Izinto zokutshixa zegumbi lokulala nelokuhlambela kwindawo yakho Eligumbi

Iindwendwe zilindele ukuba ziza kukwazi ukutshixa igumbi lazo lokulala okanye naliphi na igumbi lokuhlambela ezinokungena kulo. Sicebisa ngokukhethekileyo ukuba ufake into yokutshixa kuwo nawaphi na amagumbi okulala namagumbi okuhlambela iindwendwe ezinokuwasebenzisa.

Ukulungisa inkcazelo yokutshixa kwindlu yakho Eligumbi

Ukuba indawo yakho sele inegumbi lokulala nelokuhlambela elitshixwayo, qinisekisa ukuba uyayilungisa ingcaciso yendlu yakho. Ungazilungisa iinkcukacha zokutshixwa kwigumbi lokulala ngokuvula iisetingi zendlu yakho, uze uye Kwiinkcukacha Zendlu, ucofe icandelo elithi Amagumbi Neendawo, uze ukhethe igumbi ongathanda ukufaka iinkcukacha zokutshixwa kwalo.

Iintlobo zezitshixo ezicetyiswayo

Izitshixo zegumbi lokulala

Iindwendwe kufuneka zikwazi ukutshixa umnyango wegumbi lokulala ngaphakathi (ukuze zikwazi ukuba zodwa) nangaphandle (ukuze zikhuseleke izinto zazo). Kucetyiswa into yokutshixa enesitshixo, enayo ne-latch yangaphakathi.

Ukutshixa igumbi lokuhlambela

Kumagumbi okuhlambela anokusetyenziswa zindwendwe, iindwendwe kufuneka zikwazi ukutshixa nge-latch okanye ukutshixa umnyango wegumbi lokuhlambela ukuze zingabonwa ngabanye abantu.

Izinto ekumelwe kucingwe ngazo ezingezitshixo nendawo yokufaka ikhowudi emnyango

Naluphi na uhlobo lwesitshixo okanye i-latch oyikhethayo, cinga ngokulandela ezi ndlela zisebenzayo:

• Ukuba kukho Amagumbi amaninzi kwindawo enye anendawo yokufaka ikhowudi emnyango, ikhowudi nganye imele yahluke. Ngendlela efanayo, ukuba kukho Amagumbi amaninzi anezinto zokutshixa zangaphandle ezivulwa ngesitshixo, into yokutshixa nezitshixo kufuneka zahluke.
• Ukuba usebenzisa indawo (iindawo) yokufaka ikhowudi emnyango, le khowudi ayimele ibhalwe kwindawo endlini apho abanye abantu benokuyibona. Ngendlela efanayo, ukuba kukho izitshixo ezingakumbi Zegumbi, kufuneka zigcinwe kwindawo ekhuselekileyo ibe izitshixo akufuneki zishiywe kwindawo esetyenziswa nangabanye abantu okanye apho abantu abangavumelekanga benokuzifumana khona.

Ngaphambi kokuba ufake izitshixo, qinisekisa ukuba uyayijonga imithetho yasekuhlaleni nayo nayiphi na eminye imiqathango enokusebenza xa ufaka izitshixo kwindawo yakho, njengeentlobo zezitshixo onokuzifaka okanye iimvume osenokuzidinga.