Indlela yokufota izinto ezinceda ilungele wonke umntu

Iindwendwe zifuna ukwazi ukuba ziza kukwazi ukuhamba ngokukhuselekileyo nangokukhululekileyo kwindawo ngaphambi kokuba zibhukishe. Ukufaka iifoto ezicacileyo nezineenkcukacha zezinto ezinceda ilungele wonke umntu kunceda iindwendwe zigqibe enoba indawo yakho iyazifikelela na izinto ezizifunayo.

UGeorge, undwendwe olusebenzisa isitulo esinamavili uthi: “Ndiyakwazi ukubona ukuba indawo iza kundifanela na ngokujonga nje ifoto enye. Okanye, ‘Uxolo bethuna, aninakukwazi ukuyibhekelisa itafile?’ Emva koko, hay'ke yonke into ime kakuhle.”

UAirbnb uhlola zonke izinto ezinceda ilungele wonke umntu neefoto ngaphambi kokuba zivele kwicandelo elithi Izinto ezinceda ilungele wonke umntu lendlu, ndawo leyo eyahlukileyo kwigalari yeefoto okanye kwiifoto ezibukisayo.

Landela ezi zikhokelo ukuze ufake izinto ezinceda ilungele wonke umntu kwindlu yakho. Ukuba ifoto ayizifikeleli izinto ezithile ezifunekayo, sisenokukucela ukuba ufake eyahlukileyo okanye uyisuse loo nto kwindlu yakho.

• Faka ubuncinane ifoto ibe nye yento nganye enceda ilungele wonke umntu kwindawo yakho.
• Faka iteyiphu yokulinganisa kwiifoto ukuze uveze imilinganiselo, njengobubanzi bomgubasi womnyango nokuphakama kwetafile.
• Faka iifoto eziliqela zento nganye ngendlela eyahlukileyo ukuze iindwendwe ziliqonde kakuhle igumbi okanye indawo.
• Bhala amagama acacisa iifoto anceda ekucaciseni izinto ezinceda ilungele wonke umntu zamagumbi neendawo, njengeenkcukacha zezinto zokukhanyisa.
• Zichazele iindwendwe ukuba zindawo ezithile kuphela ezifikelelekayo. Ngokomzekelo, “Eli kuphela kwegumbi lokuhlambela kule ndlu elinendawo yokungena engenazitepsi, elinomnyango obanzi neendawo zokubambelela.”

Zama la macebiso ukuze ufote izinto ezinceda ilungele wonke umntu zendlu yakho.

Indawo engenazitepsi yokungena endlini

Bonisa ukuba akukho zitepsi okanye iindawo eziphakamileyo eziphakame ngaphezu kweeintshi eziyi-2 (iisentimitha eziyi-5) kwindawo yokungena okanye kwindlela eya kuyo. Le nto iquka iindlela ezingaphandle, iipaseji, iilifti nezinye izinto iindwendwe ekufuneka zizisebenzise ukuze zingene ngaphakathi.

• Vula yonke iminyango neegeyiti ezisendleleni eya kwindawo yokungena. Ukuba indawo yokungena ayinazitepsi okanye ayinazo iindawo zokonyuka eziphathwayo, qinisekisa ukuba zikhona.
• Qala kwindawo iindwendwe ezifikela kuyo okanye ezipaka kuyo, ufote qho emva kwe-10 feet (kweemitha eziyi-3) kwindlela eya kwindawo yokungena. Yijike kancinci ikhamera ijonge phantsi ukuze ifote umphezulu wendlela.
• Fota ifoto eyahlukileyo yendawo yokungena uyifota ungaphandle. Buya umva ubuncinane i-8 feet (iimitha eziyi-2.4) ukuze ufote umnyango ovulekileyo, uveze indlela macala omabini kwindawo yokungena.

Indawo yokungena engenazitepsi eya egumbini

Bonisa ukuba ngawaphi amagumbi neendawo ekunokufikelelwa kuzo ezingenazitepsi, amacala endlela, okanye iindawo eziphantsi emnyango eziphakame ngaphezu kweeintshi eziyi-2 (kweesentimitha eziyi-5). Fota iindawo zangaphakathi nezangaphandle, kuquka naziphi na iidekhi, iibhalkhoni neeveranda.

• Wuvule wonke umnyango ukuse ufote ifoto esondeleyo yendawo ephantsi kwindawo yokungena. Yijike kancinci ikhamera ijonge phantsi ukuze ifote indlela kumacala omabini omgangatho okanye amacala endlela.
• Buya umva ubuncinane i-5 feet (iimitha eziyi-1.5) ukuze ufote indlela yokungena egumbini umi ngaphandle.
• Yiphinde le nto uze ufote ifoto efanayo ngaphakathi egumbini.
• Ukuba eli gumbi lineendawo zokungena ezininzi, fota nganye yazo.
• Fota iifoto ezongezelelekileyo ukuze uveze indawo yokuhamba eya kumnyango omkhulu ongena kwelo gumbi.

Iindawo zokungena ezibanzi

Bonisa ukuba yeyiphi iminyango kwikhaya lakho ebanzi kangangeeintshi eziyi-32 (iisentimitha eziyi-81). Ukwazi ukuba ubanzi kangakanani umnyango wangaphambili nezinye iindawo zokungena kunceda iindwendwe zigqibe ekubeni indawo ingasilungela na isitulo sazo esinamavili okanye isixhobo sokuhamba.

• Vula umnyango, uvuleke kangangoko kunokwenzeka. Tsala iteyiphu ilinganise yonke ifreyimu. Qinisekisa ukuba zombini iindawo ezisekupheleni zeteyiphu namanani ayo avela ngokucacileyo.
• Fota ubuncinane iifoto ezimbini: enye ibe yeyendawo yokungena eneteyiphu etsaliweyo yalinganisa yonke ifreyimu, nenye esondeleyo ebonisa ubude bayo, ukuze kube lula ukuwafunda.

UGeorge uthi, “Ukuba ndiyawazi ukuba mkhulu kangakanani umnyango, nditsho ndazi ukuba isitulo sam siza kungena kakuhle na.”

Izinto ezilungisiweyo zegumbi lokuhlambela

Bonisa izinto ezinokunceda iindwendwe zihamba-hambe kwigumbi lokuhlambela, kuquka ishawa engenazitepsi, ithoyilethi neendawo zokubambelela kwishawa nesitulo sokuhlambela. Faka iifoto ezibonisa lonke igumbi lokuhlambela neshawa, neefoto ezisondeleyo ezibonisa izinto ezithile onazo.

• Ishawa engenazitepsi: Vula ikhethini okanye iminyango. Yijike kancinci ikhamera ijonge phantsi ukuze ibonise ukuba ayikho indawo yokungena okanye izinto zokunqanda amanzi ezingaphezulu kweintshi eyi-1 (kweesentimitha eziyi-2.5).
• Iindawo zokubambelela: Yibonise ngokucacileyo indawo ekuyo into yokubambelela kwishawa nengakwindlu yangasese. Fota iifoto ezahlukileyo zento nganye, nokuba uye wazifota zavela zonke kwiifoto ezibanzi zegumbi lokuhlambela.
• Ishawa okanye isitulo sokuhlambela: Veza isitulo sonke singaphakathi kwishawa okanye ebhafini, nokuba sincamathele edongeni okanye sizimele.

Indawo yokupaka yabantu abaneziphene

Veza indawo yakho yokupaka imoto engasetyenziswa nangabanye abantu enye ubuncinane ebanzi ngee-11 feet (iimitha eziyi-3.35) okanye indawo yokupaka kawonke-wonke elungiselelwe umntu onesiphene.

• Indawo yokupaka engasetyenziswa nangabanye abantu: Fota ukude, imoto ipakwe ecaleni kwendawo yondwendwe ukuze umntu akwazi ukulinganisela. Okanye sebenzisa iteyiphu yokulinganisa ukuze uqinisekise ububanzi bayo.
• Indawo yokupaka kawonke-wonke: Fota iimpawu nezinye iimpawu ezisesitratweni ezibonisa ukuba le ndawo igcinelwe abantu abaneziphene.

Indlela ekhanyayo eya kumnyango wokungena undwendwe

Bonisa ukuba indawo yokuhamba okanye indawo yokuhamba esecaleni eya emnyangweni wondwendwe ikhanya kakuhle xa kumnyama.

• Layita zonke izibane zangaphandle ezikhanyisa indlela.
• Cima naziphi na izibane zangaphakathi eziphazamisa ukukhanya kwangaphandle.
• Qinisekisa ukuba iifoto zakho ziyabonisa ukuba zindawoni izibane zangaphandle xa zithelekiswa nendlela.

Izinto zokunyusa

Veza naziphi na izixhobo ezinenjini okanye izinto kwindawo yakho ezenzelwe ngokukhethekileyo ukunceda iindwendwe zingene zize ziphume kwisitulo esinamavili, epulini okanye kwibhafu yamanzi ashushu.

• Fota into yokufunqula umntu ubonise iinkcukacha ezininzi kangangoko kunokwenzeka, kuquka nokuba incanyathiselwe esilingini na okanye izimele.
• Fota ifoto ebanzi ebonisa ngokucacileyo indawo ekuyo ecaleni kwebhedi, ecaleni kwendlu yangasese, kwepuli okanye kwebhafu enamanzi ashushu.
• Fota indawo ejikelezileyo ukuze ubonise ubukhulu bayo nendawo ekuyo xa isetyenziswa.

Funda okungakumbi ngezinto ezifunekayo ukuze ufake izinto ezinceda ilungele wonke umntu kwindlu.

Inkcazelo ekweli nqaku isenokuba itshintshile emva kokuba lipapashiwe.