Iimvume Ezintsha Zomntu Okuncedisayo nokubhatalwa lula

Umyalezo womhleli: Eli nqaku lapapashwa njengenxalenye Yezintsha NgoMeyi ZeAirbnb 2023. Inkcazelo isenokuba itshintshile emva kokuba lipapashiwe. Funda okungakumbi ngemveliso yethu yakutshanje.

Ukuba Nombuki Zindwendwe Oncedisayo kunokwenza ukwamkela iindwendwe kungachithi xesha lakho elininzi uze ukonwabele ngakumbi. Angaba ngummelwane, lilungu lentsapho, umhlobo, okanye umntu omqeshileyo. Abantu Abakuncedisayo banokukunceda ulawule ikhalenda yakho, ulungise indlu yakho uze uphendule iindwendwe.

Usichazele ukuba ufuna ukukwazi ukugqiba ukuba zeziphi iimvume Ababuki Zindwendwe Abancedisayo abanokuba nazo kwindlu yakho uze wahlulelane ngemali oyibhatalwayo xa ubhukishwa, ngokuthe ngqo kuAirbnb. Sihlaziya izixhobo zethu Zababuki Zindwendwe Abancedisayo ukuze kube lula ngakumbi ukubuka iindwendwe.

Ithebhu entsha ethi Ababuki Zindwendwe Abancedisayo ingasekunene kwiphepha Lendlu neleesetingi Zokubhukisha zendlu yakho efowunini. Indawo ekuyo xa ijongwa ekhompyutheni ayitshintshwanga.

Kule thebhu, fumana inkcazelo Ngababuki Zindwendwe Abancedisayo, usete iimvume zabo, uze ubeke imali othi mabayifumane. Unokukwazi nokumema Ababuki Zindwendwe Abancedisayo. Ukuze bamkele isimemo sakho, kufuneka bavule iakhawunti ka-Airbnb.

Xa umema Umbuki Zindwendwe Oncedisayo, uza kucelwa ukuba ukhethe ukuba yintoni anokukwazi ukuyenza ukuze akuncede ulawule indlu yakho. Izinto onokukhetha kuzo ziquka:

• Ukufumana zonke iimvume, ukulawula ikhalenda nendlu, ukususa nokubeka iimvume zabanye Ababuki Zindwendwe Abancedisayo, ukuthumela imiyalezo kwiindwendwe, nokujonga imali oyibhatalwayo nengxelo yemali engenileyo nephumileyo
• Ukungena kwikhalenda nakwimiyalezo, ukulawula ikhalenda nokuthumelela iindwendwe imiyalezo
• Ukungena kwikhalenda, ukujonga ikhalenda uze ufumane inkcazelo yokubhalisa xa kufikwa neyokuphuma

Bonke Ababuki Zindwendwe Abancedisayo baza kuvela Njengababuki Zindwendwe Abancedisayo kwindlu yakho, ngaphandle kwabo bakwazi ukungena kwikhalenda kuphela. Ababuki Zindwendwe abancedisayo abanazo zonke iimvume banokuzibeka njengababuki Zindwendwe abaphambili kwindlu, okanye ungakhetha ukubabeka ngokwakho.

Nabaphi na Ababuki Zindwendwe Abancedisayo abakhoyo baza kuba nazo zonke iimvume kwindlu yakho. Ungatshintsha iimvume Zababuki Zindwendwe Abancedisayo nanini na.

Ungakhetha ukwahlulelana ngepesenti ethile yengeniso yakho okanye ngemali eqingqiweyo ngokubhukisha ngakunye. Emva kokuba ufake imali omele uyibhatalwe oza kwahlulelana ngayo aze noMbuki Zindwendwe Oncedisayo aqinisekise, uza kubhatalwa imali yokubhukisha emva kokuba iindwendwe zingenile. Kwezinye iindawo kusebenza imiqathango yokwahlulelana ngemali oyibhatalwayo. Fumana inkcazelo engakumbi

Ezi zixhobo zisetyenziswa Ngababuki Zindwendwe Abancedisayo ziyinxalenye Yezinto Ezintsha KuMeyi 2023 zakwa-Airbnb, ezinezinto eziyi-25 eziphuculiweyo Zababuki Zindwendwe. Khetha Ukuyifumana Kuqala ukuze uqalise ukusebenzisa ezi zixhobo zitsha namhlanje.