Zenzele imali ngendlela othanda ngayo

Ababuki Zindwendwe Abancedisayo Abanamava ngabantu basekuhlaleni abancedisa ekulawuleni iindawo zabanye Ababuki Zindwendwe. Ungakhetha ukuba zeziphi iinkonzo onikezela ngazo nokuba uza kubiza malini. 

Eminye imizekelo yezinto Ababuki Zindwendwe abadinga ukuncedwa ngazo iquka ukufaka indlu, ukulungisa ikhalenda nexabiso, ukunxibelelana neendwendwe, ukulawula ukubhukisha, ukuxhasa iindwendwe ebudeni bokuhlala kwazo, ukubhala izimvo, ukuncedisa ekubhaliseni xa kufikwa naxa kuphunywa, nokucoca nokulungisa izinto ezifuna ukulungiswa.

Iwebhusayithi yeenkonzo Zababuki Zindwendwe Abancedisayo abanamava yenza indlela yokuba Ababuki Zindwendwe Nababuki Zindwendwe Abancedisayo abanamava badibane bodwa baze basebenzisane. Ifumaneka eOstreliya, eBrazil, eKhanada, eFransi, eJamani, eItali, eMexico, eSpeyini, eU.K., naseMerika. Ukuba uhlala kwenye indawo, bhalisa kuludwe lwethu labalindileyo.

Ukuze ube Ngumbuki Zindwendwe Oncedisayo onamava, kufuneka uthobele yonke imithetho nemiqathango yasekuhlaleni esebenzayo uze ufikelele ezi zinto zilandelayo zingekapheli iinyanga eziyi-12: 

• Uye walawula ukubhukisha kweentsuku eziyi-10 nangaphezulu Njengombuki Zindwendwe okanye Umntu Oncedisayo kuAirbnb ibe usafaneleka

• Unomyinge womlinganiselo weendwendwe ongu-4.8 okanye ongaphezulu kuzo zonke iiakhawunti nezindlu ozilawulayo

• Umlinganiselo wakho wokurhoxa ungaphantsi kwe-3%, xa zingabalwa izizathu ezithile ezivakalayo ezingaphaya kwamandla akho

Nguwe ekufuneka abe nazo naziphi na iilayisensi okanye ukubhalisa okufunekayo ukuze ube Ngumbuki Zindwendwe Oncedisayo onamava kwingingqi yakho, uze wazi ukuba yeyiphi imithetho esebenzayo kuwe. Kukho izinto ezifunekayo kwilayisensi yomthengisi wezindlu kwezinye iindawo. Funda okungakumbi kwimimiselo yeenkonzo.

Ukuba uyafaneleka, faka isicelo sokujoyina iwebhusayithi yeenkonzo Zababuki Zindwendwe Abancedisayo abanamava. Emva kokuba ugqibe ukwenza iprofayile, Ababuki Zindwendwe abafuna ukuncedwa kwingingqi yakho banokufumana iprofayile yakho baze bakuthumelele umyalezo. 

Uza kukwazi ukufumana izixhobo zokukunceda ulawule ishishini lakho ngendlela yakho. Ezi zinto zikuvumela ukuba uthumele umyalezo Kubabuki Zindwendwe, uncedise ekwenzeni izindlu uze ugqibe Nababuki Zindwendwe ekubeni ungabhatalwamalini ngokubhukisha.

Siza kukuthumelela isimemo sokuba ujoyine ijelo likaSlack* elidibanisa intsapho esebenzayo Yababuki Zindwendwe Abancedisayo abanamava, apho ungabuza khona imibuzo uze uchaze amacebiso.

Joyina iklasi ekwi-intanethi ukuze ubuze imibuzo uze ufunde ukuba ungakulungela na ukuba ngumbuki zindwendwe oncedisayo onamava. Ungakhuthazwa nangamabali abo sele beyizamile. 

UJohn, Umbuki Zindwendwe Oncedisayo onamava eScottsdale, eArizona, waba Ngumbuki Zindwendwe ngo-2015 noMbuki Zindwendwe Oncedisayo kwiminyaka emithathu edlulileyo. Uthi, “UAirbnb usegazini kum sithathe nje.” Ekuhambeni kwexesha, waye wafunda ukuba yintoni emsebenzelayo—nento engamsebenzeliyo—xa kuziwa ekubukeni iindwendwe. Wayesele ethetha nabanye Ababuki Zindwendwe awayesebenza nabo ngolo lwazi. Xa weva ngokuba ngumbuki zindwendwe oncedisayo onamava, wazixelela wathi: “Ewe, ndiyafuna ukuyizama ke le nto. Ivakala ngathi imnandi le nto.”

USabrina, Umbuki Zindwendwe Oncedisayo onamava eDenver, eColorado, wayesele engumphathi wendlu xa wayeqalisa ukuncedisa ekubukeni iindwendwe ngo-2015. Uthi, “Kubalulekekakhulu ukuba uncede umnikazi wendawo nendawo yakhe.” “Ukubaawunamava, yenza konke okusemandleni akho ukuze ufumane amava ngokunceda umhlobo okanye ilungu lentsapho, ngokubuka iindwendwe kwindlu yakho okanye ngokucela ukuncedisa ekubukeni iindwendwe isihlandlo sibe sinye ngexesha njengoko usiya uba yincutshe kule nkqubo.”

*U-Slack akasosixhobo setekhnoloji wenziwa afumaneke ngokuzithandela. Iwebhusayithi yeenkonzo Zababuki Zindwendwe Abancedisayo abanamava inelungelo lokurhoxisa imvume yokungena Kumbuki Zindwendwe Oncedisayo onamava owaphula iipolisi zika-Airbnb, ibe ukuyisebenzisa nako kuxhomekeke kwimimiselo esebenzayo yeenkonzo zikaSlack nepolisi yezinto eziyimfihlo.

Le yinkonzo yewebhusayithi, exhaswa nguAirbnb Living LLC, nguAirbnb Global Services Limited, nanguAirbnb Plataforma Digital Ltda, ibe iwebhusayithi yeLuckey yenziwe nguLuckey SAS.

Inkcazelo ekweli nqaku isenokuba itshintshile emva kokuba lipapashiwe.