Fumaneka xa iindwendwe zikudinga

Unxibelelwano olwenziwa ngexesha elifanelekileyo nolucacileyo yinto ebalulekileyo ukuze ubuke iindwendwe ngendlela efanele iinkwenkwezi ezintlanu. Iindwendwe zithi ukufumana imiyalelo eluncedo neempendulo ezikhawulezayo kubalulekile. USadie, iSuperhost yaseSanta Fe, eNew Mexico uthi, “Ukunxibelelana kakuhle kunceda iindwendwe zizive zihoyiwe, nto leyo engundoqo xa ubuka iindwendwe.”

Zama ukunikezela ngenkcazelo edingwa zindwendwe, ngexesha eziyidinga ngalo.

Abantu bojongene nezinto ezininzi xa behamba. Zimisele ukunikezela ngenkcazelo eluncedo ngexesha elifanelekileyo ungakhange uzixine ngezinto ezingakwaziyo ukuzithwala iindwendwe.

• Sebenzisa imiyalezo enexesha lokuthunyelwa. Le miyalezo ikwenza ukwazi ukuthumela iinkcukacha ezithile ngexesha iindwendwe ezisenokuzifuna ngazo. Ngokomzekelo, Ababuki Zindwendwe abaninzi baquka indlela yokuya kwindawo yabo kwimiyalezo yokwamkela enexesha lokuthunyelwa ngosuku olungaphambi kokuba kubhaliswe xa kufikwa.

• Bhala incwadi ethetha ngayo yonke into ezixelela ngendlu. Bhala izikhokelo ezicacileyo zokuba zingafunyanwa phi izinto ezibalulekileyo, nemiyalelo yenyathelo ngalinye yezixhobo nezixhobo zombane.

• Beka inkcazelo eluncedo kwiindawo ezahlukahlukeneyo. Usenokuyishiya imiyalelo yokuzisebenzisa kufutshane ne-thermostat nesixhobo sokubraya sangaphandle nakwincwadi yakho ezixelela ngendlu. Iindwendwe kufuneka zikwazi ukufumana iinkcukacha ezizidingayo kungakhange kufuneke zizikhangele.

Iindwendwe zilindele ukuba uphendule ngokukhawuleza, ingakumbi ngosuku lokubhalisa xa kufikwa okanye xa kuvela iingxaki. Kwimibuzo engangxamisekanga evela ebudeni bokuhlala kweendwendwe, kusengqiqweni ukuphendula zingekapheli iiyure eziyi-12. Kwimiba engxamisekileyo, njengokungabikho kwesitshixo sokungena ngaphakathi, ufanele uphendule ingekapheli iyure.

• Seta imiyalezo. Sebenzisa i-app ka-Airbnb ukuze uyifumane ngokukhawuleza imiyalezo yeendwendwe. Khetha ukusebenzisa imiyalezo ethunyelwa nge-app kwi-app nakwiisetingi zesixhobo sakho, usebenzise kakuhle isixhobo sakho ngokusenza senze isandi xa kungena umyalezo uze umane ukhangela imiyalezo ngamaxesha athile ebudeni bokuhlala kweendwendwe.

• Yiba necebo lesibini. Lungiselela umntu oza kunceda xa ungafumaneki. Cela Umbuki Zindwendwe Oncedisayo okanye omnye umntu oncedisayo uze uthumele inkcazelo yakhe yendlela yokuqhakamshelana naye kwiindwendwe.

• Sebenzisa iimpendulo ezikhawulezayo. Ezi mpendulo zikwenza ukwazi ukuphendula imibuzo ethile ngokukhawuleza ngakumbi ngokubhala iimpendulo kwangaphambili. Ngokomzekelo, unokubhala impendulo ekhawulezayo edwelisa iivenkile zokutyela ozithandayo ezikufutshane ukuze uzithumele xa iindwendwe zibuza ngeendawo zasekuhlaleni.

Zama ukujonga yonke imeko ngeliso londwendwe, ingakumbi xa izinto zingahambi ngendlela ebekucetywe ngayo.

• Hlala uzolile. Iingxaki ezingalindelekanga zinokuba nzima kumntu wonke. Phefumla izihlandlo eziliqela uze uzimisele ukulungisa ingxaki ekhoyo.
• Thetha phandle. Zichazele iindwendwe ukuba usifumene isicelo sazo, ibe usihoyile. Cacisa ukuba ulindele ukusifumana nini isisombululo nendlela oza kuzigcina ngayo zisazi ukuba kwenzeka ntoni.
• Phendula ngovelwano. Zifake ezihlangwini zeendwendwe zakho. Nezinto ezincinci zinokwenza umahluko omkhulu xa zingekho kwindawo yazo.

Inkcazelo ekweli nqaku isenokuba itshintshile emva kokuba lipapashiwe.