Ukulisebenzisa kakuhle ixesha lonyaka elixakekileyo

Ixesha abantu abathanda kakhulu ukuhamba ngalo liyeza. Nazi iindlela ezimbalwa onokusebenzisa ngazo izixhobo zokubuka iindwendwe zakwa-Airbnb ukuze ulisebenzise kakuhle ixesha laxa izinga lokufunwa kwendawo yokuhlala zindwendwe liphezulu.

Lungiselela ixesha lonyaka elixakekileyo kwingingqi yakho ngokuvula iintsuku ezingakumbi kwikhalenda yakho. Le nto inceda indlu yakho ivele ngakumbi xa kukhangelwa ibe inganyusa ingeniso yakho.

Cinga ngelona xesha lakho lifutshane leentsuku zohambo xa uvula iintsuku kwikhalenda yakho. Kuza kufuneka lihlale lingaphantsi kwelona xesha lakho lifutshane okanye nciphisa elona xesha lincinance lohambo oluqhelekileyo. Ungenza nenani leentsuku zohambo elikhethekileyo leentsuku ezithile ozivulayo.

UMyranda, iSuperhost eseLittle Rock, eArkansas uthi, “Kubaluleke kakhulu ukuqinisekisa ukuba ikhalenda ivuliwe ngexesha lonyaka elixakekileyo. Endaweni yokuba ndiphumle iintsuku ezimbalwa phakathi kokungena nokuphuma kweendwendwe, ndiyaqinisekisa ukuba ndibhetyebhetye ngakumbi ngelo xesha lonyaka ukuze ndikwazi ukubuka iindwendwe ezingakumbi.”

Yiya kwikhalenda yendlu yakho uze ukhangele iintsuku ezivaliweyo, ezibonakala zingwevu. Vula naziphi na iintsuku ezivaliweyo okwaziyo ukubuka iindwendwe ngazo.

Ukwandisa ixesha ofumaneka ngalo libe ngaphaya kwelona xesha lincinci leenyanga ezintathu kwenza iindwendwe zikwazi ukubhukisha kwangaphambili. Ungavula ikhalenda yakho ukuya kutsho kwiminyaka emibini kwangaphambili. Indlu yakho iza kuvela kwiziphumo zokukhangela ezingakumbi—nakuludwe olufutshane lweziphumo ukuba zimbalwa iindawo ezifumanekayo ngelo xesha.

Ikhalenda yakho ivula usuku olunye ngexesha kungakhathaliseki iintsuku ofumaneka ngazo. Ngokomzekelo, ukuba ixesha ofumaneka ngalo zinyanga eziyi-12, iindwendwe zingabhukisha indawo yakho ukuya kutsho kunyaka ngaphambi komhla wanamhlanje.

UJimmy, iSuperhost yasePalm Springs, eKhalifoniya uthi, “Lisebenzise kakuhle ithuba lokunyuka kwezinga lokufunwa kweendawo. Mhlawumbi abanye ababuki zindwendwe abakakulungeli ibe iikhalenda zabo azivulwanga. Ngokuzilungiselela kwangaphambili, uza kulisebenzisa kakuhle ixesha laxa indawo ifunwa kakhulu.”

Ukuze uhlale ukhuphisana kakuhle ngexesha lonyaka elixakekileyo, jonga amaxabiso ezindlu ezifanayo kwingingqi yakho uze ucinge ngokulungisa ixabiso lakho losuku. Ukuba unexabiso elifanayo suku ngalunye, cinga ngokuwatshintsha-tshintsha amaxabiso akho aphakathi evekini nawangeempela-veki ukuze ahambiselane nezinga lokufunwa kwendawo. Ukuwatshintsha-tshintsha amaxabiso kunokukunceda wonyuse izinga lakho lokubhukishwa nengeniso.

Ukuze uthelekise izindlu ezifanayo, yiya kwikhalenda yendlu yakho uze ukhethe iintsuku eziyokufika kweziyi-31. 

Uza kubona umyinge wexabiso lezindlu ezifana neyakho ezikufuphi kwimephu yengingqi yakho. Amaqhosha akwimephu akuvumela ukuba ujonge izindlu ezibhukishiweyo okanye ezingabhukishwanga. Izinto ezigqibayo ukuba zeziphi izindlu ezifanayo ziquka indawo indlu ekuyo, ubungakanani bayo, izinto ezinokusetyenziswa, imilinganiselo, izimvo, nezinye izindlu iindwendwe ezizijongayo ngoxa zicinga ngeyakho.

Izindlu ezinamaxabiso aphantsi kunezinye izindlu ezifanayo ezikufutshane zidla ngokuba phambili kwiziphumo zokukhangela.

UFelicity, iSuperhost yaseSydney, eOstreliya uthi, “Ukuba lixesha elixakekileyo ibe asikabhukishwa, ndiye ndiphinde ndijonge izindlu kwingingqi yam. Ndimele ndibe nexabiso elikhuphisana kakuhle namanye.”

Ukufaka izaphulelo yenye indlela yokubalasela kwiindwendwe ngexesha lakho lokuxakeka. Ungenza abahambi abohlukeneyo babe nomdla ngokuba nezi zinto:

• Izaphulelo zeveki nezenyanga. Cinga ngokuba nezaphulelo zeveki xa kuza kuhlalwa iintsuku ezisixhenxe okanye ngaphezulu nezaphulelo zenyanga xa kuza kuhlalwa iintsuku eziyi-28 okanye ngaphezulu. Le nto inokunceda ekuphuculeni indawo ovela kuyo xa kukhangelwa izindlu, ugcwalise izikhewu kwikhalenda yakho, ize inciphise amathuba okungena nokuphuma kweendwendwe.
• Isaphulelo sababhukishe kwangethuba. Ukufaka isaphulelo sababhukishe kwangethuba xa kubhukishwe kwinyanga eyi-1 ukuya kweziyi-24 ngaphambi kokuba kubhaliswe xa kufikwa kunokukunceda utsale iindwendwe eziceba kwangethuba.

Iindwendwe ziza kubona uphawu olukhethekileyo kwiziphumo zokukhangela nakwiphepha lendlu yakho lokufumana izaphulelo zeveki okanye zenyanga ze-10% okanye ngaphezulu nezaphulelo zababhukishe kwangethuba ze-3% okanye ngaphezulu. Ixabiso lakho elinesaphulelo liza kuvela ecaleni kwexabiso lakho lokuqala, elihlatyiweyo.

Qaphela ukuba isaphulelo sababhukishe kwangethuba asifumaneki xa kuvulwe Indlela Ephucukileyo Yokubeka Ixabiso ibe izaphulelo zexesha eliza kuhlalwa kufuneka zilandele imithetho nemimiselo yasekuhlaleni.

UAnne, iSuperhost yaseTarragona, eSpeyini uthi, “Ndisebenzisa isaphulelo sababhukishe kwangethuba xa ndiseta ikhalenda yam yonyaka. Le nto idla ngokwenza ikhalenda yam igcwale ngokukhawuleza, ibe abantu abafumana isaphulelo badla ngokungazirhoxisi.”

Khangela iindlela zokwenza ukufika nokuhamba kweendwendwe zakho kube lula. Faka imiyalelo yokubhalisa xa kufikwa ukuze uzincede ziqonde indlela yokuyifumana indawo yakho neyokuvula umnyango wangaphambili xa zifika.

• Faka iinkcukacha ezibalulekileyo. Ungaseta uze ulungise indlela yakho yokubhalisa xa kufikwa, ixesha, nendlela yokuya kwisikhokelo sakho sokufika. Ukuzingenela usebenzisa ifowuni okanye ngokufaka ikhowudi emnyango okanye ibhokisi enesitshixo kuvumela iindwendwe ukuba zivule umnyango ngekhowudi, nokuba zifika ebusuku.
• Bonisa indlela yokungena ngaphakathi. Faka iifoto okanye ividiyo yokunceda iindwendwe zibe nombono wale nkqubo. Cela umhlobo ukuba avavanye imiyalelo yakho ukuze uqinisekise ukuba icacile.

Cinga ngexesha lokuphuma njengesihlandlo sokugqibela sokuba iindwendwe zakho zonwabele indawo yakho. Ukwenza kube lula kunokuzikhumbuza ngendlela ebezihleli kakuhle ngayo.

• Nikezela ngemiyalelo ecacileyo yokuphuma. Khetha kuludwe lwezinto ekufuneka zenziwe kwisikhokelo sakho sokufika. Chaza ukuba yintoni ebalulekileyo ekufuneka iindwendwe ziyenze ngaphambi kokuba zihambe, njengokucima izinto nokutshixa. Nabani na angazifunda ezi zinto ngaphambi kokuba abhukishe.
• Yenza kube lula kangangoko kunokwenzeka. Cinga ngokuba kuyimfuneko na ukuba iindwendwe zenze imisebenzi ethile, njengokuqokelela iitawuli ezisetyenzisiweyo nokulahla inkunkuma.

UKaren, iSuperhost yaseNelson, eKhanada uthi, “Kubalulekile ukuba iindwendwe zibe nomyalelo omnye okanye emibini nje elula kuba zizama ukuphuma endlini yakho. Le nto yenza ukuphuma kube lula kakhulu.”

Amaxabiso akho nezinye iisetingi zilawulwa nguwe ngalo lonke ixesha. Iziphumo zakho zinokwahluka. 

Ababuki zindwendwe baye babhatalwa ngokuba kudliwano-ndlebe.

Amacebiso okubuka iindwendwe axhomekeke kumthetho wasekuhlaleni.

Inkcazelo ekweli nqaku isenokuba itshintshile emva kokuba lipapashiwe.