Izinto ezincinci ezithandwa zindwendwe

Ufuna ukwenza iindwendwe zakho zibe nexesha ezingasoze zililibale? Akunyanzelekanga ukuba ube nendawo ekudidi oluphezulu okanye ezona zinto zinokusetyenziswa ziphucukileyo. Endaweni yaloo nto, cinga ngezinto ezincinci onokuzenza ezinokuba nefuthe elikhulu, njengokuzinika ikofu oyithandayo yalapho ekuhlaleni okanye uzibhalele ngesandla umyalezo wokuzamkela. Apha, ababuki zindwendwe basixelela ngamacebo alula nangabiziyo endlela yokwenza iindwendwe zibe nexesha elingalibalekiyo.

Iindwendwe ziqhele ukufika zidiniwe ibe zidinwe ingqondo kancinci. Zenze zizive zisekhaya zisangena nje emnyango.

• Yenza ibhasikithi yokuzamkela. “Ndinebhasikithi yokwamkela iindwendwe ene-oatmeal eyenziwa ngokukhawuleza, iiPowerBar, amantongomane, iibhiskithi nee-popcorn ezenziwa kwi-microwave ukuze zikhabe zisitya ezi zinto ukuba bezinohambo lwenqwelo-moya olude ibe azikafuni ukuya ezivenkileni.” —UCarrie, eNew York City
• Bhala umyalezo olungiselelwe zona. “Enye yezinto ezithandwayo zindwendwe likhadi elinomyalezo owenzelwe zona. Ndisebenzisa amakhadi enziwe ngamagcisa asematsha anomxholo othi iSão Paulo, isixeko sam.” —UPriscilla noGabriel, eSão Paulo
• Yenza indawo yokubeka iibhegi zempahla. “Ndinendawo yokubeka iimpahla ekupheleni kwebhedi nganye. Ndithanda indlela ekulula ngayo ukuzisusa ukuba umntu ufuna indawo engakumbi okanye xa ndicoca.” —UAllison, eTraverse City, eMichigan

Xa uzifakile izinto ezifunekayo, zisebenzise njengesiqalo sokubuka iindwendwe ngendlela engalibalekiyo.

• Hlala unezinto ezongezelelekileyo. “Ndiyaqinisekisa ukuba ndineetawuli ezininzi, izinto zebhedi ezongezelelekileyo, iisepha neeshampu.” —USusan, eCovington, eGeorgia
• Faka izinto zokuthambisa ekumnandi ukuba nazo. “Ndinika iindwendwe izinto zokosula i-makeup ezisetyenziswa zingcali.” —UBeverlee noSuzie, eOakland, eCalifornia (Icebiso elongezelelekileyo: Ziza kukunceda ungabi namabala ekunzima ukuwasusa kumashiti neetawuli zakho!)
• Nyusa izinga legumbi lakho lokuhlambela. “ndiyalisonga apha ezantsi iphepha langasese. Yinto encinci, kodwa yenza ibe ngathi zange yasetyenziswa kwaye kubonisa ukuba uyakhathala.” —UEmma-Kate, eSan Francisco
• Faka into eyenza ibe kumgangatho ophezulu. “Ndifaka iigawuni ezimhlophe ezitofotofo ezenziwe nge-terry cloth. Iindwendwe zizisebenzisa xa zikwi-spa okanye ukuze ziphole ngazo.” —ULinda, eLa Quinta, eCalifornia

Enye yezinto ezivuyisayo ngokuhamba kukwazi izinto ezimnandi, amavumba, ulwazi nobugcisa obahlukileyo baloo uye kuyo. Xelela iindwendwe ezinye zezinto ozithandayo.

• Yenza isidlo sakusasa singalibaleki. “Ndiye ndizinike isipho sasekuhlaleni sesidlo sakusasa, kuxhomekeka kwixesha lonyaka—ubusi obukhethekileyo nobunqabileyo be-fir-tree obuvela kumafama asezintabeni, itshizi eyenziwe ekuhlaleni okanye ijusi neziqhamo ezivela kumafama akwiilali ezikufuphi.” —UClaudia, eBlack Forest, eJamani
• Cinga ngayo yonke into. “NdisePortland, ngoko ndifuna iindwendwe zizive ukuba zisePortland kuyo yonke into eziyenzayo. UAirbnb wenzelwe loo nto kanye! Ndifaka iibhiya zasekuhlaleni, iintyatyambo ezikhiwe egadini yam, iincwadi ezininzi ezithetha ngesi sixeko, iitshokolethi ezisempilweni zasekuhlaleni kwaye iphepha-ndaba laseOregon lifika ntsasa nganye. Ndithenga neemagazini zasekuhlaleni. Ikofu emnandi yasePortland ibalulekile, nobisi olunekrimu elinganalo nalo, nalo liyafuneka.” —ULisa, ePortland, eOregon
  
• Lungiselela undwendwe ngalunye. “Ukuba iindwendwe zam zibhiyozela impela-veki yosuku lokuzalwa, ndifaka iikeyiki ezincinci zasekuhlaleni.” —UTiffany, eHollywood Beach, eCalifornia
• Zinike into encinci eziza kukukhumbula ngayo. “Ndifaka ikhadi leposi lendawo yasekuhlaleni okanye ephawulekayo entle elinokugcinwa zindwendwe okanye zilithumele ekhaya.” —UDebi, eThousand Oaks, eCalifornia

Izinto ezinokusetyenziswa ezidingekayo zinokwenza umahluko phakathi kohambo olumnandi nolubi ngendlela ibingalindelekanga. Unokunceda undwendwe ngento yokuthambisa yokuzikhusela kwilanga, izixhobo zoncedo lokuqala, ii-adapter zekhompyutha nezinye izinto.

• Zincede zibe phandle. “Izinto zaselwandle: izitulo, i-umbrella, i-sarong, ibhola yokudlala emanzini, ibhokisi yomkhenkce, amakhasi, izinto zokudlala zabantwana nebhola. Izinto zeengcongconi: into yokuzenza zingakutyi namakhandlela e-citronella.” —UDanielle, eRio de Janeiro
• Cinga ngemozulu yasekuhlaleni. “Sathenga izinto izinto zokunxiba xa kunetha ezilahlwayo eziyi-10, ezenziwe ngeplastiki ebhitye kakhulu nekhaphukhaphu. Kuyenzeka ukuba iindwendwe zifike imozulu intle kakhulu, kuze kunethe kakhulu ngaphambi kokuba zihambe. ” —UTill noJutta, eStuttgart, eJamani
• Faka isixhobo sokomisa iinwele neayini yeenwele. “Isixhobo sokomisa iinwele neayini yeenwele azibizi kakhulu ibe ukuba nazo endlini yakho kubonisa ukuba ucinge nangezona zinto zincinci ibe zisenokunceda undwendwe olusengxakini.”—URichard, eLenox, eMassachusetts
• Faka izinto ezinokusetyenziswa ezilungele intsapho. “Into elula ethandwa kakhulu: inqwelo endala enemiqamelo yokufaka iintsana xa ujikeleza nazo.” —UChantal, eDinan, eFransi

Awukaqiniseki ukuba ungaqala ngaphi? Hlala kwindawo yakho usuku olunye ukuze uve ukuba kunjani xa ulundwendwe. Zihoye kakhulu izinto ezithethwa zindwendwe ngokuba bekunjani—ziza kuba neembono ezahlukeneyo kunye namacebo ekusenokwenzeka ubungenakuwacinga wedwa. Ekuhambeni kwexesha, uza kuyibona eyona ndlela yokwenza indlu yakho ibe kwizinga eliphezulu. Mazize izimvo ezintle!