Indlela yokubeka imali yokucoca

Ungabhatala iindleko zakho ngoxa ugcine ixabiso lakho elipheleleyo likhuphisana kakuhle.
Ngu-Airbnb nge-9 Nov 2021
Lifundeka ngemizuzu eyi-3
Ihlaziywe nge-25 Jan 2024

Siyaqonda ukuba ukubeka ixabiso lakho yenye yezinto ezinzima xa ubuka iindwendwe. Ixabiso lakho losuku, nazo naziphi na ezinye iimali ezongezelelekileyo, kufuneka zihambisane kakuhle nokubhatalela iindleko zakho zokubuka iindwendwe nobuka kwakho iindwendwe ngendlela esemagqabini.

Ukufaka imali yokucoca

Ukuhlala kwindawo ecocekileyo yeyona nto ibalulekileyo kwiindwendwe. Imali yokucoca inokukunceda ubhatalele izinto zakho zokucoca okanye ukucocelwa yinkampani yokucoca.

Xa ubeka imali yokucoca, ungalibali ukuba inyusa ixabiso elipheleleyo lokuhlala. Xa kuza kuhlalwa ixesha elifutshane, imali emele ibhatalwe yenza inxalenye enkulu yexabiso elipheleleyo kunaxa kuza kuhlalwa ixesha elide.

Ukuze ufumane abantu abaninzi abaza kubhukisha, zama ukugcina ixabiso lakho elipheleleyo likhuphisana kakuhle namanye. Ungasebenzisa izixhobo zokubeka amaxabiso kwikhalenda yakho ukuze ubone iindleko ezipheleleyo zendlu yakho ngeentsuku neentlobo zohambo ezahlukahlukeneyo. Imali yokucoca ephezulu inokwenza iindwendwe zingayibhukishi indawo yakho.

Nazi izinto ezimbalwa onokukhetha kuzo:

  • Faka imali yokucoca eqhelekileyo kuzo zonke iindwendwe, nokuba ziza kuhlala ixesha elingakanani.
  • Yehlise imali yokucoca xa kuza kuhlalwa ixesha elifutshane njengosuku oluyi-1 okanye iintsuku eziyi-2, uze ugcine ixabiso lemali yokucoca eliqhelekileyo kuzo zonke ezinye iintsuku eziza kuhlalwa.
  • Faka zonke okanye inxalenye yeendleko zakho zokucoca kwixabiso lakho losuku ukuze uhlale ukhuphisana.

Ukuzilungiselela ukuze uphumelele

Kubalulekile ukulawula izinto ekulindelwe ukuba ziqukwe kwixabiso lakho lokucoca. Sive ukuba iindwendwe zithi azifuni ukwenza imisebenzi engekho ngqiqweni njengokususa iingubo ezibhedini, ukuhlamba iimpahla nokutshayela ngomatshini wokutshayela.

Yinto esisengqiqweni ukucela iindwendwe ukuba zenze izinto ezilula ngexesha lokuphuma, njengokucima izibane, ukulahla ukutya emgqomeni, nokuvala iingcango neefestile.

Ukuba ucinga ukufaka imali yokucoca, nazi ezona ndlela zisebenza kakuhle:

  • Sebenzisa imali emele ibhatalwe ukuze ubhatalele iindleko zakho zokucoca, kungekhona njengendlela yokufumana imali engakumbi.
  • Beka imali emele ibhatalwe engaphantsi kunexabiso lakho losuku.
  • Cinga ngokusebenzisa enye indlela yokubuyisa iindleko zakho zokucoca, njengaxa kutsalwa irhafu.
  • Zama ukuthenga izinto zokucoca ezisisixa esininzi, nto leyo edla ngokubiza imali encinci ekuhambeni kwexesha.
  • Ukuba umtsha ekubukeni iindwendwe, khawucinge ngokuma kancinci ngokubiza imali yokucoca de ube nezimvo ezintle ezimbalwa eziza kutsala abantu ukuba babhukishe.

I-AirCover Yababuki Zindwendwe

I-inshorensi yomonakalo yombuki zindwendwe, eyinxalenye yeAirCover Yababuki Zindwendwe, inokukubuyisela imali yeendleko ukuya kutsho kwi-$3 miliyoni yeedola zaseMerika xa kukho imeko enqabileyo yokuba indawo okanye izinto zakho zonakaliswe lundwendwe ngoxa luhleli kwindawo ka-Airbnb. Kwiimeko ezithile, ikwabhatalela ukucoca okongezelelekileyo kuquka ukususwa kwamabala nevumba lomsi. 

Ungacela ukubuyiselwa imali Kwiziko lethu Lezemali.

I-AirCover Yababuki Zindwendwe I-inshorensi yomonakalo yombuki zindwendwe, I-inshorensi yomonakalo kumntu obebhukishile, kunye neInshorensi yomonakalo kumntu okwizinto ezinokonwatyelwa azisebenzi Kubabuki Zindwendwe abaneendwawo zokuhlala okanye izinto ezinokonwatyelwa eJapan, apho kusebenza I-inshorensi Yababuki Zindwendwe yaseJapan kunye neInshorensi Yezinto Ezinokonwatyelwa yaseJapan, okanye Kubabuki Zindwendwe abaneendawo ezisebenza ngoAirbnb Travel LLC. Kubabuki Zindwendwe abaneendawo zokuhlala okanye izinto ezinokonwatyelwa kwimimandla yaseTshayina, kusebenza i-Inshorensi Yokukhusela Ababuki Zindwendwe baseTshayina. Ukhumbule ukuba zonke iimali zezinto ezikhuselwayo zichazwe ngokweedola zaseMerika.

Kwizindlu eziseWashington State, izinto ezifunekayo kuAirbnb eziphantsi kweinshorensi yomonakalo Yombuki Zindwendwe zibhatalelwa yipolisi yeinshorensi ethengwe nguAirbnb. I-Inshorensi yomonakalo yombuki zindwendwe ayinanto yakwenza neInshorensi yomonakalo kumntu obebhukishile. Phantsi kweInshorensi yomonakalo yombuki zindwendwe, uza kubuyiselwa imali ngomonakalo othile owenziwe zindwendwe kwindlu yakho nakwizinto zakho ukuba undwendwe aluwubhataleli loo monakalo. 

Kubabuki Zindwendwe abahlala okanye abanendawo yokuhlala engaphandle kwaseOstreliya, I-Inshorensi Yomonakalo Yombuki Zindwendwe inemimiselo, imiqathango, nezinto ezilinganiselweyo. Kubabuki Zindwendwe abahlala okanye abanendawo yokuhlala eseOstreliya, I-inshorensi Yomonakalo Yombuki Zindwendwe ixhomekeke kule mimiselo, imiqathango, nezinto ezilinganiselweyo.

Inkcazelo ekweli nqaku isenokuba itshintshile emva kokuba lipapashiwe.

Airbnb
9 Nov 2021
Ngaba oku bekuluncedo?