Izixhobo namacebiso okukunceda ubeke ixabiso legumbi lakho

Ixabiso elifikelelekayo sesinye sezizathu eziphambili zokuba iindwendwe zibhukishe amagumbi kuAirbnb. Amagumbi angaphezu kwe-80% emhlabeni wonke ngo-2022 ebengaphantsi kwe$100 ngosuku, umyinge wexabiso uyi$67 ngosuku.*

Nguwe osoloko elawula ixabiso olibekayo. UAirbnb unezixhobo onokuzisebenzisa ukuze ubeke uze ulungise ixabiso lakho.

Ukuqonda umyinge wamaxabiso ezindlu ezifana neyakho kwingingqi yakho kunokuba yinto entle onokuqalela kuyo xa ucinga ngemali omele uyibize.

Yiya kwikhalenda yakho yokubuka iindwendwe ukuze uthelekise izindlu ezifanayo ezikufuphi. Khetha usuku okanye iintsuku, uze ucofe ixabiso lakho losuku. Ngezantsi kwazo, khetha indawo ethi Izinto ezinokubhukishwa ezifanayo ukuze uveze imephu ebonisa umyinge wamaxabiso ezinto ezinokubhukishwa ezifana neyakho. Ungaveza iindawo ezibhukishiweyo okanye ezingabhukishwanga ngezo ntsuku.

URichard, obuka iindwendwe kwigumbi elikufutshane nedolophu yaseToronto, ugqibe ekubeni aqale “ngexabiso elingaphantsi kancinci kunamanye” ukuze abe neendwendwe ngokukhawuleza. Uye waphumelela: Uthi iinyanga zakhe eziyi-3 zokuqala zaphantse zabhukishwa ngokupheleleyo.

URichard uthi,“Ixabiso lam lisesezantsi kancinci, kodwa ndiyazi ukuba ndifuna ukuya phi. Ndicinga ngokunyusa ixabiso lam kancinci kancinci ekuhambeni kwexesha.”

Ukwenza uphando oluncinci ngezinto ezithandwayo kuhambo kwingingqi yakho nako kunokukunceda ubeke ixabiso elikhuphisana kakuhle namanye lendawo yakho. Iindwendwe zempelaveki, abahambi beholide bamaxesha athile onyaka, abasebenzi bokwexeshana nezinye iintlobo zeendwendwe zisenokukuqonda ngendlela eyahlukileyo “ukufikeleleka”.

UReed, iSuperhost yasePhiladelphia, waye wajonga izinto ezenzeka ekuhlaleni xa wayeqala ukubeka ixabiso legumbi lakhe lokulala elinefenitshala elikumgangatho wesithathu. Ngenxa yokuba ehlala kufutshane neeyunivesithi nezibhedlele, wabeka ixabiso legumbi lakhe ecingela ibhajethi elinganiselweyo yabafundi nabafundi abasaqeqeshwayo. Uthi, “Siye samkela iqela labantu abenza uphando okanye abaqeqeshelwa ezonyango, ibe bebedinga indawo yokuhlala iiveki eziliqela.”

Ngokugcina ixabiso lakhe liphantsi nokwamkela abantu abafuna ukuhlala ixesha elide, uReed uthi ukwazile ukugcina ikhalenda yakhe igcwele aze abhatale ityala lakhe lendlu aligqibe ngaphambi kwexesha. Uthi, “Ndineentsuku ezingakumbi ezibhukishiweyo ngoxa zimbalwa izihlandlo iindwendwe zingena ziphuma.” “Ndisebenza ngendlela ecingisisiweyo kunokuba ndisebenze nzima.”

Iindwendwe ezinomdla wokuhlala ixesha elide zidla ngokukhangela iindawo ezinezaphulelo. UReed usebenzisa izaphulelo zeveki nezenyanga ukuze atsale iindwendwe ukuba zibhukishe. Uthi, “Abona bantu abaye bafika kwigumbi lethu bakhangela ubuncinane iiveki ezimbalwa.”

Ungazama izaphulelo ezingafaniyo ukuze zihambelane neemeko ezahlukahlukeneyo. Ezi zinto onokukhetha kuzo uza kuzifumana kwithebhu ethi Amaxabiso kwikhalenda yakho:

• Isaphulelo sento enokubhukishwa entsha esifumaneka kube kanye. Esi saphulelo sicutha i-20% kwixabiso lakho losuku xa kubhukishwa izihlandlo eziyi-3 zokuqala. Ukusifaka kunokukunceda ufumane izimvo zeendwendwe ngokukhawuleza uze uzenzele igama njengombuki zindwendwe.

• Isaphulelo sababhukishe kwangethuba. Esi saphulelo sisebenza kwiindawo ezibhukishwe kwangaphambili. Ungakhetha, ukusuka kwinyanga enye ukuya kweziyi-24 ngaphambi kokubhalisa xa kufikwa. Izaphulelo zababhukishe kwangethuba zinokunceda ekutsaleni iindwendwe eziceba kwangethuba.

• Isaphulelo onokusikhupha xa sele kuza kungenwa. Esi saphulelo sisebenza kwiindawo ezibhukishwe ngomzuzu wokugqibela. Ungakhetha ukuba lixesha elifutshane kangakanani, ukususela kusuku olunye ukuya kutsho kusasele usuku iintsuku eziyi-28 ngaphambi kokubhalisa xa kufikwa. Ababuki Zindwendwe begumbi badla ngokuba ngabahambi abahamba bodwa ababhetyebhetye ngakumbi kunezibini okanye iintsapho ukuze babhukishe kufutshane nomhla wohambo lwabo.

• Izaphulelo zekevi nezenyanga. Izaphulelo zeveki zisebenza kwiindawo ezibhukishwe iintsuku eziyi-7 okanye ezingaphezulu, ibe izaphulelo zenyanga zisebenza kwiindawo ezibhukishwe iintsuku eziyi-28 okanye ezingaphezulu. Ezi zaphulelo zinokukunceda ugcwalise ikhalenda yakho zibe mbalwa nezihlandlo kusibakho iindwendwe ezingenayo neziphumayo.

Qinisekisa ukuba useta ezona ntsuku zimbalwa nezona zininzi zinokuhlalwa ezihambisana nemithetho nemimiselo yasekuhlaleni. Xa sele uyenzile loo nto, unokutshintsha ezona ntsuku zakho zininzi ezinokuhlalwa ubuncinane zibe zintsuku ezininzi kangangexesha elinokuhlalwa ongathanda ukufaka ngazo isaphulelo.

*Ixabiso losuku eliquka iimali ezimele zibhatalwe nerhafu ukususela nge-1 kaJanuwari ukuya nge-31 kaDisemba 2022

Inkcazelo ekweli nqaku isenokuba itshintshile emva kokuba lipapashiwe.