Izinto ezinokusetyenziswa ezifunwa zindwendwe
Iindwendwe zidla ngokuhluza iziphumo zokukhangela zika-Airbnb ukuze zifumane iindawo ezinezinto ezithile nezinto ezinokusetyenziswa ezithile. Ungenza indlu yakho ibe phambili ngokuquka yonke into efumaneka kwindawo yakho.
Izinto ezinokusetyenziswa eziphambili
Ezi zizinto ezinokusetyenziswa ezikhangelwa kakhulu zindwendwe.*
Ipuli
I-wifi
Ikhitshi
Indawo yokupaka yasimahla
Ibhafu enamanzi ashushu
Umatshini okhupha umoya obandayo okanye oshushu okanye isixhobo sokwenza indlu ibe shushu
Umatshini wokuhlamba okanye wokomisa iimpahla
Ukuzingenela
I-TV okanye iitshaneli ezibhatalelwayo
Iziko
Kulula ukufaka izinto ezinokusetyenziswa kwithebhu Yezindlu kwiakhawunti yakho yokubuka iindwendwe. Vela nje uye kwindawo ethi Indawo yakho nethi Izinto ezinokusetyenziswa, uze ucofe uphawu lokudibanisa. Ketha indawo ethi Faka ecaleni kwayo nayiphi na into elinayo ikhaya lakho. Unako nokwenza Iifoto ezibukisayo uze ufake iinkcukacha ngokwamagumbi, kuquka izinto ezinokusetyenziswa, inkcazelo yezinto eziyimfihlo namalungiselelo okulala.
Izinto ezibalulekileyo
Iindwendwe zilindele ukuba indawo yakho ibe nezi zinto zifunekayo ukuze zihlale kamnandi:
Iphepha langasese
Isepha yezandla neyomzimba
Itawuli yondwendwe ngalunye
Umqamelo wondwendwe ngalunye
Izinto zebhedi yondwendwe ngalunye
Cinga ngokwenza inani lezo zinto libe ngakumbi xa ulungiselela amaqela amakhulu neendawo zokuhlala ixesha elide. Ungazithumelela umyalezo iindwendwe zakho ukuze uzibuze izinto ezizidingayo.
Ukhuseleko lweendwendwe
Izinto ezimbalwa ezisisiseko zokuzikhusela zinokunceda ekunciphiseni umngcipheko kwindawo yakho.
Sicela bonke Ababuki Zindwendwe ukuba bafake iialam zokulumkisa ngomsi nangomoya otyhefayo kwiindawo ezisebenzisa izixhobo zaparafini. Ungafaka nesicima-mlilo nezinto zoncedo lokuqala.
Izinto ezinceda ilungele wonke umntu
Iindwendwe ezidinga izinto ezinceda indawo ilungele wonke umntu zidla ngokukhangela izinto ezifana nendawo yokungena engenazitepsi, iindawo zokubambelela ezibethelelweyo kwigumbi lokuhlambela, nendawo yokupaka elungele wonke umntu. Ukuquka ezi zinto kwindlu yakho kunceda iindwendwe zazi ukuba indawo yakho iza kuzilungela na.
Funda izikhokelo zethu zezinto ezinceda indawo ilungele wonke umntu
Iindawo zokusebenzela ekhaya
Iindwendwe ezisebenzela ekhaya ngoxa zikuhambo ziyazixabisa izinto ezinokusetyenziswa nezinto ezifana nezi:
- I-wifi ekhawulezayo nesebenza kakuhle
- Indawo elungiselelwe ukusebenzela kuyo
- Izinto ezinceda kube tofotofo, ezifana nesitendi se-laptop
- Indawo ekhanya kakuhle
- Izinto zeofisi, eziquka iipeni, iphepha netshaja etshaja izinto ezininzi
Izinto ezilungele abantwana nezilwanyana zasekhaya
Fumana iindwendwe ezingakumbi ezinabantwana okanye ezinezilwanyana zasekhaya ngokuba nezinto eziluncedo ezifana nezi:
- Isitulo sokutyisela usana
- Ibhedi yosana ephathwayo
- Iigeyithi zokukhusela usana
- Izinto zokogquma ifenitshala
- Izitya zokutya namanzi ezilwanyana zasekhaya
- Iitawuli zokosula iinyawo zezilwanyana zasekhaya emnyango
- Izinto zokucoca ezingakumbi
Qinisekisa ukuba uyaziveza izinto ozitshintshileyo ngokulungisa izinto zakho ezinokusetyenziswa, ingcaciso yendlu neefoto. Ukufaka nje izinto ezimbalwa ezifunwayo kunokudlala indima enkulu ekwenzeni iindwendwe zizive zikhululeke ngakumbi kwindawo yakho—ibe kunokuphumela kwizimvo ezintle kakhulu.
Inkcazelo ekweli nqaku isenokuba itshintshile emva kokuba lipapashiwe.