Ukulungisa iisetingi neentsuku ofumaneka ngazo

Ukwenza ikhalenda yakho nezicwangciso zeizinto ezinokubhukishwa ezininzi zibe sexesheni kufuna ulungelelwano. Izixhobo zamashishini okwamkela iindwendwe zakwa-Airbnb zikunceda ulungise izinto ezinokubhukishwa eziliqela ngexesha elinye.

I-multi-calendar ikuvumela ukuba ujonge uze ulawule iintsuku ezifumaneka ngazo zonke izinto ezinokubhukishwa zakho kwindawo enye. Ukuba neendlela ezahlukeneyo zokubhukisha kunceda ekutsaleni iindwendwe ezingakumbi. Izinto ezinokubhukishwa ukuba kuhlalwe iintsuku eziyi-28 nangaphezulu nokuba kuhlalwe ixesha elifutshane zenze inganiso engumyinge oyi-45% nangaphezulu ngo-2022 kunezinto ezinokubhukishwa ezamkele kuphela iindwendwe eziza kuhlala ixesha elifutshane.*

Nazi iisetingi ezinokunceda izinto ezinokubhukishwa zakho zivele kwiziphumo ezingakumbi zokukhangela. 

• Ixesha ofumaneka ngalo: Vula ikhalenda yakho ukuya kutsho kwiinyanga eziyi-24 uze ubeke isaphulelo sababhukishe kwangethuba ukuze utsale abantu abangakumbi abanokubhukisha kwixesha elizayo. 
• Ukubhukisha ukuqala namhlanje: Vumela iindwendwe ukuba zibhukishe ngosuku eziza kungena ngalo uze ufake isaphulelo onokusikhupha xa sele kuza kungenwa. Yamkela abahambi abangakumbi, njengabo basenokuba bakumgama okufuphi ngemoto.
• Ezona ntsuku zimbalwa zinokuhlalwa: Yehlisa ezona ntsuku zimbalwa zinokuhlalwa ukuze uncede izinto ezinokubhukishwa zakho zivele xa kukhangelwa iindawo zokuhlala ixesha elifutshane uze ugcwalise iintsuku ezikwikhalenda yakho. 
• Ezona ntsuku zininzi zohambo: Yandisa ezona ntsuku zininzi zinokuhlalwa ezizintsuku eziyi-28 okanye ngaphezulu, ukuze izinto ezinokubhukishwa zakho zifaneleke xa kukhangelwa iindawo zokuhlala ixesha elide.
  

Iindawo ekunokuhlalwa ixesha elide kuzo ziyathandwa kwa-Airbnb. Iindawo ezibhukishwe iintsuku eziyi-28 nangaphezulu zibe yi-18% yazo zonke iintsuku ezibhukishwe ngoJulayi, ngoAgasti nangoSeptemba 2023.**

Endaweni yokungena kwinto enokubhukishwa nganye, lungisa iintsuku ofumaneka ngazo ngokulungisa izinto ezininzi ngaxeshanye kwezi ndidi:

• Inani leentsuku zohambo
• Isaphulelo seentsuku eziza kuhlalwa
• Ipolisi yokurhoxa

Ungalungisa nezinye izinto zezinto ezinokubhukishwa zakho ngokulungisa izinto ezininzi ngaxeshanye kwezi ndidi:

• Izinto ezinokusetyenziswa
• Uhlobo lwento enokubhukishwa
• Imali emele ibhatalwe neendleko
• Ingingqi
• Indlela yokubhalisa xa kufikwa
• Imithetho yekhaya eqhelekileyo
• Iinkcukacha zengingqi
  

Ukuze ulungise izinto ezininzi ngexesha elinye:

1. Qinisekisa ukuba ukhethe ukusebenzisa izixhobo zamashishini okubuka iindwendwe, ezifumaneka kwikhompyutha kuphela.

2. Yiya kwindawo ethi Izinto ezinokubhukishwa uze ukhethe zonke izinto ezinokubhukishwa ofuna ukuzitshintsha.

3. Cofa indawo ethi Gcina.

4. Tshintsha izinto ofuna ukuzitshintsha uze ucofe indawo ethi Gcina.

*Isekelwe kwinkcazelo ka-Airbnb yezinto ezinokubhukishwa ezisebenzayo ukususela ngoJanuwari ukuya kuDisemba 2022

**Ngokwengxelo yengeniso ka-Airbnb 2023 yekota ye-3

Ukuba usebenzisa i-software ekonekthwe kwiAPI, uza kukwazi ukuzisebenzisa ezi zinto kwi-software yakho ukuba inkampani enikezela ngazo izenze zafumaneka. Ukuba ayiyenzanga loo nto, qhakamshelana nayo ukuze wazi ukuba ziza kufumaneka nini.

Inkcazelo ekweli nqaku isenokuba itshintshile emva kokuba lipapashiwe.