Ukwenza izinga lokufunwa kwendawo eliphakamileyo libe yingeniso ephezulu

Iiholide, amatheko amakhulu neemeko zemozulu ezintle zinokonyusa umdla kwindlu yakho. Izixhobo zokubuka iindwendwe zakwa-Airbnb zikunceda ulisebenzise kakuhle eli xesha lokufunwa kakhulu kwendawo. Cinga ngala macebiso okonyusa ingeniso yakho.

Enye indlela yokulungiselela ixesha lonyaka efunwa kakhulu indawo ngalo kukuvula iintsuku ezingakumbi kwikhalenda yakho. Le nto inceda indlu yakho ivele ngakumbi xa kukhangelwa ibe inganyusa ingeniso yakho.

Yiya kwikhalenda yendlu yakho uze ukhangele iintsuku ezivaliweyo, ezibonakala zingwevu. Vula naziphi na iintsuku ezivaliweyo okwaziyo ukubuka iindwendwe ngazo.

Ukwandisa ixesha ofumaneka ngalo kwenza iindwendwe zikwazi ukubhukisha kwangaphambili. Le ndlela yokwenza izinto isebenza ngokukhethekileyo kwiindawo elaziwayo ukuba liza kunyuka nini izinga lokufunwa kwendawo, njengaxa kukho amatheko amakhulu onyaka naxa kukho ikhephu nangexesha lokuya elwandle.

Ikhalenda yakho ivula usuku olunye ngexesha kungakhathaliseki iintsuku ofumaneka ngazo. Ngokomzekelo, ukuba ixesha lakho zinyanga eziyi-12, iindwendwe zingabhukisha indawo yakho ukuya kutsho kunyaka ngaphambi komhla wanamhlanje ibe iintsuku ofumaneka ngazo ziza kulungiswa suku ngalunye.

Jonga amaxabiso ezindlu ezifana neyakho kwingingqi yakho ukuze uhlale ukhuphisana kakuhle ngamaxesha onyaka efunwa kakhulu ngayo indawo yokuhlala. Ukuze uthelekise izindlu ezifanayo, yiya kwikhalenda yendlu yakho uze ukhethe iintsuku eziyokufika kweziyi-31.

Uza kubona umyinge wexabiso lezindlu ezifana neyakho kwimephu yengingqi yakho. Izinto ezigqibayo ukuba zeziphi iindawo ezifanayo ziquka indawo indlu ekuyo, ubungakanani bayo, izinto ezinokusetyenziswa, imilinganiselo, izimvo, nezinye izindlu iindwendwe ezizijongayo ngoxa zicinga ngeyakho.

Izindlu ezinamaxabiso aphantsi kunezinye izindlu ezifanayo ezikufutshane zidla ngokuba phambili kwiziphumo zokukhangela.

Ukuba unexabiso elifanayo suku ngalunye, cinga ngokuwatshintsha-tshintsha amaxabiso akho aphakathi evekini nawangeempela-veki ukuze ahambiselane nezinga lokufunwa kwendawo. Ukuwatshintsha-tshintsha amaxabiso kunokukunceda wonyuse izinga lakho lokubhukishwa.

Ukufaka izaphulelo yenye indlela yokuba phambili kwiindwendwe. Ungenza abahambi abohlukeneyo babe nomdla ngokuba nezi zinto:

• Izaphulelo zeveki nezenyanga. Faka izaphulelo zeveki xa kuza kuhlalwa iintsuku ezisixhenxe okanye ezingaphezulu okanye izaphulelo zenyanga xa kuza kuhlalwa iintsuku eziyi-28 okanye ngaphezulu. Le nto inokwandisa umyinge weentsuku eziza kuhlalwa kwizindlu zakho ize kunciphise amathuba okungena nokuphuma kweendwendwe.
• Isaphulelo sababhukishe kwangethuba. Faka isaphulelo xa kubhukishwa kwinyanga eyi-1 ukuya kweziyi-24 ngaphambi kokuba kubhaliswe xa kufikwa, uze wenze ube neendawo ezininzi ezibhukishiweyo ngaphambi kwamaxesha onyaka axakekileyo.
• Isaphulelo onokusikhupha xa sele kuza kungenwa. Ukunciphisa ixabiso lakho losuku njengoko usuku lokubhalisa xa kufikwa lisondela kunokukunceda utsale abahambi abavele bacinge ukuhamba. Izaphulelo xa kubhukishwa kusuku oluyi-1 ukuya kutsho kwiintsuku eziyi-28 ngaphambi kokuba kubhaliswe xa kufikwa zinokukunceda ugcwalise ikhalenda yakho uze unyuse ingeniso yakho.

Iindwendwe ziza kubona uphawu olukhethekileyo kwiziphumo zokukhangela nakwiphepha lendlu yakho lokufumana izaphulelo zeveki, zenyanga nezomzuzu wokugqibela ze-10% okanye ngaphezulu nezaphulelo zababhukishe kwangethuba ze-3% okanye ngaphezulu. Ixabiso lakho elinesaphulelo liza kuvela ecaleni kwexabiso lakho lokuqala, elihlatyiweyo.

Qaphela ukuba isaphulelo sababhukishe kwangethuba asifumaneki xa kuvulwe Indlela Ephucukileyo Yokubeka Ixabiso ibe izaphulelo zexesha eliza kuhlalwa kufuneka zilandele imithetho nemimiselo yasekuhlaleni.

Iifoto ezintle zitsala umdla, zicacisa izinto ezilindelekileyo, zize zenze iindwendwe zizithembe ngakumbi xa zibhukisha indawo yakho. Cinga ngokulungisa iifoto zendlu yakho njengoko ulungiselela amaxesha onyaka efunwa kakhulu ngawo indawo.

• Ceba iifoto zakho. Gxininisa ekufumaneni iifoto ezibonisa iinkcukacha ezikhethekileyo zendawo yakho, izinto ezinokusetyenziswa ezithandwayo, nezinto ezinceda ilungele wonke umntu. Fota igumbi ngalinye nendawo enokusetyenziswa zindwendwe ngeendlela ezahlukahlukeneyo.
• Faka iifoto ezilele ngecala nezikumgangatho ophezulu. Iifoto kufuneka ubuncinane zibe zipikseli eziyi-800 eziphindwe ngeepikseli eziyi-1 200. Iifayile ezinkulu zingcono, ukuya kutsho kwii-megabyte eziyi-10.
• Sebenzisa umntu okwaziyo ukufota. Cinga ngokuqesha umfoti ofota kakuhle ukuze akuncede. UAirbnb unokukudibanisa nomntu ofota kakuhle kwizixeko ezithile emhlabeni wonke.
• Yenza iifoto ezibukisayo. Isixhobo sika-Airbnb silandelelanisa iifoto zakho ezifakiweyo ngokuzenzekelayo ngokwamagumbi ukuze sincede iindwendwe ziyiqonde indlela eme ngayo indawo yakho. Ungazisa kwenye indawo, uzisuse, uze uzifake iifoto, ufake iinkcukacha kwigumbi ngalinye, uze ubhale ingcaciso yefoto nganye.

Enye indlela yokwenza indlu yakho ibe nomtsalane ngakumbi kukwenza kube lula ukubhalisa xa kufikwa nokuphuma.

• Faka indlela yokuzingenela. Ukufaka indlela yokungena usebenzisa ifowuni okanye ngokufaka ikhowudi emnyango okanye ibhokisi enesitshixo kuvumela iindwendwe ukuba zivule umnyango ngekhowudi. Iindwendwe ezininzi zikhetha ukuzingenela kuba kuyazilungela kwaye kwenza zibe bhetyebhetye, ibe kunokukongela ixesha. Nokuba yeyiphi indlela oyikhethayo, kubalulekile ukunika undwendwe ngalunye olubhukishayo ikhowudi yokungena ekhethekileyo.
• Nikezela ngemiyalelo yokuphuma. Faka amanyathelo acacileyo nalula, njengendawo yokushiya izitshixo nezinto ekufuneka zicinywe.

U-Katie, ilungu leBhodi Yabacebisi Yababuki Zindwendwe noyiSuperhost ePalm Springs, eKhalifoniya, uthi, “Kubalulekile ukuba ungazenzi zenze izinto ezininzi iindwendwe kuba andifuni into yokugqibela eziyikhumbulayo kube luludwe olude ngexesha langaphambi kokuphuma. Usenokuzifumanela uluvo oluneenkwenkwezi ezintlanu kuba nje ungenalo uludwe olude lokuphuma. ”

Amakhulu-khulu eeKlabhu Zababuki Zindwendwe emhlabeni wonke anceda ababuki zindwendwe bakwa-Airbnb ukuba baqhakamshelane baze bafunde omnye komnye. Siye sabona ukuba amalungu ezi klabhu zasekuhlaleni afumana imali ephindwe kabini kunababuki zindwendwe abangengawo amalungu eklabhu,* ibe banamathuba aphantse aphindwe kathathu okuba ziSuperhost.**

Izinto ezenziwa kwiiklabhu ezithandwayo ziquka:

• Ukunikana amacebiso okubuka iindwendwe anokuphucula ingeniso
• Ukuncokola ngemithetho yokuqeshisa ngendawo yokuhlala ixesha elifutshane
• Ukuxelelana ngeenkonzo zasekuhlaleni ezinokuthenjwa (abantu abacocayo, abasebenza ngemibhobho yamanzi, njl.)
• Ukuya kwimicimbi yokushishina ekhethekileyo

*Ngokwenkcazelo yakwa-Airbnb, xa uthelekisa umyinge wengeniso nomyinge womlinganiselo wamalungu eKlabhu Yababuki Zindwendwe yakwa-Airbnb emhlabeni wonke kunye nabo bonke ababuki zindwendwe emhlabeni wonke ukususela ngoSeptemba 2022 ukuya kuSeptemba 2023. Inkcazelo yengeniso iyahluka kuxhomekeka kwindawo ekuyo, ixesha lonyaka, nohlobo lwendlu.

**Ngokwenkcazelo yakwa-Airbnb yokuba yiSuperhost kwababuki zindwendwe abajoyine ukususela ngoJulayi 2023 ukuya kuJulayi 2024.

Amaxabiso akho nezinye iisetingi zilawulwa nguwe ngalo lonke ixesha. Iziphumo zakho zinokwahluka.

Ababuki zindwendwe baye babhatalwa ngokuba kudliwano-ndlebe.

Amacebiso okubuka iindwendwe axhomekeke kumthetho wasekuhlaleni.

Inkcazelo ekweli nqaku isenokuba itshintshile emva kokuba lipapashiwe.