Indlela esebenza ngayo iAirCover Yababuki Zindwendwe

IAirCover Yababuki Zindwendwe ikukhusela sihlandlo ngasinye usamkela iindwendwe. Iquka ukuqinisekiswa kokuba lungubani undwendwe, ukuhlolwa kokubhukisha, i-inshorensi yomonakalo kumntu obebhukishile ye$1 miliyoni yeedola zaseMerika, Neinshorensi yokukhuselwa kombuki zindwendwe kumonakalo ye$3 miliyoni yeedola zaseMerika, nokukhuselwa kwezinto zakho zexabiso, iimoto ezipakiweyo nezikhephe kwindlu yakho.

Intsapho yethu isekelwe ekuthembaneni. Yiloo nto zonke iindwendwe ezibhukishayo kufuneka zigqibe inkqubo yethu yokuqinisekisa ukuba zingoobani. Xa siqinisekisa ukuba lungubani undwendwe, siqinisekisa inkcazelo ethile yobuqu, njengegama lalo elisemthethweni, idilesi, inombolo yefowuni, okanye ezinye iinkcukacha zokuqhakamshelana.

Xa undwendwe luqinisekisiwe, luza kufumana ibheji ethi luqinisekisiwe. Le nto iboniswa njengebheji ebomvu enophawu lokutikisha ecaleni kwefoto yeprofayile yalo. Ukongezelela, sisenokuhlola izinto olukhe lwazenza undwendwe lwaseMerika.

Fumana iinkcukacha ezingakumbi ngokuqinisekiswa kokuba lungubani undwendwe.

Ipolisi Yethu Engokuphazanyiswa Kwentsapho iyazalela iipati ezingavumelekanga neziphazamisayo. Sisebenzisa iteknoloji yokuhlola ukubhukisha ukuze sincedise ekunyanzeliseni le polisi nasekunciphiseni amathuba okubakho kweepati eziphazamisayo.

Le nkqubo ijonga izinto ezahlukahlukeneyo ezijongwayo ukuze kubonwe ukuba ukubhukisha kufuneka kuvaliwe na. Ezi zinto ziquka uhlobo lwento enokubhukishwa ebhukishwayo, ixesha eliza kuhlalwa, umgama wento enokubhukishwa ukusuka kundwendwe, nokuba kubhukishwe ngomzuzu wokugqibela na, phakathi kwezinto ezingakumbi ezininzi.

Fumana iinkcukacha ezingakumbi ngeteknoloji yokuhlola ukubhukisha.

Ukukhuselwa kombuki zindwendwe kumonakalo, okuyinxalenye yeAirCover Yababuki Zindwendwe, kuquka ezi zinto ezikhuselayo ukuba undwendwe aluwubhataleli umonakalo oluwenze kwindawo yakho okanye kwizinto zakho ngoxa beluhleli kwindawo yakho.

• I-$3 miliyoni yeedola zaseMerika yokukhuselwa kumonakalo: Oku kukhusela kuquka ikhaya lakho nezinto ezikulo.
• Ukukhuselwa kwezinto zobugcisa nezinto ezixabisekileyo: Sikhusela izinto zobugcisa zexabiso, ijuwelari, nezinto eziqokelelwayo ezinokubuyiselwa imali ukuba zonakele.
• Ukukhuselwa kweemoto nezikhephe: Siyazikhusela iimoto, izikhephe nezinye izithuthi ezihamba emanzini ozipakayo okanye ozigcina endlini yakho.
• Ukukhuselwa kumonakalo owenziwa sisilwanyana sasekhaya: Siyawubhatalela umonakalo owenziwe sisilwanyana sasekhaya.
• Ukucocisisa: Siyayibuyisa imali yokucocisisa okongezelelekileyo okufunekayo ukuze kusuwe amabala namavumba omsi.
• Ukukhuselwa ekulahlekelweni yingeniso: Sikubuyisela imali elahlekileyo ukuba urhoxisa into ebhukishiweyo eqinisekisiweyo ka-Airbnb ngenxa yomonakalo obangelwe lundwendwe.

Fumana iinkcukacha ezingakumbi Ngokukhuselwa kombuki zindwendwe kumonakalo.

Ukuba undwendwe lonakalisa indawo okanye izinto zakho, wena(okanye umbuki zindwendwe oncedisayo onemvume epheleleyo yokungena egameni lakho) ungaya Kwiziko lethu Lezemali ukuze ufake isicelo sokubuyiselwa imali uze ulandelele le nkqubo ukususela ekufakeni isicelo ukuya ekubhatalweni.

Isicelo sakho siza kuthunyelwa kundwendwe kuqala. Ukuba undwendwe aluphenduli okanye alubhatali zingekapheli iiyure eziyi-24, uza kukwazi ukucela ukuncedwa kuAirbnb.

I-inshorensi yomonakalo kumntu obebhukishile, eyinxalenye yeAirCover Yababuki Zindwendwe, inika ababuki zindwendwe i$1 miliyoni yeedola zaseMerika yokubhatalela kwimeko engaqhelekanga yokuba undwendwe lonzakale okanye konakale izinto zalo okanye zibiwe ngoxa luhleli kwindawo yakho. Abantu abakuncedisa ubuke iindwendwe, njengababuki zindwendwe abancedisayo nabantu abacocayo, bayakhuselwa yile inshorensi.

I-inshorensi yomonakalo kumntu obebhukishile iyakukhusela ukuba uye wafunyaniswa unetyala lezi zinto:

• Ukwenzakala kondwendwe (okanye kwabanye abantu).
• Umonakalo okanye ukubiwa kwezinto zondwendwe (okanye kwezabanye abantu).
• Umonakalo owenziwe lundwendwe (okanye ngabanye abantu) kwiindawo ezisetyenziswa ngumntu wonke, njengeendawo zokwamkela iindwendwe nezindlu eziselumelwaneni.

Sebenzisa ifomu yethu yokufaka ibango lomonakalo ukuze kufakwe ibango. Siza kuthumela inkcazelo osinike yona kwinkampani yeinshorensi esiyithembileyo ibe iza kubeka umntu oza kujongana nebango lakho. Uza kusombulula ibango lakho esebenzisa imimiselo yepolisi yeinshorensi.

Fumana iinkcukacha ezingakumbi Ngeinshorensi yomonakalo kumntu obebhukishile.

Le nto iyafana nendlela okhuselwa ngayo Yi-inshorensi yomonakalo kumntu obebhukishile ngeAirCover Yababuki Zindwendwe, ababuki zindwendwe beenkonzo bakhuselwa yi-inshorensi yokubhatalela umonakalo yomntu Okwizinto Ezinokonwatyelwa Neenkonzo yakwa-Airbnb. Bonke ababuki zindwendwe beenkonzo kufuneka babe nayo neinshorensi yokubhatalela umonakalo efanelekileyo yeshishini labo ngoxa benikezela ngenkonzo.

Xa Iinkonzo zika-Airbnb zisenziwa kwindawo yakho, kusebenza i-inshorensi yomonakalo kumntu Okwizinto Ezinokonwatyelwa Neenkonzo ukuba umbuki zindwendwe unetyala lokonakalisa indawo yakho okanye izinto zakho.

Fumana iinkcukacha ezingakumbi Ngeinshorensi yomonakalo yomntu Okwizinto Ezinokonwatyelwa Neenkonzo.

I-AirCover Yababuki Zindwendwe Ukukhuselwa kombuki zindwendwe kumonakalo, I-inshorensi yomonakalo kumntu obebhukishile, kunye Neinshorensi Yomonakalo Yomntu Okwinto Enokonwatyelwa Neenkonzo azisebenzi kubabuki zindwendwe abaneendawo zokuhlala okanye izinto ezinokonwatyelwa eJapan, apho kusebenzaI-inshorensi Yababuki Zindwendwe yaseJapan kunye Neinshorensi Yezinto Ezinokonwatyelwa yaseJapan, okanye kubabuki zindwendwe abaneendawo ezisebenza ngoAirbnb Travel LLC. Zonke iimali zezinto ezikhuselwayo zichazwe ngokweedola zaseMerika.

I-inshorensi yomonakalo kumntu obebhukishile neinshorensi yomonakalo kumntu Okwizinto Ezinokonwatyelwa Neenkonzo zibhatalelwa zezinye iinkampani zeinshorensi.

Ukuba ubuka iindwendwe kwiindawo, kwizinto ezinokonwatyelwa, okanye kwiinkonzo eUK, I-inshorensi yomonakalo kumntu obebhukishile neinshorensi yomonakalo kumntu Okwizinto Ezinokonwatyelwa Neenkonzo ibhatalelwa yiZurich Insurance Company Ltd., ibe ilungiselelwe yaza yenziwa yasebenza ngaphandle kokuba babhataliswe imali eyongezelelekileyo ababuki zindwendwe baseUK nguAirbnb UK Services Limited, ummeli omiselweyo weAon UK Limited, ogunyaziswe nolawulwa yiFinancial Conduct Authority. Inombolo yokubhalisa yeFCA ka-Aon ngu-310451. Ungayijonga le nto ngokuya kwiFinancial Services Register okanye ngokuqhakamshelana neFCA kule nombolo ethi-0800 111 6768. Iipolisi zomonakalo kumntu obebhukishile neepolisi zomonakalo kumntu Okwizinto Ezinokonwatyelwa Neenkonzo ezikwiAirCover Yababuki Zindwendwe zilawulwa yiFinancial Conduct Authority. Iimveliso neenkonzo ezishiyekileyo azizizo iimveliso ezilungiselelwe yiAirbnb UK Services Limited.

Ukuba ungumbuki zindwendwe kwiindawo zokuhlala, kwizinto ezinokonwatyelwa, okanye kwiinkonzo kwiEuropean Economic Area (EEA), i-inshorensi Yomonakalo Kumntu Obebhukishile Neyezinto Ezinokonwatyelwa neyeenkonzo ibhatalelwa yiZurich Insurance Europe AG, isebe laseSpeyini, ibe ilungiswe yaza yenziwa yasebenza ngaphandle kokuba babhataliswe imali eyongezelelekileyo ukuze kuncedakale ababuki zindwendwe abakwiEEA nguAirbnb Spain Insurance Agency S.L.U. (ASIASL), inkampani yeinshorensi ezimeleyo elawulwa yiDirectorate General for Insurance Pension and Funds (DGSFP) nebhaliswe eSpeyini enenombolo ethi AJ0364 kwiRegistry of the Insurance Distributors yeDGSFP. Ungaqinisekisa ukubhaliswa kwayo ngokuya kwiDGSFP Insurance Distributors Register, ibe ungafumana iinkcukacha ezipheleleyo zeASIASL apha.

I-inshorensi yokukhuselwa kombuki zindwendwe kumonakalo ayiyoinshorensi ibe ayinanto yakwenza neInshorensi yomonakalo kumntu obebhukishile. Kwizinto ezinokubhukishwa ezikwiphondo laseWashington, izinto ezifuneka kuAirbnb phantsi kweinshorensi yokukhuselwa kombuki zindwendwe kumonakalo zibhatalelwa yipolisi yeinshorensi ethengwe nguAirbnb. Kubabuki zindwendwe abahlala okanye abanendawo yokuhlala engaphandle kwaseOstreliya, kusebenza le Mimiselo yeInshorensi Yokukhuselwa Kombuki Zindwendwe Kumonakalo. Kubabuki zindwendwe abahlala okanye abanendawo yokuhlala eseOstreliya, i-Inshorensi yokukhuselwa kombuki zindwendwe kumonakalo ixhomekeke Kwimimiselo Yeinshorensi Yokukhuselwa Kombuki Zindwendwe Kumonakalo Yabantu Abayisebenzisayo baseOstreliya.

Inkcazelo ekweli nqaku isenokuba itshintshile emva kokuba lipapashiwe.