Ukwenza lula iimali ezibhatalelwa ukusebenzisa uAirbnb

Siyenza lula indlela yethu imali etsalwa ngayo ukuze kube lula ngababuki zindwendwe ukubeka amaxabiso. Funda ngezinto ezitshintshayo nendlela yokugcina imali oyibhatalwayo ingatshintshi.

Kwezi ntsuku, ababuki zindwendwe neendwendwe badla ngokubhatala imali ebhatalelwa ukusebenzisa uAirbnb. Ngenxa yaloo nto, ubeka ixabiso libe linye kodwa iindwendwe zibhatala ixabiso eliphezudlwana eliquka imali ebhatalelwa ukusebenzisa uAirbnb.

Nge-27 kaOktobha, ababuki zindwendwe abalawula amaxabiso besebenzisa i-software yokulawula izindlu okanye i-software yokulawula amajelo baza kutshintshela kwimali emele ibhatalwe enye, apho ababuki zindwendwe babeka ixabiso elibonwa nelibhatalwa zindwendwe. Ukwazi ukuba iindwendwe zibhatala malini kwenza kube lula ukubeka amaxabiso akhuphisana kakuhle namanye.

• Ixabiso elahlulahluliweyo: Namhlanje, i-3% yemali emele ibhatalwe ngumbuki zindwendwe iza kutsalwa kwixabiso lakho ukuze kubalwe imali oza kuyibhatalwa.* Ukongezelela, iindwendwe zibhatala i-14.1% ukuya kwi-16.5% eyimali eziyibhatalela ukusebenzisa uAirbnb ukongezelela kwixabiso lakho. Ngokomzekelo, ukuba ubeka ixabiso lakho libe yi$100 yeedola zaseMerika, uza kufumana i$97 ibe iindwendwe zakho ziza kubhatala malunga ne$115.
• Imali emele ibhatalwe enye: Nge-27 kaOktobha, imali ebhatalelwa ukusebenzisa uAirbnb eyi-15.5% iza kutsalwa kwixabiso lakho ukuze kubalwe imali oza kuyibhatalwa. Le mali ibhatalwayo inye isekelwe kumyinge wemali ebhatalelwa ukusebenzisa uAirbnb emhlabeni wonke, ngoku eyahlulwa phakathi kwababuki zindwendwe neendwendwe. Ngokomzekelo, ukuba ulungisa ixabiso lakho libe yi$115 ukuze usenzela imali emele ibhatalwe enye, uza kufumana i$97.18 ibe iindwendwe zakho ziza kubhatala i$115.

Kuyo yomibini le mizekelo, imali oyifumanayo nemali ebhatalwa zindwendwe zakho iyafana.

Cinga enoba ungathanda ukutshintsha nantoni na kumaxabiso akho ukuze ulungiselele indlela entsha etsalwa ngayo imali.

• Lungisa amaxabiso akho: Usenokufuna ukuwatshintsha amaxabiso akho ukuze ugcine imali oyibhatalwayo nemali ebhatalwa zindwendwe ifana neyangaphambili. Njengoko ibonisiwe ngasentla, ukuba ulungisa ixabiso lakho lisuke kwi$100 libe yi$115, uza kufumana i$97.18 ibe iindwendwe zakho ziza kubhatala i$115.
• Gcina amaxabiso akho efana: Uza kwenza ingeniso encinci ngosuku ibe iindwendwe zakho ziza kubhatala imali encinci ukuba awuwatshintshi amaxabiso akho. Ngokomzekelo, ukuba ixabiso lakho uligcina liyi$100, uza kufumana i$84.50 emva kokuba kutsalwe i-15.5% yemali emele ibhatalwe ibe iindwendwe zakho ziza kubhatala i$100.

Ukuba uyawatshintsha amaxabiso akho, watshintshe nge-27 kaOktobha usebenzisa i-software yokulawula indlu yakho. Emva koko jonga ukuba amaxabiso akho, kuquka izaphulelo nezaphulelo ezifumaneka kube kanye, ziyafaneleka na kwi-software nakwiiwebhusayithi ozisebenzisayo.

Ukuba ugqiba ekubeni uwatshintshe ngaphambi kwe-27 ka-Oktobha, kuza kufuneka uyilungise ngokwakho indlela imali emele ibhatalwe etsalwa ngayo ibe yimali enye ebhatalelwa ukusebenzisa uAirbnb kwicandelo Lokubhatala kwiakhawunti yakho ka-Airbnb.

Imali ebhatalelwa ukusebenzisa uAirbnb inceda ukubhatalela iindleko zeemveliso neenkonzo zika-Airbnb, kuquka ukubhatala, ukuthengisa, nenkonzo yabathengi. Ukuyilungisa kwethu indlela imali etsalwa ngayo ibe yimali emele ibhatalwe enye yinxalenye yokuzibophelela kuka-Airbnb ekuphuculeni indlela ixabiso elibonakala ngayo.

Funda okungakumbi ngemali ebhatalelwa ukusebenzisa uAirbnb.

*Abanye babhatala ngakumbi, kuquka abanye ababuki zindwendwe abanezinto ezinokubhukishwa eItali naseBrazil.

Iimali ezimele zibhatalelwe ukusebenzisa uAirbnb ziyipesenti yexabiso lakho losuku nazo naziphi na iimali ezimele zibhatalwe ozifakileyo, njengemali yokucoca.

Kwamanye amazwe nemimandla, iirhafu ziqukiwe kwixabiso elipheleleyo eliveziweyo. Ixabiso elipheleleyo kuquka neerhafu zisoloko ziboniswa ngaphambi kokuba ubhatale.

Inkcazelo ekweli nqaku isenokuba itshintshile emva kokuba lipapashiwe.