Indlela yokuqalisa ishishini kuAirbnb

Akukho mfuneko yokuba ube namava okuqhuba ishishini ukuze ube nguMbuki Zindwendwe ophumelelayo kuAirbnb. Yiva kwiiSuperhost uBryan noCatherine baseColumbus, eOhio—bobabini babengenamava okuba neshishini elincinci okanye ukubuka iindwendwe ngaphambi kokuba baqale kuAirbnb ngokufaka igumbi labo abangalisebenzisiyo.

UBryan uthi: “Emva kweminyaka esibhozo, ngoku sinezindlu ezine ezahlukeneyo esibuka kuzo iindwendwe ibe sizama indawo enesidlo sakusasa.”

Ukuba ucinga ngokuvula ikhaya lakho okanye enye indawo ukuze uhlalise iindwendwe kwaye uyazibuza ngendlela yokuqalisa ishishini lokubuka iindwendwe kuAirbnb, ukwindawo echanileyo. Nanga amanyathelo ambalwa alula okukunceda uqalise, ukususela ekwazini ukuba yimalini onokuyenza ukuya ekufundeni ukuba zintoni ekufuneka zenziwe suku ngalunye.

Okokuqala, hlola ezinye iindawo kuAirbnb neendawo zokuhlala ezinesidlo sakusasa kwingingqi yakho ezifana nendawo yakho. Zama ukujonga ukuba zinantoni—nokuba yintoni ongenayo wena onokuyifaka.

Cinga ngeendwendwe ezinokubhukisha indawo yakho. Ingingqi yakho ifumana abahambi bezoshishino abaninzi okanye iintsapho ezikwiholide? Zikhona iindawo ezibangela umdla ekuhlaleni, njengeepaki okanye iindawo ezinembali? Le nkcazelo inokukunceda wenze izigqibo ngokuhombisa, izinto ezinokusetyenziswa nexesha onokuthanda lihlalwe.

Emva kokuba uhlole izinto ezenzekayo ekuhlaleni zokuqeshwa kweendawo, sinokukunceda uqikelele imali onokuyenza. Xa useta imali ofuna ukuyenza, usenokucinga nangeendleko zakho nendlela obeka ngayo ixabiso:

Dwelisa iindleko zakho
Ukuze wazi ukuba ungenza malini, qikelela iindleko zakho—zezinto ezifana nokuhombisa, i-wifi nezinye izinto ezifunekayo ukuze indawo yakho ilungele ukubhukishwa—kunye neendleko eziqhubekayo okanye ezihlala zikho, njengezinto zebhedi, izinto zokuhlamba, iinkonzo zokucoca okanye ukubhatala ityala lendlu. Qinisekisa ukuba awuzilibali iindleko zokugcina indlu ikwimeko entle, njengezinto ezifuna ukulungiswa okanye ukuhlolwa kweendawo ezikhupha umsi nyaka ngamnye.

Ukuseta indlela yakho yokubeka ixabiso
Xa useta indlela yakho yokubeka ixabiso, yazi ukuba ezinye iindawo eziqeshisayo ezikufuphi zibiza malini unyaka wonke nendlela elinokuthelekiswa ngayo nexabiso lakho lokuqala. Ungalilungisa ngokokufunwa kweendawo ngokulungisa ixabiso lakho ngokwexesha lonyaka, ngeempela-veki nangamaxesha amatheko amakhulu.

Ungalibali ukuba ngaphezu kwexabiso lakho losuku, iindwendwe zibhatala imali ebhatalelwa ukusebenzisa uAirbnb nazo naziphi na ezinye iimali oziqukileyo. Uza kukwazi ukunyusa ixabiso lakho njengoko usiya ufumana izimvo ezineekwenkwezi ezintlanu, ngoko ungoyiki ukuqala ezantsi unyuke.

Cinga ngokusebenzisa indlela ephucukileyo yokubeka ixabiso
Ukuze ixabiso lakho ulibeke ngokuzenzekelayo, ungavula Indlela Ephucukileyo Yokubeka Ixabiso. Isixhobo Sendlela Ephucukileyo Yokubeka Ixabiso sibala izinto ezingaphezu kweziyi-70, kuquka amaxesha onyaka nokufunwa kweendawo—ibe unokuseta elona xabiso losuku lincinci ukuze ixabiso lakho lingaze lihle ezantsi kwalo.

Zininzi iindlela zokubuka iindwendwe kuAirbnb, ibe abanye Ababuki Zindwendwe banexesha elingakumbi lokubuka iindwendwe kunabanye. Hlola ukuba unokufumaneka nini uze ubone ukuba zeziphi izixhobo neenkonzo ezinokukunceda.

Xa uBryan noCatherine babeqala ukubuka iindwendwe, uBryan uthi babesenza yonke into—ukususela ekuhlambeni izinto ukuya ekulungiseni indlu. Ekugqibeleni, bagqiba ekubeni mababhatalele ukwenziwa kwezinye zezi zinto.

Ungenza ezinye izinto kwishishini lakho zizenzekele ngezixhobo ezifana nemiyalezo ebekelwe ixesha, iimpendulo ezikhawulezayo, noVel' Ubhukishe.

Nguwe ogqibayo ukuba uzibuka nini kwaye kangakanani iindwendwe kuAirbnb. Usebenzisa iisetingi zekhalenda nezokubhukisha, ungaseta ukufumaneka kwakho, usete elona xesha lincinci okanye lide linokuhlalwa nokunye.

Ukuphumelela kwakho njengoMbuki Zindwendwe kuxhomekeke ekukwazini kwakho ukwenza iindwendwe zibe nexesha elingenakulibaleka.

Gqiba ekubeni ufuna indawo yakho itsale iindwendwe ezinjani— njengezi, abantu abanezilwanyana zasekhaya, izibini, iintsapho, okanye abantu abasebenzela ekhaya—uze ube nezinto ezinokusetyenziswa ezizifaneleyo. Cinga ngezinto eziza kwenza indlu yakho ibe phambili zize iindwendwe zakho zizive zikhethekile, ezifana nomyalezo wokuzamkela okhethekileyo okanye izinto zasekuhlaleni ezinokuhamba nazo.

UCatherine uthi: “Siye sasebenzisana namagcisa asekuhlaleni ukuba azobe umphandle wezindlu zethu saza sazenza zangamakhadi amancinci iindwendwe ezinokuwasebenzisa okanye ziwathumele ekhaya.”

Ukufaka indawo yakho kuAirbnb kusimahla ibe ubhatala imali ebhatalelwa ukusebenzisa uAirbnb kuphela xa ukubhukisha kuqinisekisiwe. Sizimisele ukwenza le nkqubo ibe lula ize icace: Landela nje la manyathelo alula.

Ungalibali ukuba nayiphi na indawo inaye umntu enokumfanela. Qinisekisa ukuba iinkukacha zendlu yakho neefoto zenza kulindelwe into echanileyo.

UAirbnb uzama ukunceda Ababuki Zindwendwe ngalo lonke ixesha ukuze ukwazi ukubuka iindwendwe uzithembile.

• I-AirCover Yababuki Zindwendwe ikukhusela ngokupheleleyo, isolo iqukiwe, isoloko isimahla, kuphela kuAirbnb.
• Ukuze udibane nabanye Ababuki Zindwendwe, yiya Kwiziko Lentsapho, okanye ujoyine Iklabhu Yababuki Zindwendwe.
• Ungabuza iSuperhost ukuba unemibuzo okanye udinga uncedo ukuze uqalise.
• Fumana amanye amacebiso okubuka iindwendwe Kwiziko Lolwazi.
• Iqela lethu elikhethekileyo lokunceda abathengi lifumaneka imini nobusuku.