Ukulawula ixabiso lakho

Ngokweenkcukacha zethu, izindlu ezinamaxabiso alungiswe ubuncinane izihlandlo ezine ngonyaka zibe ne-30% engakumbi yeentsuku ezibhukishiweyo kunezo zingakhange zibhukishwe.* 

Abanye Ababuki Zindwendwe abanezindlu ezininzi basichazela ukuba abawalungisi amaxesha amaninzi amaxabiso abo kuba kukuthatha ixesha ukuwalungisa. Izaphulelo yindlela elula yokutshintsha ixabiso lakho losuku kwiimeko ezithile. Ibe imithetho ikunceda ulungise indlela ozibekela ngayo amaxabiso ngendlela efanelekileyo.

Cinga nezinto isaphulelo ngasinye esinceda ngazo ukuze ubone ukuba zeziphi ezilungele izindlu zakho. 

• Isaphulelo seentsuku ezinokuhlalwa: Yehlisa ixabiso lakho leentsuku ezinokuhlalwa ezisusela kwiintsuku ezimbini ukuya kwiiveki eziyi-12. Le nto inokwandisa umyinge weentsuku eziza kuhlalwa kwizindlu zakho, kunciphise amathuba okungena nokuphuma kweendwendwe kuze kuncede kuphuculwe indawo evela kuyo indlu yakho kwiziphumo zokukhangela zika-Airbnb. 
• Isaphulelo onokusikhupha xa sele kuza kungenwa: Nciphisa ixabiso lakho losuku njengoko usuku lokungena lusondela. Le nto inceda ekugcwaliseni naziphi na iintsuku ezingabhukishwanga ize inyuse ingeniso. 
• Isaphulelo sababhukishe kwangethuba: Faka isaphulelo kwindawo ebhukishwe kwinyanga enye ukuya kweziyi-24 ngaphambi kukuba kubhaliswe xa kufikwa, uze wenze ube neendawo ezininzi ezibhukishiweyo kumaxesha onyaka azayo. 
• Isaphulelo esifumaneka kube kanye sendlu entsha: Nikezela ngesaphulelo se-20% xa kubhukishwa izihlandlo ezithathu zokuqala kwizindlu ezintsha. Nceda izindlu zakho zibhukishwe zize zifumane izimvo ngokukhawuleza.

Indawo iindwendwe ezifumana izaphulelo kuyo ixhomekeka kwipesenti yesaphulelo.

• I-1% nangaphezulu: Iindwendwe zifumana inkcazelo yokwahlulahlulwa kwesaphulelo kwizindlu zakho (ukuba azisebenzisi ixabiso elipheleleyo) naxa zibhatala.
• I-10% okanye ngaphezulu: Iindwendwe zibona ukukrwelwa ngomgca kwexabiso elidala kwiziphumo zokukhangela, nayo yonke into engasentla.
• I-20% nangaphezulu: Iindwendwe ezikhangele izindlu kwingingqi yakho kutshanje zisenokubona izindlu zakho ezifakwe kwii-imeyile zika-Airbnb, nayo yonke into engasentla.

Ukususela ngoNovemba 2023, malunga nekota yeentsuku ezibhukishwa xa kuza kuhlalwa ixesha elide ibizezohambo lweenyanga ezintathu okanye ngaphezulu. Iindwendwe ezinomdla wokuhlala ixesha elide zidla ngokukhangela izindlu ezinezaphulelo.

Ukuba awufuni ukufaka isaphulelo kuzo zonke iintsuku ezifumanekayo, imithetho ikuvumela ukuba ulungise amaxabiso akho osuku neesetingi zekhalenda ngokuxhomekeka kwizinto ezithile. Ungasebenzisa imithetho kwizindlu ezininzi okanye kwindlu enye.

Cinga ngexesha lonyaka xa ugqiba ngendlela yokusebenzisa imithetho. Ngokomzekelo, masithi ukufunwa kwendawo kwingingqi yakho kutshintsha ngokwexesha lonyaka. Unokwenza imithetho elungisa iisetingi zakho ngamaxesha apho ukubhukisha kudla ngokucotha. Usenokukhetha ukufaka izaphulelo zababhukishe kwangethuba nezeentsuku eziza kuhlalwa, wandise elona xesha lide elinokuhlalwa, uze uvume kubhukishwe ngosuku ekuza kuhlalwa ngalo ukuze utsale iindwendwe ukuba zibhukishe iintsuku zakho ezifumanekayo.

Ukongezelela kwizaphulelo, ungazitshintsha ezi setingi zeentsuku ofumaneka ngazo kwimithetho.

• Izinto ezifunwa kubude bexesha lohambo: Beka inani lezona ntsuku zimbalwa okanye zininzi ezinokuhlalwa, onokuzilungiselela lona ngokosuku. 
• Izinto ezifunekayo xa kufikwa naxa kuphunywa: Khetha iintsuku iindwendwe ezinokubhalisela ukufika nokuphuma ngazo. 

Ukuze usebenzise imithetho, qinisekisa ukuba ukhethe ukusebenzisa izixhobo zamashishini okubuka iindwendwe. (Ukuba unezindlu ezintandathu nangaphezulu, ufakwa ngokuzenzekelayo.) Ezi zixhobo zifumaneka kwikhompyutha kuphela. 

Ukuze wenze imithetho emitsha:

1. Yiya kwindawo ethi I-multi-calendar.
2. Khetha iintsuku ongathanda ukusebenzisa imithetho kuzo.
3. Kwiphaneli, khetha imithetho.
4. Cofa indawo ethi Yenza imithetho emtsha.
5. Thiya loo mithetho igama (elifana nelithi “Ixesha lonyaka elixakekileyo”). 
6. Ecaleni komthetho ofuna ukuwufaka, cofa indawo ethi Wenze ulungele wena.
7. Faka imithetho yamaxabiso neyeentsuku ofumaneka ngazo.
8. Cofa indawo ethi Gcina.
9. Ukuze ususe umthetho, cofa indawo ethi Rhoxisa.

Ukuze ulungise imithetho ekhoyo:

1. Yiya kwindawo ethi I-multi-calendar.
2. Cofa indawo ethi imithetho.
3. Yiya kwimithetho ongathanda ukuyilawula, uze ucofe indawo ethi Lungisa.

Imithetho yexabiso lakho losuku iza kusebenza ngaphambi kwemithetho yezaphulelo. Imithetho iza kusebenza nokuba kusetyenziswa Indlela Ephucukileyo Yokubeka Amaxabiso.

*Isekelwe kwinkcazelo ka-Airbnb yezindlu ezisebenzayo ukususela ngoJulayi 2022

Ukuba usebenzisa i-software ekonekthwe kwiAPI, uza kukwazi ukuzisebenzisa ezi zinto kwi-software yakho ukuba inkampani enikezela ngazo izenze zafumaneka. Ukuba ayiyenzanga loo nto, qhakamshelana nayo ukuze wazi ukuba ziza kufumaneka nini.

Inkcazelo ekweli nqaku isenokuba itshintshile emva kokuba lipapashiwe.