Ukuqonda Ezithandwa Zindwendwe

UAirbnb unezinto ezinokubhukishwa ezingaphezu kwezigidi eziyi-8 emhlabeni wonke. Indawo nganye yahlukile, kwaye oko kwahluka kuko okwenza uAirbnb ahluke.

Enye yeendlela eziphambili zokufumana indawo entle yokuhlala kukwazi ukuba ngawaphi amakhaya athandwa kakhulu zindwendwe. Yiloo nto senze Ezithandwa Zindwendwe.

Ezithandwa Zindwendwe zezona ndawo zithandwayo kuAirbnb, ngokutsho kweendwendwe. Zisekelwe kwimilinganiselo, kwizimvo, nakwinkcazelo enokuthenjwa ethathwe kwiinkcukacha zezihlandlo zokuhamba ezingaphezu kwehafu yebhiliyoni. Ezithandwa Zindwendwe zilungiswa yonke imihla, ngoko ukuba into yakho enokubhukishwa ayifakwanga ngoku, isenokufakwa kungekudala.

Kukho izinto ezahlukahlukeneyo ezinceda ekuphawulweni Ezithandwa Zindwendwe, ezifana nezi zinto:

• Okungenani izimvo eziyi-5 ezivela kwiindwendwe kule minyaka eyi-4 idlulileyo, kuquka uluvo oluyi-1 kule minyaka eyi-2 idlulileyo
• Umlinganiselo weenkwenkwezi, ingxelo kwizimvo zeendwendwe, nonxibelelwano phakathi kweendwendwe nababuki zindwendwe kwiwebhusayithi
• Imilinganiselo ephakamileyo yokubhalisa xa kufikwa, yococeko, yokuchana, yokunxibelelana, yendawo ekuyo nexabiso
• Ingxelo entle yokuthembeka, efana nokurhoxisa kombuki zindwendwe neengxaki zenkonzo zabathengi ezinento yokwenza nomgangatho ezingaphantsi komyinge we-1%

Ukuba unento enokubhukishwa engaphezu kwenye, nganye kuzo ayizukudityaniswa nezinye xa kusenziwa isigqibo sokuba iyakufaneleka na ukuba ifakwe ibheji ethi Ethandwa Zindwendwe.

Ezithandwa Zindwendwe ziyafumaneka emhlabeni wonke, kwaye kulula ukuzifumana kuAirbnb.

Iindawo Ezithandwa Zindwendwe zinebheji kwiziphumo zokukhangela nakwiphepha lento enokubhukishwa. Isihluzi sivumela abahambi ukuba bakhangele Ezithandwa Zindwendwe.

IiSuperhost ngababuki zindwendwe abasebenza kakuhle abaziwa ngokubuka iindwendwe ngendlela esemagqabini. Indlela eziqhuba ngayo iiSuperhost ihlolwa qho emva kweenyanga ezintathu ngokusekelwe kwezi zinto zifunekayo. Ababuki zindwendwe abazifikelelayo izinto ezifunekayo bafumana ibheji yeSuperhost eboniswa kwinto enokubhukishwa nakwiprofayile yabo.

Ukuba uyiSuperhost enento enokubhukishwa equkwe Kwezithandwa Zindwendwe, zombini ziza kugqanyiswa kwiphepha lento enokubhukishwa yakho, ibe into enokubhukishwa yakho iza kuba nebheji Yezithandwa Zindwendwe kwiziphumo zokukhangela. Ukuba uyiSuperhost enento enokubhukishwa engakufanelekiyo ukuba Kwezithandwa Zindwendwe okwangoku, useza kuba nebheji yeSuperhost.

Inkcazelo ekweli nqaku isenokuba itshintshile emva kokuba lipapashiwe.