Indlela yokuba nguMbuki Zindwendwe wakwa-Airbnb
Izinto eziphambili
Lungiselela indawo yakho uze ufake indlu enomtsalane
Lawula ukuba uzibuka nini kwaye njani iindwendwe
Ukuba ucinga ngokubuka iindwendwe kodwa awuqinisekanga ngendlela yokutsala iindwendwe okanye wenze iindwendwe zibe nexesha elimnandi, awuwedwa. Ukuba Ngumbuki Zindwendwe kuAirbnb yindlela emnandi, nevuyisayo yokudibana nabantu abatsha uze wenze imali eyongezelelekileyo, ibe kuqhelekile ukuba nemibuzo emininzi ekuqaleni.
Nantsi into ekufuneka uyenze ukuze uqalise ukubuka iindwendwe.
1. Hlola ukuba indawo yakho ilungile na
Akukho ndawo incinci kakhulu okanye eyahluke kakhulu ukuba ungayifaka kuAirbnb! Kukho undwendwe olufanele indawo nganye—kufuneka nje ucacise into enokulindelwa ngokuba nenyani uze uchane xa ucacisa izinto ezikwindawo yakho, ukususela kwiminyango engavulekanga kakhulu ukuya kwizitepsi zakudala.
Kubalulekile nokuba wazi ukuba yeyiphi imithetho nerhafu esebenzayo xa uqeshisa ngendawo ixesha elifutshane kwingingqi yakho ngaphambi kokuba uqalise ukubuka iindwendwe. UAirbnb akakwazi ukukunika izikhokelo zezomthetho okanye amacebiso erhafu, kodwa singakunceda ufumane inkcazelo ngemithetho yokubuka iindwendwe.2. Yenza indawo yakho ilungele iindwendwe
ISuperhost uJake waseBig Bear, eCalifornia uthi: “Ndinento ethi iindwendwe zakho zithanda ukuba yile nto uyiyo.” “Wenza ubuntu bakho bubonakale kwindlu yakho ibe loo nto itsala abantu abaphila njengawe nabathanda izinto ezifana nezakho.”
Uneepowusta ezintle eziyingqokelela yeemuvi zakudala? Okanye iimfumba yeencwadi zembali ezibangela umdla? Bonisa ngazo! Ukuquka izinto zobuqu kunokunceda ekwenzeni indlu yakho ibe phambili.
Njengoko uyenza ntle indawo yakho, ungalibali ukuqoqosha uze uzame ukufaka izinto ezinokusetyenziswa ezisisiseko, njengephepha langasese, isepha neetawuli, ukuze wenze kube mnandi kwiindwendwe zakho. Izinto ezingakumbi ezongezelelekileyo, njengebhotile yewayini okanye iitshokolethi, nazo zinokwenza iindwendwe zizive zikhethekile.3. Faka indawo yakho
Awukubhataleli ukufaka indawo yakho. UAirbnb utsala imali ebhatalelwa ukusebenzisa uAirbnb kuphela xa ukubhukisha kuqinisekisiwe. Le mali ngokuqhelekileyo iba yi-3% yemali yokubhukisha ibe isinceda sibhatalele iindleko zika-Airbnb, njengokuncedwa kwabathengi imini nobusuku, ukukhuselwa kwaBabuki Zindwendwe, nokunye.
Sizama ukwenza ukufaka indawo yakho kube lula—ungakwazi nokufaka indlu yakho ngamanyathelo ayi-10 alula. Sisoloko sikhona ukuze sikuncede ukuba unemibuzo ibe zininzi iindlela zokudibana nabanye Ababuki Zindwendwe.
ISuperhost uMagaly wase-East Wenatchee, eWashington uthi: “Kwezinye iindawo, uza kukwazi ukudityaniswa Nonozakuzaku oyiSuperhost njengam.” “Sikhona ukuze sikuncede senze le nkqubo ibe lula kangangoko kunokwenzeka kuwe.”
Njengoko ufaka iinkcukacha zendlu yakho, zihoye kakhulu iifoto zakho, kuba amaxesha amaninzi yinto yokuqala iindwendwe eziyibonayo ngaphambi kokubhukisha. Abanye Ababuki Zindwendwe baqesha abantu abafotayo, baze basebenzise iifowuni zabo zale mihla ukuze bafote iifoto ezintle ezibonisa kakuhle izinto ezikwindlu yabo.4. Gqiba ngendlela oza kubuka ngayo iindwendwe
Nguwe olawula ukuba uza kuzibuka nini kwaye njani iindwendwe kuAirbnb. Usebenzisa iisetingi zethu zekhalenda nezokubhukisha, ungavala ngokwakho iintsuku engafumaneki ngazo indawo yakho, ukhethe amaxesha athile okufika nawokuphuma, usete ezona ntsuku zimbalwa nezona zininzi ezinokuhlalwa zindwendwe, nokunye.
Umbuki Zindwendwe uLucy wase-East Sussex, eNgilani uthi: “Kwasekuqaleni sagqiba ekubeni ezona ntsuku zimbalwa zinokuhlalwa ibe zintsuku ezintathu.” “Le nto inciphisa amaxesha okulungiselela iindwendwe ezilandelayo kodwa kundivumela ndenze zonke eza zinto zincinci zokubuka iindwendwe ndizithandayo.”
Ungasebenzisa nemithetho yakho yekhaya ukuze wazise iindwendwe ukuba ulindele ntoni uze ucacise ukuba yintoni evumelekileyo—nengavumelekanga—kwindawo yakho.5. Beka ixabiso lakho uze ubhatalwe
Ixhomekeke kuwe imali oza kuyibiza kuAirbnb. Xa useta indlela yakho yokubeka ixabiso, cinga ngokuba abanye babiza malini kwingingqi yakho, izinto ezinokusetyenziswa onazo nexesha lonyaka. Le nto inokukunceda ufumane ixabiso elikulungeleyo neliza kulungela iindwendwe zakho.
UAirbnb wenza kube lula ukuseta indlela yakho yokubhatalwa kwicandelo Lokubhatala Nokubhatalwa kwiakhawunti yakho. Iindlela zokubhatalwa ziquka ukuthunyelelwa imali ebhankini okanye ukuyifaka kwiakhawunti yebhanki, amakhadi kaPayoneer neWestern Union, phakathi kwezinye, kuxhomekeke kwindawo okuyo.Indawo yokufumana uncedo nezinto zokukunceda
Kubalulekile ukukhumbula ukuba awuwedwa ekubukeni kwakho iindwendwe. UAirbnb unceda Ababuki Zindwendwe ngeendlela ezininzi, eziquka:
Nokuba ungubani okanye uhlobo lwendawo onayo, kukho indawo yakho kwintsapho ka-Airbnb. UMagaly uthi: “Into emnandi ngoAirbnb kukuba sonke sinento eyahlukileyo esiza nayo.” “Sikunqwenelela impumelelo, ukonwabele ukubuka iindwendwe!”
Ababuki Zindwendwe abakweli nqaku nakwividiyo abaqeshwanga nguAirbnb ibe abasebenzi phantsi kokhokelo luka-Airbnb. NjengaBenzi abangaBabuki Zindwendwe, baye basebenzisana noAirbnb ukuze bachaze izinto abazicingayo baze benza le vidiyo. Naziphi na izimvo, inkcazelo eluncedo, okanye izinto ezithethiweyo zokungqina ziyinyani, zezabo ibe aziveli kuAirbnb.
Izinto eziphambili
Lungiselela indawo yakho uze ufake indlu enomtsalane
Lawula ukuba uzibuka nini kwaye njani iindwendwe