Izinto eziphuculiweyo zabantu abasebenza Ngokubuka Iindwendwe
Umyalezo womhleli: Eli nqaku lapapashwa njengenxalenye Yezintsha NgoMeyi ZeAirbnb 2023. Inkcazelo isenokuba itshintshile emva kokuba lipapashiwe. Funda okungakumbi malunga nemveliso yethu yakutsha nje.
Ezi Zinto Zintsha NgoMeyi 2023 zakwa-Airbnb zazisa ngezinto eziyi-25 eziphuculiweyo Zababuki Zindwendwe, nezinye izinto eziyi-8 eziphuculiweyo Zababuki Zindwendwe abasebenzisa i-software ekonektwe ngeAPI. Ezi zinto zenzelwe ukukunceda ulandelele umgangatho wezindlu zakho ngokulula ngakumbi zize zikuncede emisebenzini yakho yokwamkela iindwendwe yemihla ngemihla.
Uza kukwazi ukuzifikelela zonke izinto ezisibhozo eziphuculiweyo ngqo kwi-software yakho ukuba inkampani ye-software yakho izenze zafumaneka. Ukuba khange ayenze loo nto, qhakamshelana nayo ukuze wazi ukuba ziza kufumaneka nini.
Imiyalelo yexesha lokuphuma
Faka imiyalelo yokuphuma eneenkcukacha usebenzisa i-software yakho, ngendlela efanayo noyisebenzisayo xa ufaka imithetho yekhaya eqhelekileyo. Khawuleza wenze uludwe lwezinto ekufuneka zenziwe xa kuphunywa ngokukhetha kwezi ziqhelekileyo:
- Qokelela iitawuli ezisetyenzisiweyo
- Lahla inkunkuma
- Cima izinto
- Tshixa
- Buyisela izitshixo
Ungafaka iinkcukacha zento nganye ekufuneka yenziwe. Ngokomzekelo, usenokucacisa ukuba iindwendwe mazifake inkunkuma kumgqomo omnye zize komnye zifake izinto eziza kuphinda zisebenze. Unokubhala nezinye izicelo, ezifana nokuba kogqunywe isixhobo sokubraya emva kokuba sisetyenzisiwe.
Siza kuthumelela iindwendwe umyalezo ngokuzenzekelayo ozikhumbuza ngexesha nemiyalelo yakho yokuphuma kusuku olungaphambi kokuphuma. Njengemithetho yakho yekhaya, iindwendwe zinokuyifunda imiyalelo yakho yexesha lokuphuma ngaphambi kokuba ziyibhukishe indawo yakho. Emva kokuba ziphumile, iindwendwe zinokukuchazela ukuba zihambile ngokucofa nje kube kanye.
Iithegi zezimvo
Kwezintsha KuNovemba ZeAirbnb 2022, senze indlela yokuba iindwendwe Nababuki Zindwendwe bashiyelane izimvo ezineenkcukacha ezingakumbi omnye nomnye. Unokufaka umlinganiselo weenkwenkwezi—uze uchaze into ehambe kakuhle okanye edinga ukuphuculwa—kwiindidi eziliqela. Ngokomzekelo, iindwendwe zisenokukhetha iithegi zezimvo ezithi “usoloko ephendula” okanye “imiyalelo eluncedo” ukuba ziphawula indlela onxibelelana ngayo ngeenkwenkwezi ezintlanu.
Ngoku ungafumana ezi zinto usebenzisa i-software ekonekthiweyo. Uza kukwazi ukushiya izimvo ezineenkcukacha ezingakumbi ngeendwendwe uze ufumane izimvo ngezinto ezithandwa zindwendwe nezinto ezinokuphuculwa.
Iingxaki ngendlu
Ukuba enye yezindlu zakho ayiyithobeli imithetho ebekiweyo Yababuki Zindwendwe, uza kufumana ulundwe lohambo lwakutshanje olube nengxaki kwi-software yakho. Ngokomzekelo, ukuba undwendwe luphawula indlela yokubhalisa xa kufikwa ngeenkwenkwezi ezimbini kuba lungakwazanga ukungena, loo nto iza kufakwa apha kuze kufakwe namacebiso ukuze uphucule indlela ozibuka ngayo iindwendwe.
Iingxaki zezindlu ezivelayo apha zibangelwa yimilinganiselo ephantsi, zizimvo zeendwendwe ngeenkonzo zabathengi, okanye kukurhoxisa Kwababuki Zindwendwe. Olu ludwe luyakuchazela naxa indlu yakho isengozini yokumiswa okwexeshana okanye yokususwa.
Imiyalezo ngemithetho ebekiweyo
Siza kukuthumelela i-imeyile nomyalezo othunyelwa nge-app ngenkampani ye-software yakho ukuba enye yezindlu zakho ayiyithobeli imithetho ebekiweyo Yababuki Zindwendwe ibe ifumene isilumkiso okanye isengozini yokumiswa okwexeshana okanye yokususwa. Lo myalezo uza kukusa kuludwe lweengxaki zendlu, olubonisa ukuba zeziphi iingxaki ezixeliweyo, namacebiso endlela yokuzilungisa.
Uza kufumana nenkcazelo yokuba indlu inokwenziwa isebenze kwakhona nini emva kokuba imiswe okwexeshana, nendlela ekunokubhenwa ngayo ekususweni kwendlu. Unokufaka isibheno ngqo kuAirbnb kuphela.
Inkcazelo yeendidi
Iindidi ezikuAirbnb zinceda iindwendwe zifumane iindawo zokuhlala ezikhethekileyo ezingaphaya kwemiliyoni emhlabeni wonke. Iindidi ezingaphezu kwe-60 ezahlukahlukeneyo zibeka iindawo zokuhlala ngokusekelwe kwindlela ezilungiswe ngayo, kwiingingqi ezikuzo okanye ngokuba kufuphi nento eyenziwayo.
Ngoku unokufumanisa ukuba loluphi Udidi elukuAirbnb indlu yakho nganye ekulo usebenzisa i-software yakho. Le nto ibisesona sicelo siphambili esivela Kubabuki Zindwendwe ibe iza kukunceda uqonde indlela izindlu zakho eziboniswa ngayo kuAirbnb.
Imiyalezo ngokuthobela
Uza kufumana isaziso kwi-software yakho ekonektiweyo xa kufuneka ugcwalise ifomu yokuthobela efunekayo okanye xa kufuneka ufake enye inkcazelo yeshishini. Uza kukwazi nokufumana imiyalezo kwi-software yakho ukuba kufuneka inkcazelo engakumbi.
Kufuneka siqokelele size siqinisekise inkcazelo yeshishini Yababuki Zindwendwe baka-Airbnb ukuze sihambiselane nemithetho yasekuhlaleni. Le nto ilungisiweyo ikuvumela ukuba wazi kwaye ugqibezele izinto ezifunekayo usebenzisa i-software yakho.
Inani lezilwanyana zasekhaya elivumelekileyo
Nisixelele ukuba nifuna ukukwazi ukuchaza ukuba zingaphi kanye kanye izilwanyana zasekhaya enizivumelayo xa nibuka iindwendwe. Ngoku ungafaka ngokulula elona nani liphezulu lezilwanyana zasekhaya ofuna ukuzamkela, ukuya kutsho kwezintlanu.
Isaphulelo esifumaneka kube kanye sendlu entsha
Sivile nokuba ufuna ukukwazi ukunikezela ngesaphulelo esifumaneka kube kanye sendlu entsha kwiindwendwe usebenzisa i-software yakho. Faka ngokuzenzekelayo isaphulelo esifumaneka kube kanye se-20% xa kubhukishwa izihlandlo ezithathu zokuqala xa ufaka indlu entsha.