Amacebiso okukhuseleka kwi-liquified petroleum(LP)

I-Liquified Petroleum (LP) Gas ligama eliqhelekileyo lemixube emininzi yeegesi eziyingozi nezinokwenza umlilo njenge-propane, i-butene ne-butane. Ngokutsho kweNational Fire Protection Association (NFPA), iGesi yeLP ngokuqhelekileyo isetyenziswa kwizixhobo ezifana nezokomisa, izitovu, izinto zokoja nezokufudumeza kodwa kungalula ukuba ibe yingozi ukuba ayibekwa okanye ayisetyenziswa kakuhle. Apha ngezantsi kukho amacebiso anokukunceda unqande ukubakho kweziganeko ezichaphazela ukhuseleko ezinento yokwenza nokuvuza kweGesi yeLP okanye ukudubula kwegesi:

• Nciphisa umngcipheko wokuvuza kwegesi yeLP okanye ukudubula kwayo ngokuwabeka kakuhle amatanki egesi. Sukuwabeka kuphahla lwendlu okanye uwagcine apho ibhotile inokuvulwa, yonakaliswe okanye ibethwe bubushushu obugqithiseleyo.
• Izixhobo ezisebenzisa igesi yeLP zifanele zifakwe zize zilungiswe ngumntu osebenza ngemibhobho ofanelekileyo okanye osemthethweni. Ungazifakeli ngokwakho okanye uzilungisele izixhobo ezisebenza ngegesi yeLP, oopayipu okanye itanki layo.
• Iibhotile zeGesi zeLP ezisetyenziswa kwizixhobo ezingaphakathi endlini (iizitovu, izixhobo zokufudumeza, oomatshini bokomisa, njl. njl.) zifanele zibekwe ngaphandle, zingaze zibekwe endlini okanye egaraji.
• Ungazami ukufaka, ukutshintsha okanye ukulungisa iivalvu, ii-regulator okanye imibhobho okanye amaqhosha kwitanki okanye kwiinxalenye ezithile zetanki.
• Imibhobho yezixhobo emidala kufuneka ihlolwe ukuba ayichachambanga na ibe ayigqabhukanga na nto leyo enokwenza igesi ivuze.
• Izixhobo ezikwaziyo ukuphathwa zifanele zisetyenziswe ngaphakathi endlini kuphela ngokuhambiselana nemiyalelo yomenzi wazo.

Ngokungafaniyo nomsi otyhefayo, iigesi zeLP ezininzi zikhupha ivumba elivakalayo. Ukuba uva ivumba legesi endlini yakho, khawuleza uphume endlini uze ufowunele iziko lezomlilo okanye lemeko yongxamiseko. Ungabuyeli endlini ude uxelelwe ukuba kukhuselekile ukubuyela.