Miselani ukusebenzisa kwenu
Njengoko ufumana izicelo Kwinethiwekhi Yababuki Zindwendwe Abancedisayo, cinga ngento ongathanda ukuyiquka kwiincoko zakho zokuqala nombuki zindwendwe. Ukuchaza izinto ezinokulindelwa kwangethuba kunceda ugqibe ekubeni usebenze kunye na ibe kubeka isiseko esihle sokusebenzisana kakuhle.
Ukwenza izinto ezibalulekileyo
Qala ngokumazi umbuki zindwendwe nendawo yakhe. Ningancokola ngezi zinto:
- Izinto ezidingwa ngumbuki zindwendwe nendlela onokunceda ngayo
- Imali oyibizayo nendlela ofuna ukubhatalwa ngayo
- Imali umbuki zindwendwe alindele ukuyenza
- Indlela ongathanda ukuqhakamshelana ngayo
Qinisekisa ukuba indlela ozenza ngayo izinto iyahambelana neyombuki zindwendwe. Ngokomzekelo, uJohn, umbuki zindwendwe oncedisayo eScottsdale, eArizona, uthumelela abantu anokusebenzisana nabo uludwe lwezinto ekufuneka ube uyazenza kwigumbi ngalinye kwifenitshala, kwizinto zebhedi nezinto ezisetyenziswayo.
Ukunxibelelana neendwendwe
Ukunxibelelana kwangethuba nangokucacileyo neendwendwe nabanye abantu yinto ebalulekileyo xa nisebenzisana. Xoxani ukuba iza kuba ngumsebenzi kabani ukwenza ezi zinto:
- Ukuphendula izicelo zokubhukisha xa into enokubhukishwa ingamsebenzisi Uvel' Ubhukishe
- Ukuthumela imiyalezo usuku nosuku, kuquka ukuphendula imibuzo nokunceda iindwendwe
- Ukulawula abantu abacocayo, abalungisa izinto, nabanye ababuki zindwendwe abancedisayo
- Ukuthumela izicelo zokubuyiselwa imali
- Ukuqhakamshelana noAirbnb Support ukuze ucele ukuncedwa
Ukuhambela phambili
Emva kokuba ningqibe ukusebenzisana kunye, cinga ngokubhala iinkcukacha zendlela eniza kusebenzisana ngayo kwisivumelwano esisemthethweni.
Umbuki zindwendwe angakumema ukuba ube ngumbuki zindwendwe oncedisayo kwinto enokubhukishwa aze asete iimvume zakho, ukuze ukwazi ukusebenzisana kwa-Airbnb. Uza kufumana isimemo ngeimeyile okanye ngomyalezo. Uneentsuku eziyi-14 zokwamkela okanye zokungasamkeli.
Emva kokuba usamkele isimemo, umbuki zindwendwe angakhetha ukwahlulelana nawe ngenxalenye yemali ayibhatalwayo ngokubhukisha ngakunye ngoAirbnb.* La manqaku Eziko Loncedo acacisa izixhobo neemvume zokuncedisa ekubukeni iindwendwe:
*Kukho imiqathango ethile esebenzayo, kuxhomekeka kwindawo yombuki zindwendwe, yombuki zindwendwe oncedisayo, nento enokubhukishwa.
Inethiwekhi Yababuki Zindwendwe Abancedisayo ngoku ifumaneka eOstreliya, eFransi, eJamani, eItali, eJapan, eMexico, ePuerto Rico, eMzantsi Korea, eSpeyini, naseUnited Kingdom (ixhaswa nguAirbnb Global Services); eKhanada, eMerika (ixhaswa nguAirbnb Living LLC); naseBrazil (ixhaswa nguAirbnb Plataforma Digital Ltda).
Nawuphi na umbuki zindwendwe oncedisayo onemvume epheleleyo angaqalisa, alawule, okanye ahoye izicelo zezinto ezonakeleyo okanye ezilahlekileyo Kwiziko Lezemali okanye izicelo zokubuyiselwa imali phantsi kweinshorensi yokukhuselwa kombuki zindwendwe kumonakalo egameni lababuki zindwendwe.
Ukukhuselwa kombuki zindwendwe kumonakalo ayopolisi yeinshorensi. Ayibakhuseli ababuki zindwendwe abaneendawo zokuhlala eJapan, apho kusebenza i-Inshorensi Yababuki Zindwendwe baseJapan. Ukhumbule ukuba zonke iimali zezinto ezikhuselwayo zichazwe ngokweedola zaseMerika.
Kwizinto ezinokubhukishwa eziseWashington state, izinto ezifuneka kuAirbnb phantsi kweinshorensi yokukhuselwa kombuki zindwendwe kumonakalo zibhatalelwa yipolisi yeinshorensi ethengwe nguAirbnb.
I-Inshorensi Yomonakalo Yombuki Zindwendwe inemimiselo, imiqathango nezinto ezilinganiselweyo ngaphandle kwakubabuki zindwendwe abahlala okanye abanendawo yokuhlala eseOstreliya. Kubabuki zindwendwe abanjalo, i-inshorensi yokukhuselwa kombuki zindwendwe kumonakalo ixhomekeke kule mimiselo, imiqathango nezinto ezilinganiselweyo.
Inkcazelo ekweli nqaku isenokuba itshintshile emva kokuba lipapashiwe.