Fumana izimvo ezingakumbi ezineenkwenkwezi eziyi-5

Siyavuyisana nawe ngoluvo lwakho leenkwenkwezi ezintlanu! Iindwendwe zakho ziyazixabisa izinto ozenzayo ukuze wenze indlela ezihleli ngayo ingalibaleki. Nantsi indlela yokuqhubeka uqhuba.

Neendwendwe ezinika iinkwenkwezi ezintlanu zisenokucebisa ukuba utshintshe izinto ezimbalwa. Sebenzisa uluvo lwazo njengesikhokelo, uze ucinge ngendlela yokunyusa umgangatho wezinto onazo.

• Hlola iifoto zendlu yakho. Ngaba undwendwe luthethe kakuhle kakhulu ngeveranda yakho kuluvo? Yibonise ezifotweni zakho. Ngaba uyahombisa ngexesha leholide ethile? Yenza iifoto zexesha lonyaka iindwendwe ezilibhukishelayo ngoku zibe phezulu.
• Hlola izinto zakho ezinokusetyenziswa. Cinga ukuba zeziphi izinto ezinokusetyenziswa ezithandwayo onokuzifaka okanye uziphucule, njengokutshintsha ibhokisi enesitshixo ngokufaka indlela yokungena ngokusebenzisa ifowuni okanye ngokufaka ikhowudi emnyango. Izinto ezinokusetyenziswa eziphambili ezikhangelwa zindwendwe ziquka ukuzingenela, iwifi, umatshini wokuhlamba impahla, umatshini wokomisa impahla, iTV okanye itshaneli ezibhatalelwayo nendawo yokoja.*
• Faka izinto zakho ezikhethekileyo. Phucula izinto zakho zokwamkela iindwendwe ngomyalezo obhalwe ngesandla okanye into encinci yokukukhumbula, njengemephu yendawo iindwendwe zakho eziceba ukuyibuka.
• Nyusa umgangatho wakho wokuhombisa. Hlaziya indawo yakho ngezinto ezenza kube tofotofo, njengokufaka imiqamelo emihle nokwenza iindawo ezincinci ezitofotofo zokufunda nokudlala.

Njengoko utshintsha izinto, qiniseka ukuba ingcaciso yendlu yakho, iifoto nezinto ezinokusetyenziswa ziyahambelana nezinto ezikhoyo kwindawo yakho ngoku.

Njengombuki Zindwendwe kuAirbnb, uvelela abantu abavela emhlabeni wonke ikhaya lakho. Ukwenza into efanayo nokungakhethi kunganceda undwendwe ngalunye luzive lwamkelekile.

• Buza imibuzo. Thumela umyalezo obekelwe ixesha kwiintsuku ezimbalwa ngaphambi kokubhalisa xa kufikwa ubuza iindwendwe ukuba ikhona na into onokuyenza ukuze zihlale kamnandi ngakumbi. Ukukulungela ukufunda ukuba iindwendwe zidinga ntoni kubonisa ukuba ukukhathalele ukuba zihlale kamnandi.
• Sebenzisa ulwimi olungabekiseli kwisini esithile. Ukufaka izibizo kwiprofayile yakho ka-Airbnb kubonisa ukuba uthanda ukubizwa njani kuze kuchaze ukuba wamkela zonke iintlobo zeendwendwe. Xa uthumela umyalezo kwiindwendwe, kulumkele ukucingela izinto ezithile, njengesini somntu okanye imeko yokuthandana kwakhe.
• Yenza izinto eziyenza ilungele wonke umntu zibe phambili. Unayo indawo yokupaka elungele wonke umntu, indawo yokungena, umnyango okanye ishawa engenazitepsi okanye ezinye izinto ezinokusetyenziswa eziyenza ilungele wonke umntu? Funda izikhokelo zethu zezinto eziyenza ilungele wonke umntu uze ufake iifoto ezicacileyo kwicandelo Lezinto Eziyenza Ilungele Wonke Umntu lendlu yakho ukuze uncede iindwendwe zazi ukuba ziza kukwazi na ukuhlala kwindawo yakho.
• Vula Uvel' Ubhukishe. Ukuvumela iindwendwe zibhukishe indawo yakho ngaphandle kokuvala iintsuku okwexeshana, kuqinisekisa ukuba ukulungele ukwamkela nabani na ozifikelelayo izinto ozifunayo xa kubhukishwa.
• Yenza ukuzingenela kusebenze. Iindwendwe ziye zachaza ukuba ukukwazi ukuzingenela kunceda ekunciphiseni izinto ezixhalabisayo ngokwamkelwa ngokusekelwe ekubeni zingoobani.

Ukungakhethi xa ubuka iindwendwe kuthetha ukuba usebenzisa umgangatho ofanayo ukwamkela undwendwe ngalunye, ukususela xa lubhukisha ukuya xa nifaka izimvo. Ukuba ufuna ukufunda okungakumbi, funda iziqendu zethu zokufunda ngendlela yokuba nguMbuki Zindwendwe ongakhethiyo.

Inkcazelo ekweli nqaku isenokuba itshintshile emva kokuba lipapashiwe.

*Ngokusekelwe kwinkcazelo ka-Airbnb elinganisa ezona zinto zinokusetyenziswa zikhangelwe kakhulu emhlabeni wonke ukususela nge-1 kaJanuwari ukuya kutsho nge-30 kaJuni 2024.