Ukulungisa izindlu zakho zeLuxe

Izixhobo onokuzisebenzisela ziyafumaneka Kubabuki Zindwendwe beLuxe, nto leyo eyenza kube lula ngakumbi ukulungiswa kwezinto zendlu ngokukhawuleza. Ungayilungisa imeko yendlu yakho nezinto ezifakiweyo nanini na usebenzisa iakhawunti yakho ngokuya kwizindlu zakho. Le nto ifumaneka imini nobusuku ibe yindlela ekhawulezayo nelula yokwenza utshintsho ngaphandle kokulindela iqela lethu ukuba lincede.

Kubalulekile ukugcina inkcazelo yendlu yakho ka-Airbnb ichanile kwaye isexesheni ngawo onke amaxesha. Le nkcazelo iquka izinto ezifana nexabiso, amaxesha ofumaneka ngawo, nayo nayiphi na imithetho okanye izinto ezifunekayo ezisebenza kwiindwendwe zakho okanye kwindlu. Inkcazelo engachananga okanye engachazwanga inokukhokelela ekubeni indawo ingachazwa ngendlela eyiyo, zingoneliseki iindwendwe ebudeni bexesha eziza kulihlala uze ufumane uluvo olubi.

Xa utshintsha izinto ezinkulu, ungalibali ukuba iindwendwe ezizayo zisenokuchaphazeleka ibe kuza kufuneka ugcinee imimiselo yokuqala yokubhukisha. Siyakukhuthaza ukuba uqhakamshelane neendwendwe zakho kunye/okanye Nomcebi Wohambo ngokukhawuleza kangangoko kunokwenzeka ukuze umchazele ngezinto ezitshintshiweyo nazo naziphi na ezinye izinto onokuzenza zifumaneke.

Iinkcukacha zendlu

Ithebhu yeenkcukacha zendlu ikuvumela ukuba uchaze indlu yakho uze ubonise ezona zinto zayo ziphambili. Eli candelo likunceda ulungise indlela indlu yakho ebonakala ngayo kwimephu uze ufake iinkcukacha zohambo lweendwendwe, ezifana nemiyalelo yokubhalisa xa kufikwa, iinkonzo nezinto ezinokusetyenziswa ezifumanekayo, nenkcazelo yazo naziphi na izinto ezinceda ilungele wonke umntu loo ndawo. Ukuze uhlole okanye utshintshe nantoni na, yiya kwindawo ethi Izindlu, uze ukhethe indlu ofuna ukuyilungisa.

Indawo

Into yokumakisha imephu

Unokukhetha indlela indawo ekuyo indlu yakho eboniswa ngayo ebantwini abanokuba zindwendwe ngokukhetha enye yezi ndlela:

• Ilapha kule ndawo: Siza kubonisa indawo eqhelekileyo ekuyo indlu yakho kwiindwendwe ezikhangela indawo yokuhlala, kodwa kungekhona indawo ekuyo ngqo. Iindwendwe ziyakwazi ukubona iindawo ezingqonge indlu yakho nendlela ekufutshane ngayo neendawo ezaziwayo, apho izithuthi zimisa khona nezinye iindawo ezibangela umdla. Emva kokuba ukubhukisha kwalo kuqinisekisiwe, siza kulubonisa eyona ndawo okuyo nedilesi.
• Eyona ndawo ikuyo: Siza kubonisa indawo ekuyo indlu echane ngakumbi kwiindwendwe ezikhangela indawo yokuhlala. Iindwendwe ziya kubona ipin erawundi encinci eyakubonisa indawo echanekileyo ekuyo indlu yakho, kodwa kungekhona kwindlu ngqo. Siseza kuzibonisa eyona ndawo ikuyo nedilesi iindwendwe ezinokubhukisha okuqinisekisiweyo.
• Izalathiso: Ukuze uqinisekise ukuba iindwendwe zakho zinokuyifumana lula indlu yakho, sicebisa ukuba uquke izalathiso zokuhamba ngemoto ezicacileyo zokuya kwindlu ukusuka kwesona sikhululo seenqwelo-moya/kwelona zibuko/kwesona sitishi setreyini saziwa ngabantu abaninzi.

Izinto Ezinokusetyenziswa Zindwendwe

Imiyalelo yokubhalisa xa kufikwa

Khetha indlela efanelekileyo yokubhalisa xa kufikwa yendlu uze ufake naziphi na iinkcukacha ezongezelelekileyo Iindwendwe ezinokuzidinga, njengekhowudi yegeyithi okanye ikhowudi efakwa kwindawo yokufaka ikhowudi emnyango.

Ukuba ummeli wendlu uza kudibana Neendwendwe ukuze zibhalise xa zifika, chaza ukuba ziza kwamkelwa njani/chaza ukuba ibukiswa njani indawo. Imizekelo yenkcazelo efanelekileyo ekufuneka kucingwe ngayo iquka ezi zinto:

• Zamkelwa nini kwaye phi?
• Yeyiphi inkcazelo (umz: enento yokwenza nezinto ezinokusetyenziswa) ekufuneka Iindwendwe ziqinisekise ukuba ziyayinikwa ngummeli?
• Kuqukiwe ukuthathwa nokusiwa ezindaweni?
• Ingaba iindwendwe zifanele zichazele umntu xa zihamba kwisikhululo seenqwelo-moya?

Incwadi ekuxelela ngendlu

Yenza iindwendwe zakho zizive zisekhaya ngencwadi ekuxelela ngendlu eyenziwe kakuhle. Sebenzisa eli candelo ukuze ufake imiyalelo yokuphuma neenkcukacha zokuqhakamshelana nommeli ohlala khona.

Iisetingi zokubhukisha

Isicelo sokubhukisha: Uza kufumana i-imeyile evela ku-automated@Airbnb.com ekuchazelayo xa kukho umntu ofake isicelo sokubhukisha. Uneeyure eziyi-24 zokwamkela okanye zokwala isicelo sokubhukisha ngaphambi kokuba siphelelwe lixesha. Xa ufumana isicelo, iintsuku ezicelwayo ziza kuvalwa kwikhalenda yakho ukuze ezinye iindwendwe zingaziceli de wamkele okanye wale isicelo esisalindileyo.

Uvel' ubhukishe: Kuvumela iindwendwe zikwazi ukubhukisha ngokukhawuleza ngakumbi ngokuzenza zikwazi ukubhukisha indawo yakho ngaphandle kukuba kuqale kufuneke zibuze ukuba iyafumaneka na. Ubeka imithetho nezinto ezifunekayo kwangaphambili. Funda okungakumbi ngendlela yokusebenzisa Uvel' Ubhukishe.

Ungazilibali ezi zinto ukuba uVel' Ubhukishe uvaliwe:

• Usenokufumana izicelo zokubhukisha ezimbalwa: Izindlu ezinoVel' Ubhukishe zivezwa phezulu kwiziphumo zokukhangela ibe zinokufikelela iindwendwe ezingakumbi.
• Kuza kufuneka uhlole zonke izicelo zokubhukisha: Xa uVel' Ubhukishe evaliwe, izicelo zokubhukisha azizukwamkelwa ngokuzenzekelayo.
• Kuza kufuneka uphendule isicelo ngasinye kwiiyure eziyi-24: Ukuphendula emva kwexesha kungayichaphazela indawo ovela kuyo kwiziphumo zokukhangela.

Imithetho yekhaya

Unako ukutshintsha imithetho eqhelekileyo esebenza kwindlu yakho nganye, kuquka ukufanelekela abantwana, imvume yokuza nezilwanyana zasekhaya, ukuba kuyatshaywa okanye akutshaywa na kwindlu, nemvume yokwenza amatheko kuloo ndawo. Qinisekisa ukuba ufaka nayiphi na imithetho eyongezelelekileyo osenokuba unayo esebenza kwindawo yakho.

Iipolisi nemithetho

Ungalungisa ipolisi yokurhoxa yendlu yakho nokuba ikuVel' Ubhukishe okanye akunjalo. Ukuba ungathanda ukutshintsha ipolisi yakho yokurhoxa, funda Ipolisi Yokurhoxa Yababuki Zindwendwe ngaphambi kokuba uyenze loo nto. Phawula ukuba ipolisi yokurhoxa entsha iza kusebenza xa kubhukishwa indawo kwixesha elizayo kuphela.