Izinto ezifunekayo ukuze zikhuseleke iindawo zokuhlala

Ukususela kwiivilla ukuya kwizindlu ezakhiwe emthini, nokuba zinjani, amakhaya afakwe kuAirbnb amele abe yindawo yokuhlala ekhuselekileyo. Ababuki zindwendwe kufuneka banikezele ngendawo ekhuselekileyo kwaye kufuneka bachaze baze balungise iingozi ezithile zokhuseleko.

<br}Funda okungakumbi ngezikhokelo zethu zokhuseleko zenkonzo nezamava.

Izinto ezilindelekileyo ezisisiseko zokhuseleko

Ababuki zindwendwe banoxanduva lokugcina indawo ekhuselekileyo, kuquka naziphi na iindawo undwendwe olunokuzisebenzisa ebudeni bokuhlala kwalo (umzekelo: izinto ezinokusetyenziswa ezikuloo ndawo, ezinjengendawo yokujima okanye iindawo zokudlala, neendawo ezisetyenziswa ngumntu wonke, ezinjengemigangatho neendawo zokungena). Ngokukhethekileyo, ababuki zindwendwe bamele: 

• Bachazele izinto abanokuzilindela. Ababuki zindwendwe kufuneka bancokole ngokucacileyo neendwendwe ngezinto ezithile ezikwindlu nganye, kuquka ngokugcwalisa icandelo lokhuseleko kwingcaciso yendlu yabo. Ababuki zindwendwe kufuneka banikezele nangemiyalelo yazo naziphi na izinto zendlu ezinokubangela ukwenzakala ukuba zisetyenziswe kakubi (umz.: iibhafu zamanzi ashushu).
  • Ngokomzekelo, ababuki zindwendwe kufuneka bazichaze baze bathathe amanyathelo okhuseleko ukuze bakhusele izixhobo neentlobo ezithile zezilwanyana ezikhoyo kwindlu. 

• Banike indawo ekhuselekileyo iindwendwe. Kufuneka kunikezelwe ngezitshixo okanye ngeekhowudi zokungena kweyona ndawo iphambili yokungena. Iibhokisi zokufaka isitshixo neekhowudi zokungena kufuneka zihlale zikhuselekile, ibe ababuki zindwendwe kufuneka batshintshe iikhowudi emva kokubhukisha ngakunye.
• Gcina iialam zomsi ne-carbon monoxide (CO). Ababuki zindwendwe kufuneka basichaze ngokucacileyo ukuba ezi zixhobo zikhona na kwindlu. Ukuba zikhona, ezi zixhobo zokubhaqa umsi ne-carbon monoxide (CO) kufuneka zisebenze kakuhle ibe ababuki zindwendwe kufuneka bazivavanye qho ii-alamu. Sikhuthaza kakhulu ukuba kufakwe ezi zixhobo kwaye sinika ababuki zindwendwe abafanelekayo isixhobo sokulumkisa ngomsi nangesixhobo sokulumkisa nge-CO simahla, xa becela.
• Thobela imithetho esebenzayo. Ababuki zindwendwe kufuneka bathobele imithetho nemigaqo yokhuseleko efanelekileyo, njengezinto ezifunekayo kwimithetho yomlilo nemida yokuhlala ngokukhuselekileyo.

Ukujongana neengozi ezinokubakho zokhuseleko

Njengenxalenye yokubonelela ngekhaya elikhuselekileyo, ababuki zindwendwe kufuneka bajongane neengozi ezaziwayo ezinokubangela ukwenzakala ngaphambi kokuba bamkele ukubhukisha. Iingozi ezinokubakho zokhuseleko ziquka kodwa azipheleli apha:

• Iingozi zomlilo okanye zombane (umz.: uluhlu oluneendawo zokuphuma ezivaliweyo, izixhobo zokubona umsi ezingasebenziyo, okanye iingcingo ezivezwe ngaphandle)
• Izixhobo ezingagcinwanga kakuhle (umz. iibhafu ezishushu, izixhobo zasekhitshini ezisebenzisa igesi, iifeni)
• Iingozi zempilo (umz. amanzi angcolileyo, ukungunda, okanye izinambuzane)
• Iingozi zokhuseleko zomzimba (umz. iindonga ezingakhuselekanga, iisilingi, okanye iifestile)

Ukongeza, ababuki zindwendwe kufuneka batyhile naziphi na iingozi zokhuseleko ezikwiluhlu ngokuzifaka kwinkcazo yoluhlu (umz. ukufikelela kwiindawo eziphakamileyo, ichibi lokubhukuda, okanye amanzi amaninzi).

Ukunyanzelisa le migaqo-nkqubo

Ukuba sifumanisa ukuba ababuki zindwendwe abachazi okanye abanciphisi iingozi ezaziwayo, okanye baba neengxaki zokhuseleko ezinkulu okanye eziphindaphindayo kwizindlu zabo, sithatha amanyathelo afanelekileyo. Le nto isenokuquka ukufuna ukuba ababuki zindwendwe balungise iingxaki, ukufundisa ababuki zindwendwe neendwendwe ngeepolisi zethu, ukukhupha izilumkiso, okanye ukunqumamisa okanye ukususa izindlu okanye iiakhawunti ezophulayo. Sisenokurhoxisa nokubhukisha okuzayo okanye okukhoyo, okanye sifune ubungqina bokuba ababuki zindwendwe bazilungisile iingxaki ngaphambi kokuba bamkele ukubhukisha. Ababuki zindwendwe banoxanduva lokwaphulwa kwemithetho ngababuki zindwendwe abancedisayo, ngabasebenzi, nangabanye abantu ababavumelayo ukuba babancede ekwamkeleni iindwendwe.

Sikhona ukuze sincede

Kwimeko enqabileyo yokuba ube nengxaki yokhuseleko ebudeni bokubhukisha kwakho, sikhona ukuze sikuncede:

• Ukuba kukho imeko yongxamiseko eqhubekayo, nceda uqhakamshelane neenkonzo zongxamiseko zasekuhlaleni okanye amagunya okunyanzelisa umthetho ukuze ufumane uncedocedo Ukuba awuqhelananga neenombolo zefowuni zeenkonzo zongxamiseko zasekuhlaleni, ungasebenzisa uAirbnb ukuze ufowunele iinkonzo zongxamiseko ngoku.
• Kungenjalo, ungauqhakamshelane noAirbnb kwinombolo yethu ekhethekileyo yokhuseleko esebenza oko yonke imini.
• Ukuba awunayo iakhawunti ka-Airbnb, kodwa ufuna ukuxela into eyenzekayo kwindlu ka-Airbnb ekwindawo ohlala kuyo, ungauqhakamshelane neqela lethu Lokunceda Abamelwane.

Imithombo eyongezelelekileyo

Ukuze bafumane amacebiso angakumbi ngokhuseleko neyona ndlela ifanelekileyo, ababuki zindwendwe banokuhlola ezi zixhobo zingezantsi:

• Izikhokelo ezongezelelekileyo zokhuseleko zababuki zindwendwe
• Uludwe lwezinto ekufuneka uzenze zokhuseleko lwamakhaya
• Ukulungela imeko yongxamiseko
• Amacebiso oncedo lokuqala
• Imithombo yenkcazelo yokhuseleko eMerika