Indlela yokwamkela iindwendwe zakho zokuqala zakwa-Airbnb

Usenokuba nemibuzo ngendlela yokulungiselela iindwendwe zakho zokuqala. Nanga amacebiso ambalwa okwenza iindwendwe zonwabe.

Yenza inkqubo elula nenokuthenjwa. Faka indlela eya kwindawo yakho, indlela yokubhalisa xa kufikwa, nemiyalelo yokubhalisa xa kufikwa yenyathelo ngalinye kwisikhokelo sokufika sendlu yakho. Iindwendwe ezininzi zikhetha ukuzingenela, nto leyo ezenza zikwazi ukungena wena ungekho.

Iindwendwe zinokufumana imiyalelo yakho yokubhalisa xa kufikwa kwiinkcukacha zazo zohambo kwiiyure eziyi-48 ngaphambi kwexesha ekulindelwe ukuba zifike ngalo, okanye kwiiyure eziyi-24 ngaphambi kukuba zifike ukuba unepolisi yokurhoxa ebhetyebhetye.

Undwendwe ngalunye lwahlukile, kodwa ezininzi zilindele ukuba zikwazi ukusebenzisa izinto ezithile nokufumana inkcazelo ethile. Yenza ezi zinto ukuze kuhlaleke kamnandi.

• Faka izinto ezisisiseko. Ezi zinto ziquka iitawuli, izinto zebhedi, imiqamelo, isepha nephepha langasese.

• Zenze ufumaneke. Cwangcisa indlela oza kuzilungisa ngayo iingxaki ngokukhawuleza, uze ukhumbuze iindwendwe ukuba zingaqhakamshelana nawe ukuba kukho nantoni na evelayo.

• Faka incwadi ezixelela ngendlu. Faka inkcazelo ebalulekileyo, njengokuba kungenwa njani kwi-intanethi nendlela yokusebenzisa izixhobo zasendlini. Beka eprintiweyo apho iindwendwe zinokuyifumana khona ngokulula.

• Faka incwadi ebonisa iindawo. Cebisa ngezinto zasekuhlaleni, kuquka iindawo zokutyela, zokuthenga, zokubuka iindawo nezinto ezinokonwatyelwa ngaphandle.

Qho uqhakamshelana neendwendwe, elo lithuba lokuchaza izinto ozilindeleyo nokubonisa ukuba uzikhathalele izinto ezizidingayo.

• Yenza indawo eyenza iindwendwe zizive zamkelekile. Beka phambili izinto ezibonisa ukuba awukhethi ukuze uncede zonke iindwendwe zizive zikhululekile kwindawo yakho. Qala ngokubuza nje iindwendwe ukuba yintoni enokuzinceda zizive zisekhaya.

• Qonda. Zama ukujonga yonke imeko ngeliso londwendwe.

• Phendula ngokukhawuleza. Ukuba nomlinganiselo wokuphendula omhle kunceda indlu yakho ivele phezulwana xa iindwendwe zikhangela indawo kwa-Airbnb. Sebenzisa i-app ukuze uqhakamshelane ngokukhawuleza, uze usete imiyalezo enexesha lokuthunyelwa ukuze unikezele ngenkcazelo eluncedo ngamaxesha abalulekileyo, njengokubhalisa xa kufikwa.

Nantsi imiyalezo embalwa onokucinga ngokuyisetela amaxesha okuyithumela ngamaxesha athile. Le mizekelo isebenzisa iikhowudi ezimfutshane, izizinto eziba sendaweni yendawo yokufaka into ethile ezigcwalisa ngokuzenzekelayo iinkcukacha zokubhukisha, zendlu nezondwendwe. Zifake kwimenyu enoludwe olwehlayo, kuba azizukusebenza ukuba uzibhala ngokwakho.

Iindwendwe zilindele ukufumana indawo ecocekileyo xa zifika. Yiba nendlela ozenza ngayo izinto equka ukucoca yonke indawo, imigangatho namalaphu.

• Khangela amabala, ubumdaka neenwele. Iindawo eziqhele ukungahoywa ziquka ngaphantsi kwebhedi, ngaphakathi ezidroweni nezinto ezogquma iifestile.

• Khetha amavumba aqhelekileyo. Nawaphi na amavumba atsho ngamandla angangathandwa zindwendwe. Vula iifestile xa ucoca uze usebenzise izinto zokubulala iintsholongwane ezingatsho ngamandla nezinokusetyenziselwa izinto ezininzi.  

• Susa okanye pakisha izinto zakho. Le nto inokuyinceda indawo yakho ibonakale intle ngakumbi kwaye ingabixhakalala kangako.

Wena neendwendwe zakho nineentsuku eziyi-14 zokubhalelana uluvo emva kwexesha lokuphuma. Izimvo ziyafihlwa de wena nondwendwe olubhukishileyo nibhale uluvo okanye de iintsuku eziyi-14 zokubhala uluvo ziphele. Iindwendwe zinako nokubeka imilinganiselo yeenkwenkwezi zibonise indlela ebezihleli ngayo nakwiindidi ezingaphantsi kweziyintloko ezintandathu: ucoceko, ukuchana, ukubhalisa xa kufikwa, ukunxibelelana, indawo ekuyo nexabiso.

Izimvo zakho zokuqala zibaluleke kakhulu. Umlinganiselo wakho opheleleyo uza kuvela kwindlu yakho emva kokuba ushiyelwe izimvo ezintathu ibe loo nto isenokuchaphazela indawo evela kuyo xa kukhangelwa indawo. Cinga ngokucwangcisa umyalezo ngosuku lokuphuma ucele iindwendwe ukuba zichaze ukuba bezihleli njani.

Thetha inyani uze ube nentlonipho xa ubhala izimvo, uze usebenzise imilinganiselo efanayo xa ubhalela uluvo undwendwe ngalunye. Inkqubo yokushiya uluvo yenza iindwendwe Nababuki Zindwendwe bathembane.

Inkcazelo ekweli nqaku isenokuba itshintshile emva kokuba lipapashiwe.