Lawula iprofayile yakho

Chaza okungakumbi ngawe ukuze uncede intsapho yakwa-Airbnb ikwazi bhetele. Ukufaka inkcazelo kwiprofayile yakho kunokunceda kuphucule amathuba okudibana Kwababuki Zindwendwe neendwendwe ngoxa kusenza kuthenjwane kwiwebhusayithi yethu. Iinkcukacha okhetha ukuzibhala ngawe zisenokuphawulwa kuAirbnb zize zibonwe Ngababuki Zindwedwe neendwendwe.

Yeyiphi inkcazelo eboniswa kwiprofayile yakho

Ngokuzenzekelayo, iprofayile yakho oyisebenzisayo iquka inkcazelo ebalulekileyo esenokwahluka ngokuxhomekeke ekubeni ungumbuki zindwendwe, undwendwe okanye zombini.

Njengombuki Zindwendwe, le nkcazelo iquka:

• Igama
• Unyaka ujoyine ngawo uAirbnb
• Iminyaka unguMbuki Zindwendwe kwa-Airbnb
• Umyinge womlinganiselo weenkwenkwezi
• Inkcazelo yokuba iakhawunti yakho iqinisekisiwe, njengesazisi sakho okanye i-imeyile
• Izimvo zeendwendwe
• Izimvo ozibhalileyo
• Inkcazelo yokuba ulilungu Lequmrhu Labacebisi Lababuki Zindwendwe
• Inkcazelo yokuba uxhasa uAirbnb.org
• Inkcazelo yokuba uyiSuperhost

Njengondwendwe, le nkcazelo iquka:

• Igama
• Unyaka ujoyine ngawo uAirbnb
• Inkcazelo yokuba iakhawunti yakho iqinisekisiwe, njengesazisi sakho okanye i-imeyile
• Izimvo Zababuki Zindwendwe
• Uluvo olubhalileyo ngendawo yokuhlala

Inkcazelo enganyanzelekanga kwiprofayile yakho

Inkcazelo oyifaka kwiprofayile yakho, ngaphandle kwale ichazwe ngasentla, ayinyanzelekanga. Le nto ithetha ukuba, ukuba ufaka eyiphi inkcazelo kwaye ingakanani – njengeelwimi ozithethayo, okanye izinto onomdla kuzo okanye imidlalo oyibhalayo – ixhomekeke kuwe. Yazi ukuba awuzukwazi ukulungisa iminyaka ozalwe ngayo okanye uludwe lohambo oludlulileyo, kodwa ungayifihla loo nkcazelo ukuze ingaveli kwiprofayile yakho. Khumbula ukuba yonke inkcazelo oyifakayo kwiprofayile yakho imele ifikelele imigangatho yethu yezinto ezifakwayo.

Ukuba Ungumbuki Zindwendwe, cinga ngendlela undwendwe olunokuyibona ngayo inkcazelo oyifakayo, ekubeni isenokulwenza lube nolindelo. Ngokomzekelo, ukuba ubhala inkcazelo “Engesidlo sakusasa,” undwendwe lusenokulindela ukuba ulwenzele loo nto uze ufake nezinye izinto, ibe kwezinye iindawo, loo nto isenokuchaphazela irhafu nemithetho ebekiweyo.

Nangona sikhuthaza bonke abantu abasebenzisa eli jelo ukuba babe neefoto kwiiprofayile zabo ibe sizifuna Nakubabuki Zindwendwe, iifoto zondwendwe ziza kuqhubeka zingaboniswa de kube semva kokuba ubhukishile.

Indlela yokulungisa ifoto yakho yeprofayile

Lungisa iisetingi zakho zeProfayile ukuze zingakhangelwa zinkqubo zokukhangela (umz., uGoogle)

Vula okanye uvale ukuze uquke Iprofayile Nezindlu zakho kwiinkqubo zokukhangela.

Ngeyiphi enye indawo apho inkcazelo ekwiprofayile yakho enokubonakala khona

Nayiphi na inkcazelo eboniswe kwiprofayile yakho inokubonwa ngabanye abantu abasebenzisa uAirbnb. Inkcazelo yakho isenokude iphawulwe ukuze ibonwe nangabanye abantu abasebenzisa uAirbnb, abangangenanga kwiprofayile yakho.

Kubabuki Zindwendwe bamagumbi, le nkcazelo iquka:

• Ukujongwa kweenkcukacha xa kukhangelwa: Sisenokuquka ushwankathelo lweprofayile yakho Yokubuka Iindwendwe kwiziphumo zaxa kukhangelwa, xa iindwendwe zikhangela Igumbi kuAirbnb.
• Ukuphawulwa komsebenzi wakho ophambili xa kukhangelwa: Umsebenzi owufakayo kwiprofayile yakho usenokuvela xa kukhangelwa ecaleni kwendlu yakho. Funda indlela yokulungisa ezi nkcukacha.
• Iphepha lendlu: Sisenokubonisa ushwankathelo leprofayile yakho kwiphepha lendlu yakho.

Kubo bonke Ababuki Zindwendwe, le nkcazelo iquka:

• Iphepha lendlu: Abantu banokufikelela kwiprofaile yakho ngokucofa kwifoto yakho yeprofayile ekwiphepha lendlu yakho.

Kuzo zonke iindwendwe, le nkcazelo iquka:

• Xa ucela ukubhukisha: Kuboniswa umbuki zindwendwe iinkcukacha zakho zeprofayile ezimbalwa ukuba ucela ukubhukisha indawo yokuhlala. Kule meko, ngaphambi kukuba ubhukishe, siyayifihla ifoto yeprofayile yakho, kodwa siveze igama lakho nezimvo. Sisenokubonisa nezinye iinkcukacha zeprofayile yakho, njengohambo oludlulileyo, indawo ohlala kuyo, iilwimi ozithethayo, nezinto onomdla kuzo.
• Izimvo ezikumaphepha ezindlu: Ukuba undwendwe olunokubhukisha lukhangela indlu, lunokubona izimvo zaloo ndlu - kuquka naziphi na ozibhalileyo. Iindwendwe zinokuya kwiprofayile yakho epheleleyo kulo naluphi na uluvo olubhalileyo.

Isetyenziswa njani inkcazelo yakho yobuqu?

Sisebenzisa inkcazelo ekwiprofayile yakho, njengezinye iinkcukacha zobuqu, ngendlela ehambelana Nepolisi yethu Engezinto Eziyimfihlo. Ukuze ufunde okungakumbi, cofa apha.