Hlola ixabiso lakho
Ixabiso elicetyiswa ngexesha Lokuqalisa KuAirbnb lisekelwe kwizinto ezifana nendawo ekuyo, izinto ezinokusetyenziswa, nokuba iindwendwe zizifuna kangakanani iindawo ezifana nayo. Ixabiso lakho lisoloko lilawulwa nguwe kwaye ungalitshintsha nanini na.
Ukuba ixabiso lendawo yakho lingaphezulu kwelezinye ezikufutshane, usenokuphoswa kukubhukishwa. Hlola ixabiso lakho ngoku uze ucinge ngokumane ulitshintsha qho ukuze ufikelele kwingeniso ozimisele ukuyifumana.
Ukuthelekisa izindlu ezifanayo ezikufuphi
Ukuqonda ukufunwa kwendawo ekuhlaleni kunokukunceda ubekele indawo yakho ixabiso elikhuphisana kakuhle namanye.
Yiya kwikhalenda yakho ukuze ubone umyinge wexabiso lezindlu ezifana neyakho ezikufuphi kwimephu. Ungakhetha ukubona iindawo ezibhukishiweyo okanye ezingabhukishwanga ngeentsuku ozikhethayo. Zizinto ezininzi ezigqibayo ukuba zeziphi izindlu ezifanayo, kuquka indawo indlu ekuyo, ubungakanani bayo, izinto ezikuyo, nezinto ezinokusetyenziswa.
UFelicity, ilungu Lequmrhu Labacebisi Lababuki Zindwendwe noyiSuperhost eNew South Wales, eOstreliya uthi,“Ukwazi ukuba kwenzeka ntoni kwingingqi yam kundenza ndilithembe ngakumbi ixabiso lam.” . “Ndiza kwazi ukuba ndinelona xabiso lifanelekileyo na ukuze ndingalitshintshi, okanye ndimele ndilithobe na ixabiso lam.”
Ukuqwalasela ezinye izinto
Xa uhlola ixabiso lakho, ungazilibali ezi zinto:
Izinto ezenzeka ngexesha lonyaka. Ungalitshintsha ixabiso lakho ukuze lihambelane nokuba zifunwa kangakanani iindawo. ULisa, iSuperhost yaseAccord, eNew York, uthi uligcina liphezulu ixabiso lakhe ehlotyeni kuba unepuli aze alehlise ebusika ukuze “ahlale ebhukishwa unyaka wonke.”
Ixabiso elipheleleyo elibhatalwa zindwendwe. Eli xabiso liquka imali yeenkonzo zakwa-Airbnb, irhafu, nazo naziphi na ezinye iimali ezongezelelekileyo, njengokucoca okanye imali yezilwanyana zasekhaya. Khetha naziphi na iintsuku kwikhalenda yakho ukuze ubone ukwahlulahlulwa kwexabiso, kuquka imali ebhatalwa zindwendwe.
Ixabiso lendawo yakho. Ukulungisa kunokunceda ekutsaleni iindwendwe ezingakumbi. UKatie Kay, ilungu leQumrhu Labacebisi Lababuki Zindwendwe noyiSuperhost eLake Arrowhead, eCalifornia uthi, “Ukuhombisa nezinto ezinokusetyenziswa yindlela entle yokunyusa amaxabiso nokubhukishwa kwakho.”
Indlela ephucukileyo yokubeka ixabiso ingakunceda utshintshe amaxabiso akho ngokuzenzekelayo. Esi sixhobo sisebenzisa izinto ezininzi ukuze simane sitshintsha ixabiso lakho ukuze lihambiselane nokuba zifunwa kangakanani iindawo. Ubeka umyinge wexabiso lakho, ibe ungayivula uze uyicime ngazo naziphi na iintsuku.
Ukufaka izaphulelo
Abanye Ababuki Zindwendwe babeka ixabiso eliphantsi lokuqalisa ngaphambi kokuba indlu yabo ibe nezimvo ezininzi ukuze batsale iindwendwe ukuba zibhukishe. Izaphulelo nazo zinokunceda ekutsaleni iindwendwe. Ezi zinto ziquka:
Isaphulelo esitsha esifumaneka kube kanye. Yehlisa ixabiso lakho losuku nge-20% xa kubhukishwa izihlandlo ezithathu zokuqala. Le nto inokukunceda ufumane izimvo ngokukhawuleza.
Isaphulelo sababhukishe kwangethuba. Ungakhetha ixesha iindwendwe ekufuneka zibhukishe ngalo, ukusuka kwinyanga enye ukuya kweziyi-24 ngaphambi kokubhalisa xa kufikwa.
Isaphulelo onokusikhupha xa sele kuza kungenwa. Gcwalisa izikhewu kwikhalenda yakho ngexesha elifutshane, ukususela kusasele usuku olunye ukuya kwiintsuku eziyi-28 ngaphambi kokubhalisa xa kufikwa.
Izaphulelo zeveki nezenyanga. Yehlisa ipesenti kuyo yonke imali yokubhukishela iintsuku ezisixhenxe okanye izingaphezulu nakweyeentsuku eziyi-28 okanye ngaphezulu.
UDaniel, ilungu leQumrhu Labacebisi Lababuki Zindwendwe noyiSuperhost eCanary Islands, eSpeyin uthi, “Ndifumana abantu ababhukisha ixesha elide ngokunikezela ngezaphulelo zeveki nezenyanga. . Ngokuqhelekileyo iindwendwe ziphela zibhukishela iveki, ibe iyavuyisa noko loo nto.”
Inkcazelo ekweli nqaku isenokuba itshintshile emva kokuba lipapashiwe.