Isizathu sokuba kubaluleke kangaka ukuphendula ngokukhawuleza kwiindwendwe
Abona Babuki Zindwendwe baphumeleleyo baphendula imiyalezo yeendwendwe bakuba nje beyifumene. Phofu, ukuba nomlinganiselo wokuphendula omhle kunokunceda indlu yakho ivele phezulu xa iindwendwe zikhangela.
Impendulo ekhawulezileyo ibaluleke kakhulu ngaphambi kokubhukisha, xa iindwendwe zisenokufuna inkcazelo engakumbi ukuze zibhukishe, xa zifika naxa ziphuma, naxa zisenokufuna impendulo ekhawulezileyo kwimibuzo. Sicele Ababuki Zindwendwe abasoloko benomlinganiselo wokuphendula ngokukhawuleza ukuba bachaze amacebiso ambalwa.
Ukuphendula ngakumbi
“Qinisekisa ukuba iapp yakho ka-Airbnb, iiSMS, nemiyalezo yakho yeimeyile zisoloko zisebenza ukuze zikwazi ukuvela efowunini yakho xa kungena umyalezo omtsha.”
Ukusuka apho, zama izixhobo zika-Airbnb ukuze zikuphendulele ngokuzenzekelayo. UKath, Umbuki Zindwendwe waseAlbany, eOstreliya, uyathanda ukusebenzisa iimpendulo ezikhawulezileyo. Uthi, “Zonga ixesha kakhulu ibe zenza ndingabhali into efanayo ngokuphindaphindiweyo.”
Imiyalezo ebekelwe ixesha ikwaluncedo, ingakumbi xa kufikwa naxa kuphuma. UKeshav, ilungu leQumrhu Labacebisi Lababuki Zindwendwe eNew Delhi, eIndiya, uthumela umyalezo obekelwe ixesha kwiiyure eziyi-24 ngaphambi kokufika oquka imiyalelo yokungena kwindawo yakhe kunye nenye inkcazelo yokufika.
“Ukuba andiliboni undwendwe ngexesha lokufika, ndiluthumelela omnye umyalezo ukuze ndibuze, ‘Molo unazo zonke iinkcukacha? Uthi uKeshav, Nazi ndiphinde ndazithumela, ukwenzela ukuba usazama ukufumana indawo.’”
Indlela obalwa ngayo umlinganiselo wokuphendula
Umlinganiselo wakho wokuphendula yipesenti yemiyalezo emitsha yeendwendwe oyiphendule kwiiyure eziyi-24 kwiintsuku eziyi-30 ezidlulileyo.
Oku kuquka ukuphendula umbuzo omtsha ovela kundwendwe, nokwamkela, ukuvala iintsuku kwangaphambili okanye ukungamkeli isicelo sokubhukisha.
Ukuphendula emva kweeyure ezingaphezu kweziyi-24 kuza kuhlisa umlinganiselo wakho wokuphendula xa uwonke kuze kunyuse umyinge wexesha lakho lokuphendula.
Enye yezinto ezibalulekileyo xa ubuka iindwendwe kukusoloko ukwiakhawunti yakho ka-Airbnb uze ukhawuleze ukuphendula imiyalezo. Ukwenza loo nto kuphucula umlinganiselo wakho wokuphendula ibe kunceda indlu yakho ivele phezulu xa kukhangelwa.