1. Sifunwa kakhulu
Amakhaya amatsha kuAirbnb abhukishwa phantse ngoko nangoko ibe isiqingatha sezindlu ezenziwe zasebenza zaza zabhukishwa ngekota ye-3 ka-2022 ziye zifumana ukubhukisha kwazo kokuqala zingekapheli iintsuku ezintathu. Ababuki Zindwendwe abasebenzisa isaphulelo esifumaneka kube kanye Esitsha Sokwamkela Iindwendwe banciphisa ixesha elithathwayo ukuze babhukishwe okokuqala nge-30%.
2. U-2022 ubungomnye unyaka wembali kuAirbnb
Ingeniso ka-Airbnb ye$8.4 bhiliyoni inyuke ngeepesenti eziyi-40 ukusuka kunyaka ukuya komnye unyaka. Ziye zaqhubeka zininzi iindwendwe ezifuna indawo ukutyhubela u-2022. Ukufunwa kweendawo kuye konyuka kakhulu ku-2022 kuzo zonke iingqingqi njengoko iindwendwe bezisiya kwamanye amazwe ibe zibuyela zisebenzisa uAirbnb. Ngekota ye-4 ka-2022, uAirbnb uye waba nelona nani liphezulu labantu ababhukishayo ukuza kuthi ga ngoku, nto leyo ebonisa ukukuthanda kwabantu ukuhamba besebenzisa uAirbnb nangona imeko yokungazinzi kwezoqoqosho itshintsha-tshintsha.
3. Ukwahlulahlulwa kwendlela izindlu zakho ezibhukishwa ngayo akuzange kwaba lula kangaka
Ukususela kwikota ye-3 ka-2023, malunga ne-90% yabantu abaye bangena kuAirbnb bebesiya ngqo kuye okanye bebengabhataliswa*. Isizathu sokuba le nto ibaluleke kuwe: abantu abaya kuAirbnb besebenzisa amajelo okukhangela bayela izizathu ezithile, nto leyo ekuvulela ithuba lokwandisa ukubhukisha kancinci kancinci ibe ikudibanisa nabantu abatsha.
4. Siyakuxhasa. I-AirCover Yombuki Zindwendwe
I-AirCover Yababuki Zindwendwe kukukhuselwa ngokupheleleyo Kwababuki Zindwendwe. Iquka ukuqinisekiswa kokuba lungubani undwendwe olubhukishayo, ukuhlolwa kokubhukisha, i-inshorensi yomonakalo Yombuki Zindwendwe ye$3M yeedola zaseMerika** , inombolo yoncedo esebenza oko, nokungakumbi. Kwaye iqukwa simahla sihlandlo ngasinye ubuka iindwendwe.
5. Iintsapho ziyamthanda uAirbnb
Ziya zisiba ninzi iintsapho ezihamba zisebenzisa uAirbnb. Emhlabeni wonke, inani leentsapho ezihamba zisebenzisa iwebhusayithi yethu linyuke laya kwiipesenti eziyi-60 ngo-2022 xa kuthelekiswa ngexesha langaphambi kobhubhane ngo-2019, ibe izihlandlo zokubhalisa xa kufikwa zingaphezu kwezigidi eziyi-15 kwiindawo eziphantse zibe yi-90 000. Kusenokwenzeka ukuba uninzi lwezi ntsapho ziye zabhukisha iindawo zika-Airbnb ngenxa yexabiso neendawo eziye zazifumana.
6. UAirbnb ngowomntu wonke. Iindawo Zokuhlala Zeholide Neehotele
Ababuki zindwendwe emhlabeni wonke bathatha uAirbnb njengewebhusayithi efanelekileyo kubo. UAirbnb ugqibe unyaka ka-2022 enezindlu eziyi-6.6 miliyoni ezisebenzayo emhlabeni wonke, zindlu ezo ezingaphezulu nge-900 000 kwinani lezindlu ebezikho ekuqaleni konyaka. Elo nani linani lezindlu ezisebenzayo elonyuke nge-15% xa lithelekiswa nelango-2021!
7. Ukuhlala ixesha elide kuyaqhubeka kuthandwa
Iindwendwe ziyaqhubeka zisebenzisa uAirbnb ukuze zihlale ixesha elide. Inani leentsuku zokuhlala ixesha elide (iintsuku eziyi-28 nangaphezulu) beliyi-18% lenani elipheleleyo leentsuku ezibhukishwe kwikota ye-3 ka-2023.
8. Izinga lokurhoxa kweendwendwe eliphantsi
Ngokusekelwe kwinkcazelo ka-Airbnb yasemhlabeni wonke, ngo-2022, umyinge wezinga lokurhoxa kondwendwe ubungaphantsi kwe-15% nto leyo eyenza uAirbnb abe nomtsalane kakhulu ebantwini abanikezeli ngeendawo zokuhlala.
9. Ukuqinisekiswa kokuba lungubani undwendwe, ukuhlolwa kokubhukisha nokwalelwa kwepati
Nazi ezinye zezinto esizenzayo ukuze sikunike uxolo lwengqondo ngoxa ubuka iindwendwe:
- UAirbnb uza kuqinisekisa ukuba zingobani iindwendwe ezibhukishayo.
- Itekhnoloji eyeyethu kuphela yezindlu esiyisebenzisayo ihlola izinto ezininzi ekubhukisheni ngakunye ize ingakuvumeli ukubhukisha okuthile okubonisa amathuba aphezulu okuba kuza kubakho iipati eziphazamisayo nokonakaliswa kwendlu.
- NgoAgasti 2020 uAirbnb waqala wazisa ngokwalelwa kwazo zonke iipati namatheko kwizindlu emhlabeni wonke. Esi salelo siye sasebenza kakuhle, ibe ngoJuni ka-2022, uAirbnb uye wenza esi salelo sayipolisi.
10. Inkqubo Yokuhlola Kumacala Omabini Ikwenza Ukwazi Ukubhala Uluvo Ngeendwendwe Zakho
KuAirbnb, Ababuki Zindwendwe bayakwazi ukubhala uluvo oluneenkcukacha ezininzi ngeendwendwe, abanye Ababuki Zindwendwe abanokulufunda. Ukongezelela ekukwazini ukubona umlinganiselo opheleleyo wondwendwe, uza kukwazi ukubona ukuba abanye Ababuki Zindwendwe babanike umlinganiselo ongakanani ekucocekeni, ekunxibelelaneni nasekulandeleni imithetho yekhaya. Ezi zimvo zinceda nasekunyanzeliseni ukuthotyelwa kwemithetho ebekelwe iindwendwe zize zisincede ukuba siqinisekise ukuba iindwendwe ziyalihlonipha ikhaya lakho.
* Ngokusekelwe kwinkcazelo ka-Airbnb yasemhlabeni wonke eye yabala abantu abangena kuAirbnb.com ukususela nge-1 kaJulayi 2023 ukuya kutsho nge-30 kaSeptemba 2023
**I-inshorensi yomonakalo yombuki zindwendwe ayiyo ipolisi yeinshorensi. Ayibakhuseli Ababuki Zindwendwe abanikezela ngeendawo zokuhlala ngoAirbnb Travel, LLC, ayibakhuseli Ababuki Zindwendwe abaseJapan, okanye Ababuki Zindwendwe abebeneendawo zokuhlala kwimimandla yaseTshayina. Ukhumbule ukuba yonke imida yokukhuselwa ichazwe ngokweedola zaseMerika ibe kukho eminye imimiselo, imiqathango nezinto ezingaqukwanga.
*** Ngokweenkcukacha zakwa-Airbnb ezithetha ngokuhamba kweentsapho, okucaciswa njengokubhalisa xa kufikwa kukho ubuncinane umntwana omnye, okwenziwe phakathi kwe-1 kaJanuwari ne-31 kaDisemba, 2022.
**I-inshorensi yomonakalo yombuki zindwendwe ayiyo ipolisi yeinshorensi. Ayibakhuseli Ababuki Zindwendwe abanikezela ngeendawo zokuhlala ngoAirbnb Travel, LLC, ayibakhuseli Ababuki Zindwendwe abaseJapan, okanye Ababuki Zindwendwe abebeneendawo zokuhlala kwimimandla yaseTshayina. Ukhumbule ukuba yonke imida yokukhuselwa ichazwe ngokweedola zaseMerika ibe kukho eminye imimiselo, imiqathango nezinto ezingaqukwanga.
*** Ngokweenkcukacha zakwa-Airbnb ezithetha ngokuhamba kweentsapho, okucaciswa njengokubhalisa xa kufikwa kukho ubuncinane umntwana omnye, okwenziwe phakathi kwe-1 kaJanuwari ne-31 kaDisemba, 2022.