Iipolisi zokurhoxa zendlu yakho (eItali)

Ngamanye amaxesha, izinto zivela kwaye iindwendwe kufuneka zirhoxise. Ukuze izinto ziqhubeke zihamba kakuhle, ungakhetha iipolisi zokurhoxa zendlu yakho: enye yokuhlala ixesha elifutshane nenye yokuhlala ixesha elide. Xa ukulungele ukwenza loo nto, funda indlela yokuseta ipolisi yokurhoxa yendlu yakho.

Xa kuza kuhlalwa iintsuku ezingaphantsi kweziyi-28, ababuki zindwendwe banokukhetha ukuba zeziphi iindlela zokurhoxa abanokuzinika iindwendwe. Xa kuza kuhlalwa iintsuku eziyi-28 nangaphezulu, ipolisi yokurhoxa Yexesha Elide isebenza ngokuzenzekelayo. Ezi polisi zilandelayo zisebenza kuphela xa kubhukishwa eItali. Yiya kweli phepha ukuze ufunde ngeepolisi zokurhoxa kuko konke okunye ukubhukisha. Kukho imimiselo eyongezelelekileyo yeepolisi zokurhoxa.

Iipolisi eziqhelekileyo zokurhoxa xa kuza kuhlalwa ixesha elifutshane

Ipolisi yakho yokurhoxa eqhelekileyo isebenza kuko konke ukubhukisha kweentsuku eziyi-27 okanye kwiintsuku ezingaphantsi ezilandelelanayo. Ungakhetha enye yezi polisi ziqhelekileyo zokurhoxa:

• Ibhetyebhetye
  • Iindwendwe zinokurhoxisa ukuya kutsho kwiiyure eziyi-24 ngaphambi kokubhalisa xa kufikwa zize zibuyiselwe yonke imali, ibe awuzukubhatalwa
  • Ukuba ziyarhoxa emva koko, imali yosuku lokuqala ayibuyiswa ngaphandle kweemali ezimele zibhatalwe.
  • Ukuba iindwendwe zirhoxisa ebudeni bohambo lwakho, usenokufanelekela ukubuyiselwa inxalenye ethile yemali.
    • Rhoxisa ngaphambi ko-12pm wexesha lasekuhlaleni ibe uza kubuyiselwa imali yeentsuku ezishiyekileyo, ngaphandle kweemali ezimele zibhatalwe.
    • Ukuba urhoxisa emva ko-12pm wexesha lengingqi yakho, uza kubuyiselwa imali yeentsuku ezishiyekileyo, ngaphandle kolo suku neemali ezimele zibhatalwe.
• Ilinganiselwe
  • Iindwendwe zinokurhoxisa ukuya kutsho kwiintsuku eziyi-7 ngaphambi kokubhalisa xa zifika zize zibuyiselwe yonke imali, ibe awuzukubhatalwa
  • Ukuba zirhoxisa emva koko, uza kubuyiselwa i-50% yemali yosuku ngalunye, kuquka zonke iimali ezimele zibhatalwe.
  • Ukuba iindwendwe zirhoxisa ebudeni bohambo lwakho, usenokufanelekela ukubuyiselwa inxalenye ethile yemali.
    • Ukuba urhoxisa ngaphambi ko-12 emini ngokwexesha lasekuhlaleni, uza kubuyiselwa i-50% yexabiso lokubhukisha eliseleyo, ngaphandle kweemali ezimele zibhatalwe.
    • Ukuba urhoxisa emva ko-12 emini ngokwexesha lasekuhlaleni, uza kubuyiselwa i-50% yexabiso lokubhukisha eliseleyo, ngaphandle kobo busuku neemali ezimele zibhatalwe.
• Ingqongqo
  • Iindwendwe zinokurhoxisa ukuya kutsho kwiintsuku eziyi-30 ngaphambi kokubhalisa xa kufikwa zize zibuyiselwe yonke imali, ibe awuzukubhatalwa
  • Ukuba zirhoxisa kwiintsuku eziyi-30 ngaphambi kokubhalisa xa kufikwa, uza kubhatalwa i-50% yazo zonke iintsuku, uze ubuyiselwe zonke iimali ezimele zibhatalwe.
  • Ukuba iindwendwe zirhoxisa ebudeni bohambo lwakho, usenokufanelekela ukubuyiselwa inxalenye ethile yemali.
    • Ukuba urhoxisa ngaphambi ko-12 emini ngokwexesha lasekuhlaleni, uza kubuyiselwa i-50% yexabiso lokubhukisha eliseleyo, ngaphandle kweemali ezimele zibhatalwe.
    • Ukuba urhoxisa emva ko-12 emini ngokwexesha lasekuhlaleni, uza kubuyiselwa i-50% yexabiso lokubhukisha eliseleyo, ngaphandle kobo busuku neemali ezimele zibhatalwe.

Ezi polisi ziqhelekileyo zilandelayo zokurhoxa zifumaneka ngesimemo kuphela Kubabuki Zindwendwe abathile:

• Engqongqo kakhulu yeentsuku eziyi-30
  • Iindwendwe kufuneka zirhoxise ukuya kutsho kwiintsuku eziyi-30 ngaphambi kokubhalisa xa zifika ukuze zibuyiselwe yonke imali yazo zonke iintsuku, kuquka zonke iimali ezimele zibhatalwe
  • Ukuba zirhoxisa emva koko, uza kubhatalwa imali yazo zonke iintsuku
• Ingqongqo kakhulu iintsuku eziyi-60
  • Iindwendwe kufuneka zirhoxise ubuncinane kwiintsuku eziyi-60 ngaphambi kokubhalisa xa zifika ukuze zibuyiselwe yonke imali yazo zonke iintsuku, kuquka zonke iimali ezimele zibhatalwe
  • Ukuba zirhoxisa emva koko, uza kubhatalwa imali yazo zonke iintsuku

Ipolisi yokurhoxa yexesha elide xa kuza kuhlalwa iintsuku ezingangenyanga

Ipolisi Yexesha Elide isebenza ngokuzenzekelayo kuko konke ukubhukisha kweentsuku eziyi-28 okanye ngaphezulu.

• Ixesha elide
  • Ukuze iindwendwe zibuyiselwe yonke imali yazo, kufuneka zirhoxe ubuncinane kwiintsuku eziyi-30 ngaphambi kokubhalisa xa zifika
  • Ukuba undwendwe lurhoxisa emva koko, uza kubhatalwa imali yenyanga yakho yokuqala
  • Ukuba iindwendwe zirhoxa ebudeni bohambo lwakho, unokufanelekela ukubuyiselwa inxalenye ethile yemali.
    • Ukuba urhoxa ngaphambi ko-12pm wexesha lendawo, imali yeentsuku eziyi-30 ezilandelayo zokubhukisha ayizukubuyiswa. Ukuba kushiyeke iintsuku ezingaphantsi kweziyi-30 ekubhukisheni, zonke iintsuku azibuyiswa.
    • Ukuba urhoxisa emva ko-12pm wexesha lasekuhlaleni nobo busuku, kunye neentsuku eziyi-30 ezilandelayo zokubhukisha, awuzukuyibuyiselwa imali. Ukuba kushiyeke iintsuku ezingaphantsi kweziyi-30 ekubhukisheni, zonke iintsuku azibuyiswa.

Imimiselo eyongezelelekileyo yeepolisi zokurhoxa

Ixesha lokuvalwa lika-12pm

Uhambo luthathwa njengoluqala ngo-12pm wexesha lasekuhlaleni lendlu ngosuku lokubhalisa xa kufikwa, kungakhathaliseki ukuba lixesha elingakanani ixesha lokubhalisa xa kufikwa londwendwe. Onke amaxesha okurhoxa ngaphambi kohambo abalwa ngokusekelwe kweli xesha lokuvala lika-12pm wexesha lasekuhlaleni lendlu yakho. Xa kurhoxiswa ebudeni bohambo, ixesha lokuvala lokurhoxa ngu-12pm wexesha lasekuhlaleni lendlu. Emva ko-12 emini nangaluphi na usuku, imiphumo yokurhoxa isenokwahluka.

Imali emele ibhatalwe iza kubuyiselwa

Amaxabiso osuku nemali ebhatalelwa ukusebenzisa uAirbnb ayibuyiselwa kwiimeko ezithile njengoko kuchaziwe kwipolisi nganye. Imali yokucoca nemali ebhatalelwa ukusebenzisa uAirbnb ayibuyiselwa xa kurhoxiswe emva ko-12pm wexesha lasekuhlaleni lendlu ngosuku olucwangcisiweyo lokubhalisa xa kufikwa.

Iirhafu

UAirbnb uza kubuyisela naziphi na iirhafu esiziqokelelayo ezinento yokwenza nemali ebuyiselwe kwiindwendwe, ibe uza kufaka nayiphi na irhafu ekufuneka ibhatelwe kwinxalenye engabuyiselwayo yokubhukisha okurhoxisiweyo kwabasemagunyeni berhafu abafanelekileyo.

Iingxaki nombuki zindwendwe okanye indlu

Ukuba undwendwe lunengxaki nombuki zindwendwe okanye indlu, undwendwe kufuneka luqhakamshelane noAirbnb zingekapheli iiyure eziyi-24 emva kokungena kondwendwe. Ukuba ingxaki iphantsi kwePolisi yethu Yokubhukisha Kwakhona Neyokubuyiswa Kwemali undwendwe lunokufanelekela ukubuyiselwa inxalenye ethile okanye yonke imali.

Ukudibana nezinye iipolisi

Ipolisi yokurhoxa yombuki zindwendwe ixhomekeke, ibe isenokutshintshwa, Ipolisi Yokubhukisha Kwakhona Neyokubuyiswa Kwemali, Ipolisi Yeziganeko Ezikhulu Eziphazamisayo, okanye ukurhoxiswa nguAirbnb nangasiphi na esinye isizathu esivumelekileyo phantsi Kwemimiselo Yenkonzo.

Ukwenza ukurhoxa kube semthethweni

Ukubhukisha kurhoxiswa ngokusemthethweni kuphela xa undwendwe lulandele amanyathelo akwiphepha lokurhoxa lakwa-Airbnb lwaza lwafumana isiqinisekiso. Undwendwe lunokufumana iphepha lokurhoxa kwicandelo elithi Uhambo Lwakho kwiwebhusayithi nakwi-app ka-Airbnb.

Ukubandakanya uAirbnb

UAirbnb uthetha okokugqibela kuyo nayiphi na impikiswano phakathi kwababuki zindwendwe neendwendwe malunga nokusetyenziswa kwale polisi yokurhoxa.