Ayintoni Amagumbi?

Indawo yakho eyongezelelekileyo inokuba yindlela yokwenza imali neyokudibana nabantu. Ukuba unegumbi lokulala elingasetyenziswayo, ungafaka indlu uze wamkele iindwendwe kwikhaya yakho.

UEric, iSuperhost yaseLos Angeles uthi, “Kwenza ube nento oyifumanayo, ingeyomali nje kuphela. Iindwendwe ziza eCalifornia ukuze zizonwabise ngendlela ezithanda ngayo, kodwa nathi siyakuthanda ukubuka iindwendwe, kuba asazi ukuba ngubani oza kufika. Sitsho sifunde into eninzi ngeendawo ezisemhlabeni wonke.”

Amagumbi athandwa emhlabeni wonke, ibe akwindawo yesithathu kuzo zonke iintlobo zeendawo zokuhlala kuAirbnb.* Iindwendwe zinokufumana zize zibhukishe Amagumbi ngokukhangela Kwiindidi zika-Airbnb okanye ngokukhetha Amagumbi kwisihluzi sokukhangela.

Nantsi into ekufuneka uyazi ukuze uqalise ukubuka iindwendwe Kwigumbi.

Kwigumbi, undwendwe lufumana igumbi lokulala lalo lodwa kwindawo Yombuki Zindwendwe, luze lukwazi ukungena kwiindawo ezisetyenziswa nangabanye abantu.

Ukuze indlu ifaneleke njengeGumbi, kufuneka ifikelele zonke ezi zinto zifunekayo:

• Undwendwe lunegumbi lalo lokulala elinomnyango.

• Undwendwe lunokusebenzisa igumbi lokuhlambela elikwigumbi lalo lokulala okanye elisetyenziswa nangabanye abantu.

• Undwendwe lunokusebenzisa ubuncinane indawo enye esetyenziswa nangabanye abantu, njengekhitshi, igumbi lokuhlala, okanye iyadi engasemva.

• Ababuki zindwendwe basebenzisa igama labo kwindlu yabo, kunokuba basebenzise igama leshishini okanye elinye igama.

• “Igumbi” likhethwe njengendlu okanye uhlobo lwegumbi kwiisetingi zendlu Zombuki Zindwendwe.

• Igumbi lokulala asililo igumbi ekulala abantu abaninzi kulo, ihotele, i-resort, intente, ikharaveni, indlu ezimeleyo (njengendlu enevaranda engasemva eyadini), okanye naluphi na olunye uhlobo lwendlu ekolu ludwe.

Ukuba indlu yakho ayizifikeleli ezi zinto zifunekayo, khetha olunye uhlobo lwendawo xa ufaka indlu yakho.

Amagumbi angasetyenziswayo anokwenza okungakumbi kunokuqokelela nje uthuli okanye ukugcina izinto ezongezelelekileyo. Izinto ekunceda ngazo ukwenza elo gumbi lokulala libe liGumbi ziquka:

• Ukwenza imali. Ngo-2022, Ababuki Zindwendwe Bamagumbi benze ngaphezu kwe$2.9 yeebhiliyoni zeedola zaseMerika emhlabeni wonke, ibe umyinge wengeniso wonyuke ngaphezu kwe-20% ukususela ngo-2021.**

• Ukwenza ubuhlobo nabantu. Ukuhlala nabanye abantu kwindawo yakho, ukubaxelela ngezinto ozithandayo, ngenkcubeko nenkcazelo yasekuhlaleni kunokukhokelela ekwakheni ubuhlobo nabahambi.

• Ukusebenzisa indawo osele unayo. Igumbi lakho elingasetyenziswayo linokunika iindwendwe indawo yokuhlala etofotofo, ngaphandle kokubhatala imali eninzi yokuqalisa ukubuka iindwendwe kwindlu yonke.

URuth, Umbuki Zindwendwe wasePerth, eOstreliya uthi: “Ndinendlu enkulu ibe ndihlala ndedwa, ibe ndikwindawo entle nemeko entle yokwamkela iindwendwe. Khange kufuneke ndisebenzise imali eninzi ukuze ndithenge iibhedi, ndilungise amagumbi, ndihambise ifenitshala okanye nantoni na enjalo.”

Cofa eli qhosha lingezantsi ukuze ufake indlu entsha Eligumbi okanye ugqibezele enye osele uyiqalile.

*Ngokusekelwe kwinkcazelo ka-Airbnb yasemhlabeni wonke eqokelelwe phakathi kukaMeyi 2022 noMatshi 2023

**Umyinge wengeniso yawo onke Amagumbi Ababuki Zindwendwe emhlabeni wonke

Inkcazelo ekweli nqaku isenokuba itshintshile emva kokuba lipapashiwe.