Ukwenza ukunxibelelana kube lula

Imiyalezo enexesha ethunyelwa ngalo neempendulo ezikhawulezayo zinokukongela ixesha. Njengoko ubhala le miyalezo, ungalibali ukuba iindwendwe zidla ngokuyifunda xa ifike ngexesha ibe imfutshane.

Thumela imiyalezo enexesha lokuthunyelwa kwiindwendwe ngokuzenzekelayo emva kokuba zenze izinto ezithile, njengokubhukisha indawo yokuhlala, ukubhalisa xa zifika nokuphuma.

Cinga ngokucwangcisa ukuthumela imiyalezo ngala maxesha.

• Kumbuzo okanye kwisicelo sokubhukisha: Phendula ngoko nangoko (okanye zingekapheli iiyure eziyi-24) xa iindwendwe ziqhakamshelana nawe.
• Kwisiqinisekiso sokubhukisha: Bulela iindwendwe ngokubhukisha, uze uzixelele ukuba uyafumaneka ukuze uphendule nayiphi na imibuzo.
• Ngaphambi kokuba kubhaliswe xa kufikwa: Malunga neeyure eziyi-24 ukuya kweziyi-48 ngaphambi koko, khumbuza iindwendwe ukuba ziza kuyifumana phi imiyalelo yokubhalisa xa zifika, uze uzichazele nayiphi na imiyalelo yendlela yokungena ngaphakathi. 
• Emva kokubhalisa xa kufikwa: Buza ukuba izinto zihamba njani emva nje kokuba iindwendwe zifikile.
• Ngaphambi kokuba kuphunywe: Thumela umyalezo okhumbuza ngobubele ixesha lakho lokuphuma ngosuku ngaphambi kokuba iindwendwe zihambe ukuze uphephe ukuphuma emva kwexesha.
• Emva kwexesha lokuphuma: Zibulele iindwendwe uze uzicele ukuba zibhale uluvo. Zibhalele uluvo ngokukhawuleza kangangoko unako.

Phendula imibuzo eqhelekileyo ngokucofa nje kube kanye ngokwenza iimpendulo ezikhawulezayo. Ungasebenzisa iimpendulo ezikhawulezayo ezifanayo kuzo zonke izindlu zakho.

Zenze zilungele wena iimpendulo zakho ngeekhowudi ezimfutshane ezifaka iinkcukacha zondwendwe, zokubhukisha nezendlu ngokuzenzekelayo. Qinisekisa ukuba zonke iinkcukacha zendlu yakho ziphelele ngaphambi kokusebenzisa iikhowudi ezimfutshane.

Eminye imizekelo yeekhowudi ezimfutshane:

• Igama londwendwe
• Usuku lokubhalisa xa kufikwa
• Ixesha lokubhalisa xa kufikwa
• Usuku lokuphuma
• Ixesha lokuphuma
• Indlela yokubhalisa xa kufikwa
• Imiyalelo yexesha lokuphuma
• Indlela yokuya kwindlu
• Incwadi ebonisa iindawo
• Incwadi ezixelela ngendlu
• Imithetho yekhaya
• Igama le-wifi
• Iphasiwedi ye-wifi

Ukuba usebenzisa i-software ekonekthwe kwiAPI, uza kukwazi ukuzisebenzisa ezi zinto kwi-software yakho ukuba inkampani enikezela ngazo izenze zafumaneka. Ukuba ayiyenzanga loo nto, qhakamshelana nayo ukuze wazi ukuba ziza kufumaneka nini.

Inkcazelo ekweli nqaku isenokuba itshintshile emva kokuba lipapashiwe.