Ukuqinisekisa ukuba indawo yakho icoceke kakhulu

Ukuba nendawo ecocekileyo yeyona nto ibalulekileyo ekubukeni iindwendwe ngendlela eyenza umntu afumane iinkwenkwezi ezintlanu. Njengenxalenye yemithetho Yababuki Zindwendwe, zonke iindawo ezifakwe kuAirbnb zimele zicoceke ibe zingabi nazingozi zempilo xa iindwendwe zibhalisela ukufika. Ababuki zindwendwe abanendlela yokucoca ecingisisiweyo baza kuphumelela.

Nokuba uwenza ngokwakho umsebenzi okanye uqesha umntu ococayo, kubalulekile ukuba indawo yakho icocwe kakuhle emva kokuphuma kondwendwe ngalunye, ngalo lonke ixesha.

Ukuba iindwendwe zifumana iinwele kwigumbi lokuhlambela okanye izitya ezimdaka esinkini, ukuhlala kwazo kuphazamisekile. Oku kunokuzenza ukuba zibhale ingxelo embi, okanye zihambe lingekapheli ixesha ebezilibhukishile.

Ukuba uqesha umntu ococayo, mbonise inkqubo yokucoca emva kokuba wena ngokwakho uye wayazi kakuhle into emele yenziwe. Qinisekisa ukuba ucwangcisa ixesha elaneleyo phakathi kokubhukisha ngakunye ukuze kucokisiswe. Fumana umntu wesibini ococayo okanye enye iplani ukuze xa kunokwenzeka ukuba umntu ococayo angakwazi ukufika ngalo mini.

Xa uceba indlela oza kuzenza ngayo izinto, khawuzame la macebo avela kwabanye Ababuki Zindwendwe:

• Susa yonke into esebhedini uza uqale ngokuhlamba iimpahla kuqala ukuze ube nexesha elaneleyo lokuzifaka ematshinini ukuba loo nto iyafuneka.
• Coca uze ususe uthuli kuyo yonke imigangatho, uze uhoye ngokukhethekileyo iindawo ezibanjwa kakhulu ezifana neerimowuthi neendawo zokuvula iminyango.
• Yondlula iibhedi, utshintshe iitawuli, ulungise iingubo zokuhombisa nemiqamelo, uze usebenzise ibhrashi yokususa uboya kuyo nantoni na eyidingayo.
• Vula iifestile xa ucoca ukuze kungene umoya ococekileyo ukuba imoyezulu iyayivumela loo nto.
• Tshayela uze ukorobhe ekugqibeleni ukuze ususe naluphi na uthuli okanye inkunkuma.

• Yonke imiphezulu isuswe uthuli kwaye icociwe.
• Yonke imigangatho itshayelwe ngomatshini wokutshayela okanye ngomtshayelo kwaye ihlanjiwe.
• Izinambuzane, izilwanyana zasekhaya, iintambo zezigcawu, umngundo nobumdaka bususiwe kuyo yonke indawo.
• Onke amashiti neetawuli zicocekile, zihlanjiwe ibe azinamabala.
• Zonke iibhedi zondluliwe, zalungiswa kakuhle zaza zasuswa uboya.
• Zonke iithoyilethi, iisinki, iishawari namathobhi acociwe zaza zabulawa iintsholongwane.
• Zonke ii-shampoo, iisepha zokuhlamba umzimba, iisepha zobuso okanye iisepha zezitya zigcwalisiwe.
• Zonke izinto zakho zobuqu zigcinwe kwindawo engabonakaliyo.
• Zonke iimbiza, izitya namacephe acociwe aze aqoqoshwa.
• Zonke izixhobo zasekhitshini, kuquka ifriji, isitovu, neoveni, zicociwe ibe zilungele ukusetyenziswa. Akukho mbeko efrijini.
• Yonke inkunkuma ilahliwe.
• Indawo inuka kamnandi futhi icocekile.