Nxibelelana ngokuphumelelayo
Ukunxibelelana kakuhle neendwendwe kunokunceda ekwenzeni ukuhlala kamnandi kube yinto emnandi kakhulu. Sebenzisa izinto zika-Airbnb zokuthumela imiyalezo ukuze wabelane ngeenkcukacha nezikhumbuzo ezibalulekileyo, uphendule imibuzo ngokukhawuleza, uze wamkele abantu ngokufudumeleyo.
Ukuqala ngezinto ezisiseko
Indlela oyithumela ngayo inkcazelo inceda ukubonisa ukuba kuza kubanjani ukuhlala kwakho. Yenza konke okusemandleni akho ukuze:
Ufumaneke. Vula imiyalezo ukuze ufumane uze uphendule imiyalezo yeendwendwe ngokukhawuleza. UAnnette, umbuki zindwendwe eSan Francisco, uthi kwaneengxaki ezincinci, uye acele iindwendwe athi “qhakamshelana nathi ngoko nangoko ibe siza kuyihoya.”
Sukufihla nto. Chaza ngokuchanileyo into emele ilindelwe ziindwendwe. UDaniel, umbuki zindwendwe waseSan Francisco uthi “Into oyichazela iindwendwe zakho ukuba ziza kuyifumana nento eziyifumanayo xa zifika kufuneka ihambelane.”
Khululeka. Zibuze iindwendwe ukuba ungazinceda njani zizive zisekhaya ibe zamkelekile. USadie, umbuki zindwendwe waseSanta Fe, eNew Mexico uthi: “Ziza kubakho izinto esingazilindelanga.”
Khathala. Indlela osabela ngayo kwingxaki inokwenza ungalibaleki. UFelicity, oyiSuperhost eNew South Wales, eOstreliya uthi, “Ungajika imeko enzima ibe kokunye ukubhukisha ukuba uyisingatha kakuhle ngokuba novelwano nokukhawuleza uyilungise.”
Ukuthumela imiyalezo ngamaxesha abalulekileyo
Cinga kwangaphambili ngezinto ekufuneka iindwendwe zizazi njengoko ziceba kwaye zisendleleni ukuze unciphise imibuzo. Cinga ngokuthumela imiyalezo ngamaxesha abalulekileyo afana nala:
Umbuzo okanye isicelo sokubhukisha. Ukuba nomlinganiselo wokuphendula omhle yenye yezinto eziliqela ezinokunceda into enokubhukishwa yakho ivele phezulwana xa iindwendwe zikhangela indawo kuAirbnb.
Isiqinisekiso sokubhukisha. Thumela umyalezo othi “enkosi ngokubhukisha” ukuze wakhe ubuhlobo uze uchazele iindwendwe ukuba uyafumaneka ukuze uphendule imibuzo.
Xa kufikwa. Khumbuza iindwendwe kusuku okanye kwiintsuku ezimbini ngaphambi kokuba zibhalise xa zifika ukuba zinokufumana iinkcukacha nemiyalelo yendlela yokuya kwindawo kwithebhu yazo ethi Uhambo, uze uchaze nayiphi na imiyalelo ebalulekileyo ngendlela yokungena ngaphakathi.
Xa kuhleliwe. Buza iindwendwe emva nje kokuba zifikile ukuba zinayo yonke na into eziyidingayo ukuze zihlale kamnandi. Ungacebisa ngeevenkile zakho zasekuhlaleni ozithandayo, iivenkile zokutyela nezinto zokwenza.
- Xa kuhanjwa. Thumela umyalezo kungekudala emva kwexesha lokuphuma ozibulelayo iindwendwe uze uzicele ukuba zibhale uluvo. Bhala uluvo ngeendwendwe ngokukhawuleza kangangoko unako.
Ukwenza imiyalezo yakho ezenzekelayo
Ungasebenzisa iimpendulo ezikhawulezayo ezikwithebhu Yemiyalezo ukuze uphendule ngokukhawuleza okanye uzicwangcisele ukuba zithunyelwe ngokuzenzekelayo ngelinye ixesha.
Impendulo ekhawulezayo ngumyalezo omfutshane, obhalwe kwangaphambili ogcinwa njengethempleyithi kwiisetingi zemiyalezo yakho. Izinto ezibasendaweni yendawo yokufaka into ethile ukuze ufumane iinkcukacha, njengegama londwendwe, zenza umyalezo ngamnye ube yile ndlela owufuna ngayo ngokuthatha inkcazelo kwinto enokubhukishwa yakho okanye kwinto ebhukishiweyo.
Ungazenzela iimpendulo ezikhawulezayo okanye ulungise iithempleyithi zika-Airbnb. Ngokomzekelo, ukuba udla ngokuphendula imibuzo efanayo ngaphambi kokuba iindwendwe zibhukishe, khawuzame ukugcina impendulo yakho eqhelekileyo njengempendulo ekhawulezayo.
Inkcazelo ekweli nqaku isenokuba itshintshile emva kokuba lipapashiwe.