Ukuze uAirbnb asebenze kakuhle nokuze kubhatalwe iindleko zeenkonzo ezifana nokuncedwa kwabathengi imini nobusuku, sibiza imali ebhatalelwa ukusebenzisa uAirbnb xa ukubhukisha kuqinisekisiwe.
Kukho iindlela ezimbini ezingafaniyo zokubhatala iindawo zokuhlala: imali eyahluliweyo nemali yokubuka iindwendwe kuphela.
Le ndlela yokubhatala yeyona ixhaphakileyo ibe yahlulwe phakathi kombuki zindwendwe nondwendwe.
Ababuki zindwendwe abaninzi babhatala i-3%, kodwa abanye babhatala ngakumbi, kuquka nabanye ababuki zindwendwe abanezindlu eItali. Le mali ibalwa kwisambuku sokubhukisha (esi sambuku sokubhukisha siquka ixabiso losuku nayo nayiphi na imali eyongezelelweyo ebhatalwa ngumbuki zindwendwe, kodwa ayiyiquki imali ebhatalelwa undwendwe nerhafu) ibe itsalwa ngokuzenzekelayo kwimali ebhatalwa umbuki zindwendwe.
Imali ebhatalwa lundwendwe yokusebenzisa uAirbnb ingafumaneka kwindlela ixabiso elahlulahluliweyo ngayo ngaphambi kokuba ubhukishe.
Phawula: Ukususela nge-1 ka-Aprili 2024, siza kufaka imali eyongezelelekileyo kwimali ebhatalwa lundwendwe yokusebenzisa uAirbnb yeenkonzo zokubhukisha ngemali yelinye ilizwe njengoko kuchaziwe ngezantsi.
Uninzi lwemali ebhatalwa lundwendwe yokusebenzisa uAirbnb ingaphantsi kwe-14.2% yesambuku sokubhukisha (esi sambuku sokubhukisha siquka ixabiso losuku nayo nayiphi na imali eyongezelelweyo ebhatalwa ngumbuki zindwendwe, kodwa ayiyiquki imali ebhatalwa lundwendwe neerhafu). Imali ebhatalwa lundwendwe yokusebenzisa uAirbnb iyahluka ngokusekelwe kwizinto ezahlukahlukeneyo ibe isenokuba nkulu okanye ibe ncinci ngokuxhomekeke ekubhukisheni. Imali ebhatalwa lundwendwe yokusebenzisa uAirbnb iyancitshiswa xa kuza kuhlalwa iintsuku eziyi-28 okanye ezingakumbi.
Ukubhukisha apho undwendwe lubhatala imali yelizwe eyahlukileyo kuleyo ibekwe ngumbuki zindwendwe kwindlu yakhe, siye sitshintshe iimali ezimele zibhatalwe ukuze zihambiselane nexabiso esilinike iindwendwe zethu. Xa kubhukishwa ngemali yelinye ilizwe, imali ebhatalwa lundwendwe yokusebenzisa uAirbnb iza kuquka imali eyongezelelekileyo, nto leyo eza kuphumela ekubhataleni imali ebhatalwa lundwendwe yokusebenzisa uAirbnb eya kutsho kwi-16.5% yemali epheleleyo yokubhukisha.
Ngale ndlela izinto ezime ngayo, yonke imali etsalwayo itsalwa kwimali ebhatalwa umbuki zindwendwe. Idla ngokuba yi-14–16%, nangona ababuki zindwendwe abaneepolisi Ezingqongqo Kakhulu zokurhoxa besenokubhatala imali engakumbi, ibe imali ebhatalwayo xa kuza kuhlalwa iintsuku eziyi-28 okanye ezingakumbi isenokuba ngaphantsi.
Le mali ibhatalwayo inyanzelekile kwizindlu eziqhelekileyo ezibuka iindwendwe-njengeehotele, iiflethi okanye izindlu ezikwicomplex ezinomntu oncedisayo, njl.njl., kunye nababuki zindwendwe abakonekthe nge-software (ngaphandle kokuba uninzi lwezindlu zabo ziseMerika, eKhanada, eBahamas, eMexico, eArgentina, eTaiwan okanye eUruguay).
Kuxhomekeka kwimithetho yommandla ochaphazelekayo, i-VAT isenokufuneka kwezi zimali zibhatalwayo zingasentla. Imali ebhatalelwa ukusebenzisa uAirbnb iquka iVAT, xa ifuneka.
Sinelungelo lokuyitshintsha imali ebhatalelwa ukusebenzisa uAirbnb nanini na, ibe nantoni na etshintshwayo iza kwenziwa ngokuhambiselana Nemimiselo yethu Yenkonzo.