ISuperhost:Ukuvuza ababuki zindwendwe ababalaseleyo
Inkqubo yeeSuperhost ivuyisana ize ivuze ababuki zindwendwe abakumgangatho ophezulu baka-Airbnb nabanamava kakhulu.
Jonga inkqubela yakhoIndlela okunceda ngayo ukuba yiSuperhost
NjengeSuperhost, uza kubonakala ngakumbi, uncedwe uze ufumane imivuzo ekhethekileyo. Le yindlela esibulela ngayo ngokubuka kwakho iindwendwe okusemagqabini.
Ukunconywa ngokukhethekileyo
Ibheji yeSuperhost ikunceda ubalasele ngakumbi ibe inokukhokelela ekubhukishweni ngakumbi.
Ukuhoywa kuqala
NjengeSuperhost, uza kuncedwa kuqala xa uqhakamshelana neAirbnb Support.
Imivuzo ekhethekileyo
Qho uyiSuperhost izihlandlo ezine ezilandelelanayo, ufumana ikuphoni ye$100 ka-Airbnb. Ufumana ne-20% ngaphezulu kwebhonasi ye- eqhelekileyo yokumema abanye abantu.
Yintoni eyenza umntu abe yiSuperhost
Emva kweenyanga ezintathu, sijonga ukuba uzifikelele na ezi zinto zifunekayo kunyaka odlulileyo. Ukuba uzifikelele, uza kuba yiSuperhost okanye uqhubeke uyiyo.
Kuhlalwe izihlandlo eziyi-10 nangaphezulu
Buka iindwendwe ubuncinane izihlandlo eziyi-10 ungekapheli unyaka okanye iintsuku eziyi-100 kwizihlandlo ezintathu okanye ngaphezulu. Iindwendwe ziza kutsho zikuthembe.
Ungaphantsi kwe-1% umlinganiselo wokurhoxa
Rhoxisa izihlandlo ezingaphantsi kwe-1%, ngaphandle kweziganeko ezinkulu eziphazamisayo. Le nto ithetha ukuba ababuki zindwendwe ababhukishwe izihlandlo ezingaphantsi kweziyi-100 ngonyaka khange barhoxise. Ukunqaba kokurhoxisa kuthetha ukuba iindwendwe zakho zingaphola engqondweni.
Umlinganiselo uwonke ube ngu-4,8
Hlala unomlinganiselo ongu-4,8 nangaphezulu wezimvo zendwendwe zika-Airbnb zonyaka odluleyo. Iindwendwe ziyazi zingalindela ukubukwa okusemagqabini kubantu abanjengawe.
Umlinganiselo wokuphendula ongu-90%
Phendula i-90% yemiyalezo emitsha, uze wamkele okanye ungazamkeli izicelo zokubhukisha ezintsha, zingekapheli iiyure eziyi-24. Ngaloo ndlela, iindwendwe ziza kwazi ukuba uza kuziphendula kwangethuba izicelo ezintsha.
Iimpendulo zemibuzo yakho
Ngubani ofanelekela ukuba yiSuperhost?
Ukuze umbuki zindwendwe ahlolelwe ukuba yiSuperhost, kufuneka abe ngumnikazi wento enokubhukishwa enye okanye wezingakumbi. Ababuki zindwendwe abancedisayo, ababuki zindwendwe bezinto ezinokonwatyelwa, nababuki zindwendwe beenkonzo abaqukwanga koku kuhlolwa.Kodwa ke, ukuba umbuki zindwendwe oncedisayo, umbuki zindwendwe wento enokonwatyelwa, okanye umbuki zindwendwe wenkonzo ukwangumnikazi wento enokubhukishwa, angahlolwa ukuba angaba yiSuperhost na ngokusekelwe kwindlela aqhuba ngayo. Indlela aqhuba ngayo kuyo nayiphi na into enokubhukishwa ancedisa kuyo, okanye nayiphi na into enokonwatyelwa yakhe okanye iinkonzo, ayizukuba negalelo ekufanelekeni kwakhe ukuba abe yiSuperhost.
Ngaba kufuneka ndifake isicelo?
Ukuba uyazifikelela izinto ezifunekayo kwinkqubo ngomhla wokuhlolwa, ngokuzenzekelayo uza kuba yiSuperhost—akuzufuneka ufake isicelo.Siza kukuxelela ngemeko yakho ekupheleni kwexesha lokuhlola. Kusenokuthatha iveki eyi-1 ukuba ibheji yakho yokuba yiSuperhost ibonakale kwinto enokubhukishwa yakho.Funda okungakumbi ngokuba yiSuperhost.
Kufuneka ndibe ngumbuki zindwendwe ubuncinane unyaka ukuze ndibe yiSuperhost?
Akukho xesha libekiweyo lokufanelekela ukuba ubeyiSuperhost. Ukuba nje uyazifikelela zonke izinto ezifunekayo ngaphambi kwexesha lokuhlolwa (okwenzeka qho kwiinyanga eziyi-3), ungayiyo iSuperhost.Qho xa sijonga ukuba uzifikelele izinto ezifunekayo ukuze ube yiSuperhost, sijonga kunyaka odlulileyo obubuka ngawo iindwendwe ukuze sibone ukuba uqhube njani. Ukuze ufumane Imimiselo Nemiqathango yethu epheleleyo Yenkqubo YeSuperhost, yiya Kwiziko Loncedo.
Ukuba ndirhoxisa ngenxa yemeko yongxamiseko kuza kuchaphazeleka njani ukuba yiSuperhost kwam?
Ukuba kufuneka urhoxise into ebhukishiweyo, ibe kurhoxiswa ngenxa Yesiganeko Esikhulu Esiphazamisayo okanye ngenxa yezinye izizathu ezivakalayo, asizukukubhatalisa naziphi na iimali ezimele zibhatalwe, ibe ukurhoxisa kwakho akuzukuchaphazela ukufanelekela kwakho ukuba yiSuperhost. Kwezinye iimeko, siza kuyibekela ecaleni eminye imiphumo.Funda ngepolisi ka-Airbnb yeziganeko ezikhulu eziphazamisayo.
