UAirbnb ubabhatalisa malini ababuki zindwendwe?
Imali ebhatalelwa ukusebenzisa uAirbnb inceda ababuki zindwendwe ibe ibhatalela iindleko zezinto ezifana nokubhatala, ukuthengisa, nenkonzo yabathengi.
Iyipesenti yexabiso lakho losuku kunye nazo naziphi na iimali ezimele zibhatalwe ozifakileyo, njengemali yokucoca. Imali ebhatalelwa ukusebenzisa uAirbnb iza kutsalwa kwixabiso lakho ukuze kubalwe imali oza kuyibhatalwa. Kukho iintlobo eziyi-2 elungiswe ngayo le mali emele ibhatalwe kuAirbnb: eyahlulwayo nebhatalwa ngumbuki zindwendwe yedwa.
Ixabiso elahlulahluliweyo
Ababuki Zindwendwe neendwendwe ngamnye kubo uzibhatalela imali yakhe ebhatalelwa ukusebenzisa uAirbnb. I-3% yemali emele ibhatalwe ngumbuki zindwendwe iza kutsalwa kwixabiso lakho ukuze kubalwe imali oza kuyibhatalwa.* Ukongezelela, iindwendwe zibhatala i-14.1% ukuya kwi-16.5% eyimali eziyibhatalela ukusebenzisa uAirbnb ukongezelela kwixabiso lakho. Le nto ithetha ukuba ubeka ixabiso kodwa iindwendwe zibona zize zibhatale elinye. Ngokomzekelo, ukuba ubeka ixabiso lakho libe yi$100 yeedola zaseMerika, uza kufumana i$97 ibe iindwendwe zakho ziza kubhatala malunga ne$115.
Imali ebhatalwa ngumbuki zindwendwe yedwa
Xa imali ebhatalelwa ukusebenzisa uAirbnb ibhatalwa nguwe wedwa itsalwa kwixabiso lakho ukuze kubalwe imali oza kuyibhatalwa. Iqhele ukuba phakathi kwe-14 ne-16%.** Le nto ithetha ukuba iindwendwe zibona zize zibhatale ixabiso olibekileyo. Ngokomzekelo, xa imali ebhatalwa nguwe wedwa iyi-15.5%, ukuba ubeka ixabiso lakho libe yi$115, uza kufumana i$97.18 ibe iindwendwe zakho ziza kubhatala i$115.
Imali ebhatalwayo iyafuneka kwizinto ezinokubhukishwa eziqhelekileyo ezibuka iindwendwe, kuquka kwizinto ezinokubhukishwa ezininzi ezizihotele neendawo ezinomntu oncedisayo. Ababuki zindwendwe abaninzi abasebenzisa i-software yokulawula izindlu okanye i-software yokulawula amajelo nabo bayibhatala bodwa le mali, ayohlulwa.
Kutheni uAirbnb ebiza imali ebhatalelwa ukusebenzisa uAirbnb?
Imali oyibhatalela ukusebenzisa uAirbnb inceda uAirbnb aqhube kakuhle ize incede ababuki zindwendwe. Ibhatalela iindleko zezinto ezifana nezi:
- Kuhoywe ukubhatala nokubhatalwa kweendwendwe
- Ukuthengiswa kwezinto ezinokubhukishwa kwiindwendwe
- Ukuncedwa kwabathengi ubusuku nemini
Ndiyifumana phi imali ebhatalelwa ukusebenzisa uAirbnb?
Vula nayiphi na into ebhukishiweyo kwikhalenda yakho, okanye nayiphi na imali engenileyo nephumileyo kwideshibhodi yakho yengeniso, ukuze ubone indlela ixabiso elahlulwe ngayo. Uza kufumana imali ebhatalelwa ukusebenzisa uAirbnb kumgca wayo.
Funda okungakumbi ngemali oyibhatalela ukusebenzisa uAirbnb Kwiziko Loncedo, elinamanqaku athetha ngezi zinto:
*Abanye babhatala ngakumbi, kuquka abanye ababuki zindwendwe abanezinto ezinokubhukishwa eItali naseBrazil.
**Ababuki zindwendwe abaneepolisi ezingqongqo kakhulu zokurhoxa basenokubhatala imali engakumbi.
Kwamanye amazwe nemimandla, iirhafu ziqukiwe kwixabiso elipheleleyo eliveziweyo. Ixabiso elipheleleyo kuquka neerhafu zisoloko ziboniswa ngaphambi kokuba ubhatale.
Inkcazelo ekweli nqaku isenokuba itshintshile emva kokuba lipapashiwe.