwamkela iindwendwe?
Eyona nto ndiyithandayo kukudibana nabantu abatsha. Ndiba neencoko ezimnandi kunye neendwendwe. Ngamanye amaxesha ziyandimema ukuba ndisele nazo iwayini kwaye siba nencoko ende ekhaya. Iindwendwe ndiziphatha njengabahlobo. Ibe zidla ngokubhala ngam izinto ... Ezichukumisayo ndide ndifune ukulila xa ndizifunda. Zithetha izinto ezintle ngam nangekhaya lam, ibe loo nto indenza ndive kamnandi kakhulu.
Ngaba wakhe waneendwendwe eziye zenza into engaphaya kwaleyo ubuyilindele?
Uninzi lwazo, kuba ziyishiya indawo intle kakhulu, ezinye zide zondlule ngamanye amaxesha. Kuba ngathi nilusapho okanye abahlobo. Ukuba bophule into, bathi kum, “Uxolo, ndophule iglasi” okanye loo nto iyiyo. Zange khe ndalahlekelwa yinto ekhayeni lam. Izixhobo zam. Iincwadi zam. Ndishiya yonke into apha.