Ukwenza indlu iphinde isebenze
Ngamanye amaxesha izindlu kufuneka zisuswe ngenxa yokulungiswa kwezinto, yolwakhiwo, yokunqumamiswa okanye ngenxa yenye into. Kulula ukuyenza isebenze kwakhona xa sele uyilungele loo nto.
Ukulungiselela indlu yakho ukuba iphinde isebenze kwakhona
Hlola indlu yakho ukuze uqinisekise ukuba ichanile. Ukuba indlu yakho ibisusiwe ngenxa yengxaki yomgangatho wayo, yilungise loo ngxaki uze uqinisekise ukuba izinto ezilungisiweyo ziyabonakala kwindlu yakho ngaphambi kokuba uphinde uyenze isebenze kwakhona.
Phinda ujonge ezi zinto.
- Ixabiso: Thelekisa ixabiso lakho losuku nomyinge wexabiso lezindlu ezifana neyakho ezikufutshane ukuze ubone enoba liyahambelana na namaxabiso akhoyo okanye kufuneka lilungiswe.
- Iintsuku ofumaneka ngazo: Ikhalenda yakho mayihlale isexesheni ukuze uphephe ukurhoxisa ukubhukisha.
- Iifoto: Fota iifoto ezintsha, ezikumgangatho ophezulu ukuze ubonise imeko yendawo yakho.
- Izinto ezinokusetyenziswa: Quka naziphi na izinto ezinokusetyenziswa ezintsha, okanye cinga ngokufaka izinto ezinokusetyenziswa ezifunwa zindwendwe.
- Isihloko sendlu: Sebenzisa isihloko esifutshane, ekulula ukusifunda ukuze uncede indawo yakho ibe phambili kwiziphumo zokukhangela iindawo.
- Inkcazelo ngendlu: Yenza zichane izinto ezilindelwe zindwendwe ngeenkcukacha ezicacileyo nezichanileyo.
- Ukubhalisa xa kufikwa nokuphuma: Qinisekisa ukuba imiyalelo yakho yokubhalisa xa kufikwa neyokuphuma isachanile.
- Imisebenzi eyenziwa xa kuphunywa: Hlola imisebenzi esisiseko ekufuneka iindwendwe ziyenze ngaphambi kokuba zihambe, enjengokucima izibane okanye ukutshixa umnyango.
Ukwenza indlu yakho iphinde isebenze
Inkqubo yokwenza indlu isebenze kwakhona ilula. Landela la manyathelo:
- Yiya kwindawo ethi Izindlu uze ukhethe indlu ofuna isebenze kwakhona.
- Kwindawo ethi Izinto zendlu ezisisiseko, yiya kwindawo ethi Imeko yendlu.
- Tshintsha Imeko yendlu ithi Iyabonakala.
- Cofa indawo ethi Gcina
Emva kokuba utshintshe imeko yayo yathi Iyabonakala, iindwendwe zidla ngokuyifumana indawo yakho kwiziphumo zokukhangela zingekapheli iiyure eziyi-24, kodwa kusenokuthatha iiyure ezifikelela kweziyi-72.
Ukuba usebenzisa i-software ekonekthwe kwiAPI, uza kukwazi ukuzisebenzisa ezi zinto kwi-software yakho ukuba inkampani enikezela ngazo izenze zafumaneka. Ukuba ayiyenzanga loo nto, qhakamshelana nayo ukuze wazi ukuba ziza kufumaneka nini.
Inkcazelo ekweli nqaku isenokuba itshintshile emva kokuba lipapashiwe.