Izikhokelo zokhuseleko ezibalulekileyo Zababuki Zindwendwe

Ukwaziswa ngeengxaki zokhuseleko kukwenza ukwazi ukuceba kwangaphambili uze wamkele iindwendwe kamnandi kangangoko kunokwenzeka. Senze amacebiso ambalwa okukunceda ulandele izikhokelo zokhuseleko eziqhelekileyo. Qinisekisa ukuba uyaziqhelanisa uze uthobele nayiphi na imithetho, nemiqathango ebekiweyo kwingingqi yakho.

Iindwendwe ziyazithanda iipuli, kodwa zinokwenza umngcipheko wokhuseleko. Izinto ezifunekayo ukuze ube nendlu enepuli ziyahluka ngokwengingqi, kodwa umbutho iSafe Kids Worldwide ukucela ukuba wenze ezi zinto zilandelayo ukuze ugcine wena neendwendwe zakho nikhuselekile.

Yiba nezixhobo zokuzikhusela:

• Biyela ipuli ngocingo. Kufuneka ubuncinane lube yi-4 feet ukuphakama lize likwazi ukuzivala nokuzitshixa. Ucingo lufanele luyibiyele macala onke ipuli kungabikho enye into, njengendlu, esebenza njengenxalenye yothango.
• Faka iialam kuzo zonke iifestile naseminyangweni eya kwindawo yepuli.
• Faka izinto zokogquma idreyini nezokucoca ubumdaka ngokukhuselekileyo. Ezi zinto zinokunceda kwingozi enokubakho yokubambeka.
• Yiba nezixhobo zokuhlangula. Ezi zinto ziquka iintonga zokuhakisha, iintonga zokutsala izinto, amavili okudada, nezinto zoncedo lokuqala. Cinga ngokufaka ifowuni yasendlini ngasepulini.

Mane uhlola ngokwakho:

• Linganisa ukucoceka kwamanzi nokufaneleka kweekhemikhali. Le nto kufuneka yenziwe ngexesha elimiselweyo, nangaphambi kokuba iindwendwe zibhalise xa zifika.
• Qinisekisa ukuba izixhobo zokhuseleko zikhona. Le nto ifanele yenziwe qho ngaphambi kokuba kubhaliswe xa kufikwa.
• Mazivalwe iindawo zokungena kwindawo enepuli. Ezo ndawo ziquka iminyango yezinja nezinye iindawo zokungena umntwana omncinci anokuthubeleza kuzo okanye akhwele ngaphaya kwazo.

Nceda ekufundiseni iindwendwe:

• Lungisa indlu yakho. Chaza ngokucacileyo kwingcaciso yendlu yakho ukuba zeziphi izixhobo zokuzikhusela zasepulini nezinto zayo onazo nongenazo. Ngokomzekelo, “Sinazo iivesti zokukhusela ubomi ezilingana abantwana nabantu abadala. Ipuli ayibiyelwanga macala onke, ngoko kufuneka kubekho umntu oza kugada ngokungakumbi.”
• Cela iindwendwe ukuba zifunde incwadi yakho ezixelela ngendlu. Imele ibe nenkcazelo ngezinto zokhuseleko onazo, njengento yokugquma idreyini, iialam, nothango lwepuli okanye igeyithi. Yicacise into yokuba izinto zokuncedisa xa kuqujwa ezifana nezinto ezifakwa ezingalweni nee-pool noodles azimenzi umntu angatshoni.
• Beka inkcazelo yokhuseleko. Yiba nencwadana okanye ubeke iisayini ngasepulini eziquka zonke izinto ezicetyiswayo zokhuseleko, izilumkiso, neenombolo zabantu beemeko zongxamiseko. Khumbuza iindwendwe ukuba ziqale zijonge epulini ukuba umntwana ulahlekile. Quka imiyalelo yokwenza iCPR, Uludwe Lwezinto Zokukhusela Lokugcina Abantwana Bekhuselekile Epulini, nedilesi yendlu.
• Khumbuza iindwendwe ukuba zingabikho kude nabantwana. Le nto iquka ukuba zingabikho kude nabantu ababuthathaka okanye abangakwaziyo ukuqubha ngawo onke amaxesha. Yiquke le nto kwincwadi yakho ezixelela ngendlu uze uyibhale ngasepulini.
• Yiba Nekhadi Lokugada Epulini elinemiyalelo yokuyisebenzisa. Umntu Ogada Epulini ngumntu omdala ovumayo ukugada abantwana xa bequbha ngaphandle kokuba aphazamiseke.

Iilifti zinokwenza lula ngakumbi izinto zize zenze indlu yakho ilungele wonke umntu ngakumbi, kodwa zinako nokwenza umngcipheko wokhuseleko. Qhakamshelana nabasemagunyeni basekuhlaleni ukuze ufumane ukhokelo ngokhuseleko lwelifti.

Ikhomishini Yokukhuseleka Kwemveliso Yabathengi eMerika icela abathengi ukuba:

• Baqinisekise ukuba umsantsa phakathi kweminyango awukho nzulu ukogqitha ii-intshi eziyi-4. Ukuba awuqinisekanga okanye uxhalatyiswa kukukhuseleka kwelifti, yitshixe ilifti ingasebenziseki, okanye utshixe yonke iminyango yokungena eliftini. Abantu abafaka iilifti abamele baze bavumele nasiphi na isikhewu esingaphezulu kweeiintshi eziyi-4 sibe khona kwindawo yokungena eliftini.
• Bacele umntu ohlola iilifti ukuba ahlole ilifti yendawo yabo. Bamele bajonge naziphi na izikhewu eziyingozi nezinye iingozi ezinokubangela kungakhuseleki baze bahlolisise iASME A17.1 yakutshanje, iKhowudi Yokhuseleko YeeLifti Nee-Escalators.
• Bafumane izixhobo zokhuseleko. Izikhewu zinokwenziwa zikhuseleke ngakumbi ngokufaka izinto ezigadayo ngasemva komnyango wangaphandle okanye ngokufaka isixhobo sokubeka esweni esisebenza ngombane esenza ilifti ingasebenzi xa iphawula umntwana esikhewini. Qhakamshelana nenkampani evelise ilifti yakho okanye eyifakeleyo ukuze ufumane izixhobo zokhuseleko ukuze unciphise le ngozi.

Ngokufaka indawo yakho kuAirbnb, uyaqinisekisa ukuba uyayithobela imithetho nemigaqo ebekiweyo.

Sicela ngokukhethekileyo bonke Ababuki Zindwendwe ukuba bafake iialam zokulumkisa ngomsi nangomsi otyhefayo, bazivavanye qho baze baqinisekise ukuba inkcazelo yendlu isexesheni.

• Funda imithetho yasekuhlaleni. Kusenokufuneka ube nealam engaphezu kwenye esebenzayo yomsi neyomsi otyhefayo kwindlu yakho. Ezinye izixeko zifuna igumbi ngalinye libe nayo.
• Cela ialam. Ababuki Zindwendwe abafanelekayo abanezindlu ezisebenzayo bangafumana ialam yokulumkisa ngomsi nangomsi otyhefayo ezisebenzela ngebhetri simahla. Kukho imimiselo nemiqathango.
• Lungisa indlu yakho. Iindwendwe zinokuhluza iindawo ezizikhangelayo ukuze kuvele kuphela iindawo ezinealam yomsi otyhefayo. Faka iinkcukacha ngeealam ozifakileyo kwicandelo lezixhobo zokhuseleko phantsi kokhuseleko lweendwendwe.

Inkcazelo ekweli nqaku isenokuba itshintshile emva kokuba lipapashiwe.