Indlela uAirbnb abakhusela ngayo ababuki zindwendwe

Silapha ukuze sikuxhase ngoxa ubuka iindwendwe. Ukuba nje usebenzisa uAirbnb ukuze unxibelelane, ubhukishe, uze ubhatale, uyakhuselwa ziipolisi neenkonzo zethu.

IAirCover Yababuki Zindwendwe kukukhuselwa ngokupheleleyo kwababuki zindwendwe. Iquka i$1 miliyoni yeedola zaseMerika yeInshorensi yomonakalo kumntu obebhukishile. Ikwaquka ne$3 miliyoni yeedola zaseMerika yeInshorensi Yokukhuselwa kombuki zindwendwe kumonakalo, equka ukukhuselwa kwezinto zobugcisa, izinto zexabiso, iimoto, izikhephe, ezinye izithuthi ezihamba emanzini ozipaka okanye ozigcina kwindawo yakho, nokungakumbi.

IAirCover Yababuki Zindwendwe inamanyathelo okhuseleko angaphambi kohambo anceda ukuqinisekisa ukuba iindwendwe ezibhukishayo zingaba bantu zithi zingabo isebenzisa inkqubo yokuqinisekisa ukuba lungubani undwendwe. Siye sihlole izinto iindwendwe ezibhukishayo ezikhe zazenza xa umthetho uvuma, size sihlole ukuba iindwendwe ezibhukishayo azikho kuludwe oluthile lwabantu ekufuneka beqatshelwe okanye lwabohlwayiweyo na. Itekhnoloji yethu yokuhlola ukubhukisha nayo inceda ekunciphiseni amathuba okubakho kweepati eziphazamisayo nokonakaliswa kwendlu.

UAirbnb uyafumaneka ukuze akuncede iiyure eziyi-24 ngosuku, iintsuku eziyi-7 ngeveki, ngeelwimi eziyi-64.

• Ifowuni noncedo kwi-intanethi:Ngeengxaki ezingxamisekileyo, sifowunele. Ukuba uneengxaki ezingangxamisekanga, njengokulungisa ikhalenda yakho okanye ukutshintsha amaxabiso akho, sithumelele umyalezo.
• Ukuncedwa KweeSuperhost Ngokukhethekileyo: IiSuperhost zidibana ngokuzenzekelayo nomntu oyingcali yeAirbnb Support nanini na ziqhakamshelana noAirbnb.
• Inombolo yoncedo esebenza oko: Ukuba nanini na uziva ungakhuselekanga, kukho indawo oyicofa kube kanye kwi-app yethu ukuze uqhakamshelane nabantu abaqeqeshelwe ukhuseleko ngokukhethekileyo, imini nobusuku.

UAirbnb ufuna zonke iindwendwe zithobele imithetho ebekiweyo. Zimele ziyihloniphe indawo yakho, zithobele imithetho yekhaya lakho, zithethe ngokukhawuleza xa kuvela iingxaki, zize zingashiyi indawo yakho idinga ukugutyulwa. Undwendwe ngalunye olubhukishayo luvumelana nale mithetho ebekiweyo ngaphambi kokuba lubhukishe.

Ukuba undwendwe aluyithobeli imithetho ebekiweyo, unokuyichaza loo nto ngokuqhakamshelana neAirbnb Support okanye ngokunika undwendwe umlinganiselo ophantsi kucoceko okanye kwimithetho yekhaya xa ubhala izimvo. Iindwendwe ezophula ngokuphindaphindiweyo imithetho yekhaya eqhelekileyo zisenokumiswa okwexeshana okanye zisuswe kuAirbnb ukuba iingxaki ziyaqhubeka.

Imithetho yekhaya iyanyanzeliswa phantsi kwemithetho ebekiweyo, ibe ikwenza ukwazi ukuchazela iindwendwe izinto ezilindelekileyo ezikhethekileyo kwindawo yakho. Ungakhetha kuludwe lwethu lwemithetho yekhaya eqhelekileyo enento yokwenza:

• Nezilwanyana zasekhaya
• Namatheko
• Nokutshaya, ukutshaya ngombhobho okanye ii-e-cigarette
• Nexesha ekungangxolwayo ngalo
• Nexesha lokufika nelokuphuma
• Nelona nani leendwendwe ezininzi
• Neefoto ezenzelwe ukuthengisa nokurekhoda iividiyo

Ukuba unemiyalelo ekhethekileyo engafakwanga kwimithetho yekhaya eqhelekileyo, ungayibhala kwimithetho eyongezelelekileyo kwiisetingi zento enokubhukishwa yakho. Ngokomzekelo, usenokucela iindwendwe ukuba zivale zize zitshixe zonke iifestile ngaphambi kokuba ziphume.

Iindwendwe ezibhukishayo okanye ezijoyina uhambo zicelwa ukuba zenze iprofayile epheleleyo, enefoto neenkcukacha ngazo, ukuze zikuncede uzazi ngaphambi kokuba zihlale.

Ungathemba ukuba izimvo zeendwendwe zisekelwe kwizinto ezenzeke nyhani ekubeni ababuki zindwendwe neendwendwe bekwazi ukubhala izimvo kuphela emva kokuba ixesha elibhukishiweyo liphelile. Unokubuza neendwendwe imibuzo uchaze nezinto ozilindeleyo nanini na ngaphambi kokuba zihlale.

Ukuba usebenzisa uVel' Ubhukishe, ungakhetha ukumnika kuphela iindwendwe eziye zahlala kanye ubuncinane ngaphandle kokwenzeka kweziganeko okanye komlinganiselo ophantsi. Ukuba ukhetha ukufumana izicelo zokubhukisha, ungajonga iiprofayile zeendwendwe nezimvo ngaphambi kokuba wamkele izicelo zokubhukisha.

Ungakwazi nanini na ukurhoxisa into ebhukishiweyo ocinga ukuba iza kuphumela ekwenziweni kwepati ukuba nje ulandela Ipolisi yethu Yokurhoxa Yababuki Zindwendwe. Ukuba awukhululekanga ngesicelo sohambo, ungasamkela ukuba nje ulandela Ipolisi yethu Yokungacaluli.

I-AirCover Yababuki Zindwendwe I-inshorensi yokukhuselwa kombuki zindwendwe kumonakalo, Neinshorensi yomonakalo kumntu obebhukishile, kunye Neinshorensi yomonakalo kumntu Okwizinto Ezinokonwatyelwa Neenkonzo azisebenzi kubabuki zindwendwe abaneendawo zokuhlala okanye abanezinto ezinokonwatyelwa eJapan, apho kusebenza I-inshorensi Yababuki Zindwendwe yaseJapan kunye Neinshorensi Yezinto Ezinokonwatyelwa yaseJapan, okanye kubabuki zindwendwe abaneendawo ezisebenza ngoAirbnb Travel LLC. Zonke iimali zezinto ezikhuselwayo zichazwe ngokweedola zaseMerika.

I-inshorensi yomonakalo kumntu obebhukishile neinshorensi yomonakalo kumntu Okwizinto Ezinokonwatyelwa Neenkonzo zibhatalelwa zezinye iinkampani zeinshorensi.

Ukuba ubuka iindwendwe kwiindawo, kwizinto ezinokonwatyelwa, okanye kwiinkonzo eUK, I-inshorensi yomonakalo kumntu obebhukishile neinshorensi yomonakalo kumntu Okwizinto Ezinokonwatyelwa Neenkonzo ibhatalelwa yiZurich Insurance Company Ltd., ibe ilungiselelwe yaza yenziwa yasebenza ngaphandle kokuba babhataliswe imali eyongezelelekileyo ababuki zindwendwe baseUK nguAirbnb UK Services Limited, ummeli omiselweyo weAon UK Limited, ogunyaziswe nolawulwa yiFinancial Conduct Authority. Inombolo yokubhalisa yeFCA ka-Aon ngu-310451. Ungayibona le nto ngokuya kwiFinancial Services Register okanye ngokuqhakamshelana neFCA ku-0800 111 6768. Iipolisi zomonakalo kumntu obebhukishile neepolisi zomonakalo kumntu Okwizinto Ezinokonwatyelwa Neenkonzo ezikwiAirCover Yababuki Zindwendwe zilawulwa yiFinancial Conduct Authority. Iimveliso neenkonzo ezishiyekileyo azizizo iimveliso ezilungiselelwe yiAirbnb UK Services Limited.

Ukuba ungumbuki zindwendwe kwiindawo zokuhlala, kwizinto ezinokonwatyelwa, okanye kwiinkonzo kwiEuropean Economic Area (EEA), i-inshorensi Yomonakalo Kumntu Obebhukishile Neyezinto Ezinokonwatyelwa neyeenkonzo ibhatalelwa yiZurich Insurance Europe AG, isebe laseSpeyini, ibe ilungiswe yaza yenziwa yasebenza ngaphandle kokuba babhataliswe imali eyongezelelekileyo ukuze kuncedakale ababuki zindwendwe abakwiEEA nguAirbnb Spain Insurance Agency S.L.U. (ASIASL), inkampani yeinshorensi ezimeleyo elawulwa yiDirectorate General for Insurance Pension and Funds (DGSFP) nebhaliswe eSpeyini enenombolo ethi AJ0364 kwiRegistry of the Insurance Distributors yeDGSFP. Ungaqinisekisa ukubhaliswa kwayo ngokuya kwiDGSFP Insurance Distributors Register, ibe ungafumana iinkcukacha ezipheleleyo zeASIASL apha.

I-Inshorensi yokukhuselwa kombuki zindwendwe kumonakalo ayiyoinshorensi ibe ayinanto yakwenza neInshorensi yomonakalo kumntu obebhukishile. Kwizinto ezinokubhukishwa ezikwiphondo laseWashington, izinto ezifuneka kuAirbnb phantsi Kweinshorensi yokukhuselwa kombuki zindwendwe kumonakalo zibhatalelwa yipolisi yeinshorensi ethengwe nguAirbnb. Kubabuki zindwendwe abahlala okanye abanendawo yokuhlala engaphandle kwaseOstreliya, kusebenza le Mimiselo Yeinshorensi Yokukhuselwa Kombuki Zindwendwe Kumonakalo. Kubabuki zindwendwe abahlala okanye abanendawo yokuhlala eseOstreliya, i-Inshorensi yokukhuselwa kombuki zindwendwe kumonakalo ixhomekeke Kwimimiselo Yeinshorensi Yokukhuselwa Kombuki Zindwendwe Kumonakalo Yabantu Abayisebenzisayo baseOstreliya.

Inkcazelo ekweli nqaku isenokuba itshintshile emva kokuba lipapashiwe.