Indlela oza kubhatalwa ngayo ngokubuka iindwendwe

UAirbnb wenza kube lula ukufumana imali oyibhatalwayo, esiyibiza ngokuba kukubhatalwa, ngamanyathelo nje ambalwa.

Uyazikhethela indlela ongathanda ukuyifumana ngayo imali oyenza ngokubuka iindwendwe. Iindlela onokukhetha kuzo zixhomekeka kwindawo okuyo. Iindlela zokubhatalwa ziquka:

• Iakhawunti yebhanki
• Indlela Efika Kwangoko
• Ukuthunyelwa kwemali ngebhanki kwamanye amazwe
• Amakhadi eMastercard ekufakwa imali kuwo kwaPayoneer
• U-PayPal
• I-Western Union

Ukuze usete ukubhatalwa, faka indlela yokubhatalwa phantsi kwendawo ethi Ukubhatalwa yencandelo elithi Ukubhatala kwiisetingi zeakhawunti yakho yokubuka iindwendwe. Kuza kusetyenziswa indlela oyikhethayo kuzo zonke iimali oza kuzibhatalwa de uyitshintshe.

Kusenokufuneka ufake inkcazelo yakho yerhafu ukuze sikwazi ukukuthumelela amaxwebhu erhafu achanileyo. Awuqinisekanga ukuba le nto iyasebenza kuwe? Funda okungakumbi ngamaxwebhu erhafu avela kwa-Airbnb.

Ngoxa indlela yakho yokubhatalwa isaqinisekiswa, iza kubonakala isalindile. Inkqubo yokuqinisekisa inokuthatha ukuya kutsho kwiintsuku eziyi-10—ngaphandle kokuba ukhetha indlela Efika Kwangoko, eqinisekiswa ngoko nangoko.

Khetha nantoni na ebhukishiweyo kwikhalenda yakho ukuze ubone ingeniso yakho yelo xesha lihleliweyo. Yihla uye ngezantsi kweenkcukacha zokubhukisha ukuze ubone uludwe olwenzelwe wena oluquka ezi zinto:

• Ixabiso lakho losuku lendawo yokuhlala yondwendwe
• Nayiphi na imali onganyanzelekanga ukuba uyibize yokucoca, yezilwanyana zasekhaya, okanye yeendwendwe ezongezelelekileyo
• Iirhafu zokuhlala
• Iimali ezibhatalelwa ukusebenzisa uAirbnb
• Imali ebhatalwa umbuki zindwendwe oncedisayo, ukuba ukhona omfakileyo
• Iyonke imali oza kuyibhatalwa

Imali oyibhatalela ukusebenzisa uAirbnb inceda uAirbnb abhatalele iindleko zeemveliso neenkonzo ezikunceda ukwazi ukunikezela ngendawo yakho kwabanye abantu, njengokuncedwa kwabathengi imini nobusuku. Funda ngakumbi ngemali ebhatalelwa ukusebenzisa uAirbnb.

Ukuba imali oyibhatelweyo ingaphantsi kunaleyo ubuyilindele, kusenokuba kungenxa yezaphulelo ozifakileyo okanye ngenxa yokurhoxiswa kokubhukisha okanye ukutshintshwa kwakho. Kusenokutsalwa iimali zokusebenzisa ibhanki kwiindlela ezithile zokubhatalwa, nangona ezininzi zifumaneka ngaphandle kweendleko ezongezelelekileyo.

Imali oyenzayo ngokubuka iindwendwe idla ngokukhutshwa lungekapheli usuku olunye lokushishina emva kokubhalisa xa kufikwa. Kwiimeko ezithile, imali ikhutshwa kusuku olunye lokushishina emva kwexesha lokuphuma, kuquka ukuba:

• Umbuki zindwendwe omtsha akakayiqinisekisi into enokubhukishwa
• Umbuki zindwendwe waphula imimiselo, iipolisi, okanye imigangatho yethu
• UAirbnb ukholelwa ukuba kusengqiqweni ukukhusela uAirbnb, amalungu akhe, okanye ezinye iinkampani asebenzisana nazo

Yiya kwideshibhodi yakho yengeniso ukuze ubone ixesha oza kubhatalwa ngalo into ebhukishiweyo. Ixesha elithathwayo ukuze ufumane imali oyibhatalwayo emva kokuba ikhululwe nguAirbnb lixhomekeke kwindlela yokubhatalwa oyikhethileyo.

Iindlela zokubhatalwa ezifumanekayo namaxesha aqhelekileyo okufika kwemali aquka:

• Indlela Efika Kwangoko: imizuzu eyi-30 okanye ngaphantsi
• Iprepaid debit Mastercard kaPayoneer: iiyure eziyi-24 okanye ngaphantsi
• U-PayPal: usuku olunye lokushishina
• I-Western Union: usuku olu-1 lokushishina (lungahluka ngokwelizwe okanye ngokwengingqi)
• Imali efakwa kwibhanki yakho: iintsuku zokushishina eziyi-3 ukuya kweziyi-5
• Imali efakwa kwibhanki yamanye amazwe: iintsuku zokushishina eziyi-3 ukuya kweziyi-7

Xa ubuka iindwendwe eziza kuhlala iintsuku eziyi-28 okanye ezingaphezulu, uAirbnb uthumela imali omele uyibhatalwe kanye ngenyanga, eqalisa lungekapheli usuku olunye lokushishina emva kokubhalisa xa kufikwa. Kwezinye iimeko, kuquka xa umbuki zindwendwe omtsha engakayiqinisekisi into enokubhukishwa, isavenge sokuqala sikhutshwa kwiintsuku eziyi-28 emva kokubhalisa xa kufikwa.

Funda okungakumbi ngokubhatalwa. Ungayibona imeko yokubhatalwa kwakho kwideshibhodi yengeniso nanini na.