Joyina Inethiwekhi Yababuki Zindwendwe Abancedisayo
Ababuki zindwendwe abaninzi bafuna umntu abaza kusebenzisana naye okumgangatho ophezulu*, wasekuhlaleni, ukuze abancede ekubukeni iindwendwe. Ukususela ekufakeni indlu ukuya ekuncedeni iindwendwe, ungakhetha ukuba zeziphi iinkonzo onikezela ngazo uze wenze imali ngokunceda abanye babuke iindwendwe.
Joyina ngoku
Ukwazisa Ngenethiwekhi Yababuki Zindwendwe Abancedisayo
Ngoku unganceda ngendlela eyenzelwe ababuki zindwendwe abanezindlu kwindawo yakho usebenzisa Inethiwekhi Yababuki Zindwendwe Abancedisayo. Ukujoyina le nethiwekhi yindlela entle yokwenza ezi zinto:
- Yokwazisa ngeenkonzo zakho & namaxabiso
- Ukudibana nabantu onokusebenzisana nabo
- Ukuzisebenzela ngesantya osithandayo
Indlela esebenza ngayo Inethiwekhi Yababuki Zindwendwe Abancedisayo
Iinkonzo onokunikezela ngazo
Iprofayile yakho yombuki zindwendwe oncedisayo kulapho ubonisa khona ubuchule bakho nalapho ufaka khona iinkcukacha ngeenkonzo onikezela ngazo. Khetha kuludwe lweenkonzo zokuncedisa ekubukeni iindwendwe:
- Ukufaka indlu
- Ukuseta amaxabiso kunye nexesha ofumaneka ngalo
- Ukulawula izicelo zokubhukisha
- Ukuthumelela iindwendwe imiyalezo
- Ukunceda iindwendwe ukuloo ndawo zikuyo
- Ukucoca nokuhoya indlu
- Ukufotelwa indlu
- Ukulungisa nokuhombisa indlu ngaphakathi
- Iilayisensi neemvume zokubuka iindwendwe
Ukuze ufaneleke ukujoyina Inethiwekhi Yababuki zindwendwe abancedisayo kufuneka ufikelele izinto ezithile ezifunekayo.
Funda okungakumbiUMichael, umbuki zindwendwe oncedisayo eParis
"Ukususela oko ndaba ngumbuki zindwendwe oncedisayo, andisaziva ndindedwa emsebenzini wam. Ndiziva ngathi ndixhaswa ibe ndikhuthazwa ngendlela endiyidingayo ukuze ndikhulise ishishini lam ndize ndenze izinto endingaqhelanga ukuzenza."
Uncedo lokukunceda uphumelele
Izixhobo ezikhethekileyo
Lawula ishishini lakho ngendlela yakho. Le nethiwekhi inezixhobo zokukunceda wakhe ubuhlobo obuphumelelayo nababuki zindwendwe ize ikuncede njengoko ukhulisa ishishini lakho lokubuka iindwendwe.
Izinto eziluncedo nentsapho
Jonga iziqendu eziluncedo zokufundisa kwizixhobo onokuzisebenzisa, uze uqhakamshelane nentsapho yababuki zindwendwe abancedisayo enokukunceda uqalise.
Michael
E-Fransi (eParis)
Guillermo
E-Speyini (eGranada)
Julie
E-Fransi (eLe Touquet)
Anne-Lie
E-Speyini (eTenerife)
Clarysse & Arthur
E-Fransi (eParis)
Ousmane
E-Fransi (eNanterre)
Gabriel
E-Speyini (eMarbella)
Ukhangela umbuki zindwendwe oncedisayo?
Fumana umbuki zindwendwe okumgangatho ophezulu, wasekuhlaleni onokuhoya ikhaya lakho neendwendwe Kwinethiwekhi Yababuki Zindwendwe Abancedisayo. Ababuki zindwendwe abakwiNethiwekhi Yababuki Zindwendwe Abancedisayo badla ngokuba nemilinganiselo ephezulu, amazinga okurhoxa aphantsi, namava okubuka iindwendwe kuAirbnb. Imilinganiselo isekelwe kwizimvo zeendwendwe zezindlu ababuka kuzo iindwendwe okanye abangababuki zindwendwe abancedisayo kuzo ibe isenokungazimeli iinkonzo ezikhethekileyo zombuki zindwendwe oncedisayo.
Imibuzo edla ngokubuzwa
Zintoni ezifunekayo ukuze ube ngumbuki zindwendwe oncedisayo?
Izinto ezifunekayo ukuze ujoyine Inethiwekhi Yababuki Zindwendwe Abancedisayo zezi:
- Umele ube nendlu esebenzayo njengombuki zindwendwe okanye njengombuki zindwendwe oncedisayo onemvume epheleleyo okanye onemvume yekhalenda nemiyalezo.
- Uye wabuka iindwendwe okanye wancedisa ekubukeni iindwendwe kayi-10 okanye ngaphezulu—okanye kathathu nangaphezulu ubuncinane iintsuku eziyi-100 xa zizonke—kwa-Airbnb kwiinyanga eziyi-12 ezidlulileyo.
- Ugcine umyinge womlinganiselo weenkwenkwezi eziyi-4.8 okanye ezingakumbi ovela kwiindwendwe kwiinyanga eziyi-12 ezidlulileyo kuzo zonke izindlu obuka kuzo iindwendwe okanye oncedisa kuzo ekubukeni iindwendwe okwazi ukungena ngokupheleleyo okanye kwikhalenda nokuthumela imiyalezo.
- Umlinganiselo wakho wokurhoxa ube ngaphantsi kwe-3%, xa zingabalwa izizathu ezithile ezivakalayo ezingaphaya kwamandla akho.
- Iakhawunti yakho yakwa-Airbnb ikwimeko entle. Kufuneka kuqinisekiswe ukuba ungubani, ibe ifoto yeprofayile yakho kufuneka ifikelele izinto ezifunekayo kwiifoto zethu ukuze ziboniswe kwinethiwekhi.
Iza kufumaneka phi Inethiwekhi Yababuki Zindwendwe Abancedisayo?
Inethiwekhi Yababuki Zindwendwe Abancedisayo ifumaneka kumazwe ayi-12 kuquka eOstreliya, eBrazil, eKhanada, eFransi, eJamani, eItali, eJapan, eMexico, eMzantsi Korea, eSpeyini, eUK naseMerika. Hlala ulindele amanye amazwe njengoko le nethiwekhi isanda.
Zikhona izinto ezifunwa ngumthetho?
Njengombuki zindwendwe oncedisayo, umela ibe uyaqinisekisa ukuba—nabo nabaphi na abasebenzi okanye abantu abasebenzisana nawe okanye abakusebenzelayo—unazo zonke iimvume, iilayisensi, i-inshorensi kunye/okanye izinto ezibonisa ukuba uqeqeshiwe ezifunekayo ukuze unikezele ngeenkonzo zakho. Ngokomzekelo, ukunikezela ngeenkonzo zokulawula izindlu kusenokufuna ukuba ube ngumthengisi wezindlu onelayisensi, ibe ukusebenza ungeyo ilayisensi kusenokwenza wena kunye/okanye ababuki zindwendwe osebenzisana nabo bohlwaywe kakhulu. Ukuba unemibuzo ngendlela imithetho yasekuhlaleni esebenza ngayo, kufuneka usoloko ufuna amacebiso ezomthetho ngaphambi kokuba ugcwalise le fomu.
Ndingalindela ukwenza malini?
Ngaphambi kokuba uqalise, wena nombuki zindwendwe wakho kufuneka nivumelane ngexabiso leenkonzo zakho. Ababuki zindwendwe abaninzi abancedisayo bakhetha ukubhatalwa ipesenti ethile okanye imali eqingqiweyo ngokubhukisha ngakunye.**
Ndiza kudibana njani nababuki zindwendwe abatsha?
Uza kufumana imiyalezo evela kubabuki zindwendwe kwimiyalezo yakho ka-Airbnb. Uza kukwazi ukuxoxa ngemimiselo yendlela oza kusebenzisana ngayo, uvumelane ngexabiso lokubhukisha ngakunye, uze ugqibezele isivumelwano sakho nikunye. Ukhululekile ukuba ukhethe ukuba zeziphi izindlu ofuna ukuzilawula nokuba ngabaphi ababuki zindwendwe ofuna ukusebenzisana nabo.
Indlela yokuqalisa?
Uza kuqala ugcwalise ifomu. Ukuba uyafaneleka, uza kufumana isimemo sokuba ugqibezele ukubhalisa, wenze iprofayile yakho uze usete ixabiso olincomelayo. Emva koko, ababuki zindwendwe abafuna ukuncedwa kwingingqi yakho baza kukwazi ukukufumana.
Inethiwekhi Yababuki Zindwendwe Abancedisayo okwangoku ifumaneka eOstreliya, eFransi, eJamani, eItali, eJapan, eMexico, eMzantsi Korea, eSpeyini, naseUnited Kingdom (ixhaswa nguAirbnb Global Services); eKhanada, eMerika (ixhaswa nguAirbnb Living LLC); naseBrazil (ixhaswa nguAirbnb Plataforma Digital Ltda).*Ababuki Zindwendwe Abakwinethiwekhi Yababuki Zindwendwe Abancedisayo badla ngokuba nemilinganiselo ephezulu, amazinga okurhoxa aphantsi, namava okubuka iindwendwe kuAirbnb. Imilinganiselo isekelwe kwizimvo zeendwendwe zezindlu ababuka kuzo iindwendwe okanye abangababuki zindwendwe abancedisayo kuzo ibe isenokungazimeli iinkonzo ezikhethekileyo zombuki zindwendwe oncedisayo. ** Kumazwe amaninzi, ungahlulelana nombuki zindwendwe okuncedisayo ngenxalenye yemali oyibhatalwayo ngokubhukisha ngakunye ngoAirbnb. Kukho imiqathango ethile kuxhomekeke kwindawo okuyo nendawo akuyo umbuki zindwendwe okuncedisayo, okanye indawo ekuyo indlu yakho. Funda okungakumbi.