Hlaziya iinkcukacha zendlu yakho

Ukwamkela iindwendwe ngendlela eyenza ufumane iinkwenkwezi ezintlanu kuqala ngokuzichaza kakuhle izinto ezinokulindelwa kwiphepha lendlu yakho. Iindwendwe zifuna ukuba indawo yakho ibe kwimeko entle kwaye ibe yile ndlela ebonakala ngayo kwiifoto zakho. Kwakhona zifuna ukuba zonke izinto ezinokusetyenziswa ozifakileyo kube lula ukuzifumana nokuzisebenzisa.

Amathuba okuba iindwendwe zizulazule okanye ziyigwebe ngokungafanelekanga indawo yakho mancinci xa ubhala iinkcukacha ezingakumbi. Uza kufumana izixhobo ozidingayo ukuze uhlaziye iinkcukacha zendlu yakho Kwithebhu yezindlu.

Nceda iindwendwe ziyiqonde indlela elime ngayo ikhaya lakho ngokusebenzisa iifoto ezibukisayo ukuze ulungelelanise iifoto zendlu yakho ngokuzenzekelayo ngokwegumbi.

Qala ngokufaka iifoto ezikhoyo zegumbi ngalinye elisetyenziswa nangabanye abantu.

• Sebenzisa iifoto ezikumgangatho ophezulu. Fota iifoto ezime ngecala kukhanya kangangoko. Faka eyona fayile inkulu, ubuncinane ibezi-pixel eziyi-1024 no-683. Cinga ngokuqesha umfoti oyincutshe.
• Faka iifoto ezininzi zegumbi ngalinye. Fota umxube weefoto ezixwesileyo, eziphakathi, nezisondeleyo. Sondeza iinkcukacha eziluncedo, njengetshaja yefowuni esebenza nakwamanye amazwe ekwitafile esecaleni kwebhedi okanye indlela ezisetwe ngayo izinto zekofu nezeti ekhitshini.
• Balaselisa izinto ezikhoyo nezinto ezinokusetyenziswa. Faka iifoto ezibonisa amalungiselelo okulala, iindawo zangaphandle, nazo naziphi na izinto ezikhethekileyo zezilwanyana zasekhaya, zeentsapho ezinabantwana, okanye ezabantu abasebenzela ekhaya.
• Faka izinto ezinceda ilungele wonke umntu. Bonisa indlela indawo yakho elungiselelwe ngayo abantu abangakwazi ukuhamba kakuhle. Qinisekisa ukuba uyasifunda isikhokelo sika-Airbnb sokufota izinto ezinceda indawo ilungele wonke umntu.

Emva koko, landela la manyathelo ukuze ufake iifoto zakho ezibukisayo.

1. Khetha indawo ethi Yenza iifoto zakho ezibukisayo. Isixhobo esikhethekileyo seAI sika-Airbnb silungisa iifoto zendlu yakho ngoko nangoko zibe zintlobo eziyi-19 zamagumbi. Iifoto engaziqondi kakuhle izibeka kwiifoto ezongezelelekileyo.

2. Hlola ifoto zakho ezibukisayo. Qinisekisa ukuba ubuncinane ufaka ifoto ibe nye yegumbi ngalinye yekhaya lakho. Ungazisusa, uzifake, okanye uzicime iifoto.

3. Faka iingcaciso ezicacileyo zefoto nganye ezichaza izinto ezifumaneka kwigumbi ngalinye okanye kwindawo nganye. 

4. Ukuze ubone kwangaphambili indlela ezivela ngayo iifoto zakho kwindlu yakho, yiya kwindawo ethi Indawo yakho uze ucofe iqhosha elithi Hlola.

USadie, iSuperhost yaseSanta Fe, eNew Mexico uthi, “Abantu abaninzi bathanda iifoto ibe basenokuchitha ixesha elingakumbi kwiifoto zakho kunakwingcaciso yendlu yakho.”

Iindwendwe zifuna amakhaya akuAirbnb ahambelane neenkcukacha zendlu. Amaphepha ezindlu akumgangatho ophezulu ayichaza ngokuchanileyo into iindwendwe ezinokulindela ukuyibona, ukuyiva nokuyonwabela kwindawo yakho ebudeni bexesha ezilihleliyo.

1. Qinisekisa ukuba umxholo Wendlu yakho wongeza iinkcukacha ezikhethekileyo ngendawo yakho neendawo eziyingqongileyo. Ngokomzekelo othi, “Isitudiyo esizolileyo kufuphi eUffizi” uchaza ngamagama nje ambalwa ukuba le ndawo yiflethi okanye yindlu ekwicomplex eseFlorence, eItali.

2. Phantsi kwendawo ethi Ingcaciso yendlu, chazela iindwendwe ukuba kunjani ukuhlala kwindawo yakho. Faka inkcazelo eluncedo ngendawo okuyo, izinto zokuhombisa okanye indlela ozibuka ngayo iindwendwe. Ngokomzekelo, ungacacisa ukuba le veranda ijonge intaba xa kutshona ilanga okanye ukuba indawo yakho iphezu kwevenkile exakekileyo ethengisa ikofu ukususela ngo-6:00 kusasa ukuya kutsho ngo-10:00 ebusuku.

3. Phantsi kwendawo ethi Indawo yakho, cacisa amagumbi akho ngendlela eqhelekileyo. Sebenzisa le ndawo ukuze ugxininise iinkcukacha eziluncedo eziphendula imibuzo yeendwendwe kwangaphambili. Ngokomzekelo, usenokuchaza ukuba iyadi engasemva ibiyelwe, ibe inendawo eninzi yokuba abantwana nezilwanyana zasekhaya zidlale kuyo.  

4. Phantsi kwendawo ethi Ukuthumela iinkcukacha zendawo okuyo, ungaseta nendawo ethile indlu yakho ekuyo ukuze uncede iindwendwe ziyiqonde loo ndawo. Kungenjalo, ziza kubona indawo eqhelekileyo kuphela de kube semva kokuba zibhukishe.

Iingcaciso ezicacileyo nezokwenyani zidla ngokusebenza kakuhle. Ukuthetha ude ugqithe emgceni nokuzibaxa izinto onazo kunokwenza abantu baphoxeke uze ufumane izimvo ezimbi.

Indawo yokulungisa indlu yenza ukufaka izinto ezinokusetyenziswa kube lula ngakumbi kunangaphambili.

1. Phantsi kwendawo ethi Izinto ezinokusetyenziswa, cofa uphawu lokudibanisa (+). Unokuhlola izinto ezinokusetyenziswa eziphantse zibeyi-150 ngokoluhlu okanye ngokoonobumba, okanye ungakhangela le uyifunayo ngegama.

2. Khetha uphawu lokudibanisa ecaleni kwayo nayiphi na into ikhaya lakho elinayo.

3. Cofa iqhosha elithi Jonga ukuze ubone kakuhle indlela izinto ezilungisiweyo eziza kubonakala ngayo kwiindwendwe kwiphepha lendlu yakho.

Kubalulekile ukufaka zonke izinto zakho ezinokusetyenziswa uze ugcine yonke into ihamba kakuhle. Iindwendwe zinokuhluza izinto ezizikhangelayo ukuze zibone izinto ezinokusetyenziswa ezithandwayo ezifana nomatshini okhupha umoya obandayo okanye oshushu, indawo yokupaka simahla nomatshini wokuhlamba okanye wokomisa impahla.

Inkcazelo ekweli nqaku isenokuba itshintshile emva kokuba lipapashiwe.